ROMEŊ 2:16 - JAA TƏMARWAŊ

¹⁶ Kar gə minti ten wəətənəy səməy haa kənaŋ ɗe a veɗe wəra anə pəɗaki də hi bə minti Pepeŋ he bə jeme kəəti də kaŋ, haa Yeesu Kristu. Də hi toŋ ateŋaŋ, Pepeŋ kay gud kel neete gə metə-mete gə minti yə bə ɗikiya ku tərməyiŋ yaŋ wəra. Kel teŋ gə tapə-tepe də *Kel pəsaŋ kəmarwaŋ gə minti ten haa bə wəətiya wəraŋ.

ROMEŊ 2:16 Iomraidhean Croise

MATIYE 16:27

Gud maa mo *Kormə Hulúm dər məyan kə Buruŋa bə tuuki yaŋ də *kaa kə digi nuutuŋ guudu. Kəya wə bə werke mindi mindi keɗe haa gud joŋre bə minti wə a juunuŋ.

LIKI 8:17

Kar gə metə-mete gə hebkənaŋ, Pepeŋ vəɗəy yaŋ wəra. Kel gə dəgaaya-dəgaayaŋ, Pepeŋ gay guudi yaŋ wəra pəɗaki.

Kel pəsaŋ kəmarwaŋ gə minti Zaŋ jiiriniy 12:48

Hulum bə minti koloŋ kirku ne a nəənən daana doŋ kel katən baŋ fele karman bə daw də kəətiŋ: kel gə minti ten a wəətənəy daw yaŋ də kəətiŋ dər hi bə adoroŋaŋ haa té.

JOŊRE 10:42

Yeesu waataŋ are minti aŋ waatə kel la a kaanə Ziwifiŋ bə gay diri wəra anə pasyak-pasyaki cəərə kusru minti Pepeŋ ŋəmaŋ da haa tó bə bi a isi bə jeme kəəti də kaa kə dədərgəŋa, də kaa kə mee-meŋ keɗe.

JOŊRE 17:31

Gud maa mo, Pepeŋ ŋəmaŋ hi bə jeme kəəti də kaa gə cəərə seŋkaŋ də ne warda neŋneŋ keɗe ɗaw. Wə ɗe a jəməy kəəti di haa də kəəti ɗekeri faɗi, də hulum bə minti wə a ŋəmnu warda bə ji joŋre toŋ. Wə gaŋ dər kaŋ wəra kəkər minti tó ɗe a ji teŋ yaŋ bədoona, haa a kəkəy bə minti wə haraŋ hulum toŋ wəra dədərgə adordə meŋaŋ.»

ROMEŊ 16:25

Aŋ tokɗə Pepeŋ la! Wə bə nakə-neke bə koloŋ də səɓaki a deŋa, damdi *Kel pəsaŋ kəmarwaŋ gə cəərə Kristu gə minti ten wəra bə wəətiya waateŋ ana, daana damdi ɗiki kə Pep bə ɗampə-ɗampe bə cəərə Kristuŋ, bə minti a bə metə-mete da anə hãã, waate anaŋ gəm.

ROMEŊ 2:5

Gud tete nəmtiŋa daana minti tam bele ke kum wəra cəərə baymele nəmtiŋa baŋ, tam bə ɗampe cəərəma haa daŋgay mooto-mooto də minti ɗe a jəm yaŋ dər hi bə minti Pepeŋ ge gud waŋ nuutuŋ yaŋ wəraŋ, daana wə jeme kəəti də kaŋ yaŋ a kuɗuŋa faɗiŋ.

ROMEŊ 3:6

Paapa bədoona ba anə ceki gəm! A jəə la minti Pepeŋ paapa ɗeker baŋ, wə bə ɗe a jeme kəəti də kaa gə cəərə seŋkaŋ hõy naanaanə pə mo?

I KOREŊTƏŊ 15:1

Bə hebkənaŋ kəsaananti, ten bele ɗəkəŋ cəərəŋ cəərə *Kel pəsaŋ kəmarwaŋ gə minti ten a waatənaŋ di wəraŋ, aŋ duuniy daana aŋ hebkəna gə əsə-isi diri ŋəŋ.

I KOREŊTƏŊ 4:5

Gud teŋa ta, aŋ a jeme kəəti də hulum wəra ajew-ajew ba jamə ba, aŋ məə hare kə Barkaŋ la kəm. Bi a ke gud kar gə minti gə ŋoyə-ŋoye wəra dər tilməŋa daana bi a veɗe ɗiki bə ku tarmə kaŋ wəra haa tó. A ko toŋa, mindi mindi mo fele aŋke nuutu yaŋ kasi Pepeŋa də aŋar də joŋre bə minti wə a juunuŋ.

II KOREŊTƏŊ 5:10

Gud maa mo áŋ keɗe kir ɗe tiinə Kristu bə ɗe a waate sam kusrə áŋ wəra. A ko toŋa ta, mindi mindi mo fele werke nuutuŋ haa də aŋar də kel pəsaŋ ɗawba gə bayməlaŋ gə minti wə a jiiniy kanna adawra naŋ.

GALATIŊ 1:11

Kəsaananti, ten waataŋ minti: Kel pəsaŋ kəmarwaŋ gə minti ten waatənaŋ diŋ, hulum jəmnəy paapa də cuuru jeme ba.

I TIMOTE 1:11

Hate tó pisiŋ ha'aŋ, wə damdi *Kel pəsaŋ kəmarwaŋ gə daŋə-deŋe kumsi gə minti Pepeŋ aynan dən minti ten wəətəy la wəra a kaŋ ana. Kel teŋ ha'aŋ bəŋ kasi Pepeŋ da dər boblo nuutuŋ da.

II TIMOTE 2:8

Cəərəm jəə la cəərə Kristu Yeesu ɗəki, bə minti a jəŋ a kaasaw də *Davidi daana bə minti haraŋ wəra dədərgə adordə meŋa, damdi *Kel pəsaŋ kəmarwaŋ gə minti ten bə siwliyaŋ waataŋ wəraŋ ana.

II TIMOTE 4:1

Ten bə waatama wəra kaŋkaŋ tiinə Pepeŋa, daana tiinə Kristu Yeesu bə minti bə jeme kəəti də kaa gə minti zugi dədərgə daana də kaa kə mee-meŋ. Ten wəra bə asə-ase minti Kristu hare yaŋ da daana wə bi yaŋ a hame *kumna nuutuŋ. Gud teŋa ta, ten bə waatama minti:

II TIMOTE 4:8

Bə hebkənaŋ ha'aŋ, werke bə bulum bə kel ɗekeriŋ bə mən na apəy na. Werke toŋ, Barkaŋ hulum bə jeme kəəti ɗekeriŋ bə ayan dən yaŋ dər hi bə jeme kəətiŋa. Wə bə əyu paapa a nəənən təwa ba, səma a kaa gə minti bə mi hi bə hare nuutuŋa də beleŋ ku tərməyiŋ.

HEBEREŊ 9:27

Hulum mundu mundu mo caw, cuuru ɗe a awe haa a meŋa kampa ɗaaməna faɗi, adordə teŋa kəyaŋ, Pepeŋ jəmu kəəti du.

I PIYER 4:5

Səma yə bə ɗe yaŋ hõy a tope bəlam də joŋre neeteŋ tiinə Pep bə minti wəra maŋ bə jeme kəəti də kaa kə dədərgəŋa, də kaa kə mee-meŋ gəm.

II PIYER 2:9

Aŋ asaŋ ne, kaa gə minti bə ɗe haa də ku Barkaŋ jəəne bə se lasiŋaŋ, wə bə nakə-neke bə humuy warda dərə da daana bə ve kaa gə gul-gulaŋ laki bə ɗe a jəy daŋgay di dər hi bə kəətiŋa.