ROMEŊ 2:12 - JAA TƏMARWAŊ

¹² Kaŋ keɗe gə minti jəŋ baymeleŋ bay ase *ku gili kə *Moyisiŋ bese wəra, səma paapa də kəəti də ku giliŋ toŋ ba. Kaŋ keɗe gə minti jəŋ baymeleŋ bə minti yə bə ɗe gud ku gili kə Moyisiŋaŋ, Pepeŋ jəməy kəəti di haa duuru gəm.

ROMEŊ 2:12 Iomraidhean Croise

MATIYE 11:22

Bədoona ana ten waataŋ, dər hi bə kəətiŋaŋ, Pepeŋ jeme kəəti boblo yaŋ cəərəŋa, dəŋaŋ kə kaanə Tir də Sidoŋ.

MATIYE 11:24

Haa gud teŋa minti, dər hi bə kəətiŋaŋ, Pepeŋ jeme kəəti boblo yaŋ ciiriya dəŋaŋ kə kaanə Sidoŋ.»

Kel pəsaŋ kəmarwaŋ gə minti Zaŋ jiiriniy 19:11

Yeesu minti: «Pepeŋ a ayam abay də apəyaŋ da baŋ, tam sə a neke bə ji karman sarəna anə məna ba. Haa gud teŋa ta minti hulum bə minti aynan a nəənəm ha'aŋ, wə jəŋ baymele dəŋam.»

JOŊRE 2:23

Wə haa hulum bə minti Pepeŋ aynaŋ dəŋ kaasəŋa gud bə minti ɗiki də Pepeŋ a warda bə malə-mele minti kel teŋ bə ɗe a ji yaŋ anəkay, daana wə kəənəy gədəəgi di da haa tó. Aŋ kaanə Israyel, aŋ əwnu haa aŋ, gud bə minti aŋ əynu warna kasi kaa gə minti Pepeŋ paapa də diri baŋ; yə ɓəlnu wəra a kəbaŋ gə largaŋa.

ROMEŊ 1:32

Yə wəra gə asə-ase minti cəərə kəəti kə Pepeŋ bə awə-awe minti, kaa gə minti jəəti gom də kel teŋ kəyaŋ, kir awe wəra. Də teŋ keɗe yə nuutu bə jəya, ana paŋ yə ɗe a le kəəsi gud kaa gə minti bə jiitiyaŋ kəm pə ɗaw!

ROMEŊ 4:15

Gud maa mo, ji minti Pepeŋ kolə waŋ la cəərə kaŋa haa ku giliŋ. Ku giliŋ a jəə la paapaŋ, hulum sə a neke bə ɓəlku bə gəm.

ROMEŊ 8:3

Bədoona ana ta, Pepeŋ jəŋ karman bə minti *ku gili kə *Moyisiŋ a nəkaŋ bə jəw ba gud bə minti hulum a kusukiŋa wəra də dewe hasi bə ɗe də ku giliŋ. Wə jəŋ karman toŋ haa də bə minti wə gaŋ Kurmuyu derra'iŋ da də kusrə hulum kisirkiŋ suru damdi bə sar kaa kəsarkaŋ gə minti jəəti baymeleŋ ana gəm, bə əyu damdi karman bə keere ana cəərə baymeleŋa. Haa də hel taŋ minti wə təwaŋ baymele bə giidə kusrə kaa bə hatə-hate də baymeleŋ wəraŋ.

I KOREŊTƏŊ 9:21

Ten jəŋ ne də kaayaŋ gə minti ku gili kə Moyisi paapa də diri baŋ, ten ɗe haa bə té ana gəm bə fələy da. Ten jəŋ teŋ ne bədoonaŋ, ge dər minti ten paapa bə humi kosoŋa cəərə ku gili kə Pepeŋa pəda moŋ, paapa. Ana ha'aŋ, ten bə humi kosoŋa cəərə ku gili kə Kristuŋa ɗaw.

GALATIŊ 3:10

Səma kə kaa gə minti bə ɗiki minti ku giliŋ kole té yaŋ wəra ɗeker dər Pepeŋaŋ, kəəti kə Pepeŋ duuniy ne wəra ɗaw. Gud maa mo, Kefter kə Pepeŋ wəra bə jeerə-jeere minti: «Hulum bə minti paapa bə ji joŋre də kel gə giidə kefter bə ku gili kə Moyisiŋa wəra saksaki keɗe baŋ, kəəti kə Pepeŋ daw la.»

GALATIŊ 3:22

Kefter kə Pepeŋ waataŋ wəra minti baymeleŋ pəŋ bulum wəra cəərə kaŋa keɗe, kir minti kaa gə minti doŋ gud pisi bə minti Yeesu Kristu juunuŋ, yə falə karman bə minti Pepeŋ a wəətunu səmu wəraŋ la ɗaw.

ZAKI 2:10

Gud maa mo, hulum jəəne nuutu bə humi kosoŋa cəərə ku gili kə Pepeŋa neŋneŋ keɗe, wə yaakaŋ kumundu ne wəra məna'iŋ, wə humuŋ kosoŋ ba haa cəərə ku giliŋa keɗe faɗi.