ROMEŊ 2:10 - JAA TƏMARWAŊ

¹⁰ Səma kə kaa gə minti jəŋ pisiŋ, Pepeŋ əŋkəy yaŋ, wə hay ciiri yaŋ apəya, wə əyəy kəkaɓiŋ yaŋ. Kaanə Ziwifi gə minti əskəŋ kel nuutuŋ ajew ada gəm, kaayaŋ gə minti paapa gə Ziwifi baŋ ada gəm.

ROMEŊ 2:10 Iomraidhean Croise

MATIYE 10:13

Jəəne minti kaa gə giidə kuli toŋ doonoŋ irku dəŋ neŋ, pisi də mirki nəətiŋ bə ji yaŋ ciiri gəm. Jəəne paapaŋ, kəkaɓi nəətiŋ hare yaŋ səraŋ da.

LIKI 1:79

bə wele kaa gə minti gə əsə-isi dər tilməŋaŋ, kaa gə minti ku meŋaŋ, daana bə ɗe də áŋ a kəkəy kəkaɓiŋa.»

LIKI 12:37

Waaleŋ ji yaŋ cəərə kaa kə joŋre gə minti bərdə kuliŋ bi a fələy wəra gə kuntə-kuntiŋ! Gəəzi ten waataŋ, wə dere dəməəmə nuutu də joŋre yaŋ, kəya wə əsti kaa kə joŋre nuutuŋ yaŋ wəra a ko bə hameŋa cin-cin, adoro wə əyəy hameŋ.

LIKI 19:42

«Te vil də Zeruzalem, te sə a asə la nuutu təwa dər hi bə daynaŋa minti karman bə əyəy kəkaɓiŋ a haa muntu moŋ! Səma, bə hebkənaŋ, karman toŋ wəra bə metə-mete diriya.

LIKI 22:14

Bə minti cəwaŋ nəkaŋ wəraŋ, Yeesu əsəŋ bə hame də *kaa kə vaa-veŋ.

LIKI 9:48

Wə wəətənəy minti: «Hulum bə minti doŋ kel də beebe konceŋ ne kəya gud səmanaŋ, wə doŋ haa kel kətan gadi faɗi. Hulum bə minti doŋ kel kətan neŋ, wə doŋ haa kel də hulum bə minti gaanan daŋ gadi faɗi gəm. Səma, hulum bə minti hare kusru adoro adəwaldəŋa keɗeŋ, wə kole boblo dəŋaŋ kumsuŋ haa tó.»

Kel pəsaŋ kəmarwaŋ gə minti Zaŋ jiiriniy 12:26

Hulum bə minti bele jən joŋreŋ, wə han bəlam dən la. Bədoona ana, ko bə minti ten adaŋ, wə bə ji yaŋ ada na gəm. Hulum bə minti bə jən joŋreŋ, Barən bə əŋku yaŋ gəm.

Kel pəsaŋ kəmarwaŋ gə minti Zaŋ jiiriniy 14:27

Ten ayaŋ kəkaɓi ku tarməyaŋa, ten ayaŋ haa kəkaɓi katən. Ten ayaŋ dəŋ haa paapa damdi kaa gə cəərə seŋkaŋ ayta a kaŋ anaŋ ba. Ɗiki dəŋ a ceme wəra ba, walka a jəŋ bə gəm.

Kel pəsaŋ kəmarwaŋ gə minti Zaŋ jiiriniy 16:33

Ten waatənaŋ kel teŋ haa minti tarməyaŋ jəə la kəkaɓi gud tepe nəətiŋa dəərən. Yə ləsaŋ yaŋ cəərə seŋkaŋa. Səma aŋ teŋə dərəŋ la, Ten wəra bə pəə-pi bulum cəərə kar gə cəərəŋa keɗe!»

JOŊRE 10:35

Ana doloy ha'aŋ, hulum jəə la nuutu bə seŋka məntə ɗaw, wə jəəne bə humi kosoŋa cəərə Pepeŋa, bə ji kar gə minti ɗeker tiinuŋ gəm, wə de dər Pepeŋ pisi faɗi.

ROMEŊ 14:17

Gud maa mo *Kumna kə Pepeŋ waate paapa cəərə aye bə kəkəy bə kar kə hameŋ daana gə seŋa ba. Kəmtəŋ də kel haa minti áŋ jəə la gə kolə-kole dər Pepeŋa ɗeker, áŋ jəə la kəkaɓi daana dər waaleŋa. Aye kar teŋ a áŋ haa Tiiru Cetcetaŋ.

ROMEŊ 15:13

Pepeŋ, hulum bə minti mele bə ɗikiŋ bi haa kəəsu daŋ, ɗosoŋ tarməyaŋ la wəra də waaleŋ daana kəkaɓiŋ gud de nəəti bə guuduŋa. Kəya ɗiki dəŋ bə malə-meleŋ ji yaŋ wəra ablaw hasi gud səɓaki kə Tiiru Cetcetaŋa.

ROMEŊ 2:7

Wə aye dədərgə də bay teweŋ yaŋ a kaayaŋ gə minti ayaŋ kusri saksaki bə ji haa pisiŋ kir minti Pepeŋ aŋkə té laŋ, wə haa cəərə té la apəyaŋ, daana wə ayə dədərgə də minti me pədaŋ la a teŋ.

ROMEŊ 2:9

Kaa kə ji baymeleŋ keɗe fele lasi yaŋ daana tərməyi ji yaŋ wəra də jamə-jeme hasi gəm, kaanə Ziwifi gə minti əskəŋ kel kə Pepeŋ ajew ada gəm, kaayaŋ gə minti paapa gə Ziwifi baŋ ada gəm.

ROMEŊ 5:1

Bədoona ana, Pepeŋ wəra bə kolə-kole áŋ ɗeker duru gud deŋa tə pə moŋ, kəkaɓiŋ máŋ hebkəna aduubə də áŋa də Pepeŋ gud Barkaŋ náŋ Yeesu Kristuŋa.

ROMEŊ 8:6

Jəəne minti áŋ ɗe haa gud kusrə áŋ bə hatə-hate də baymeleŋaŋ, áŋ haŋ haa kəkəy bə ɗe a meŋaŋ. Jəəne minti áŋ ɗe haa gud Tiirə Pepeŋaŋ, áŋ haŋ haa kəkəy bə ɗe a dədərgəŋaŋ daana a kəkaɓiŋaŋ gəm.

ROMEŊ 9:21

Də gedel bə məna, kəkəy cəərə hulum bə hərsi kara bə hərsi pəka bə joŋre bə tiilim, bə hərsi baalaŋ bə tope kə irku də kaŋ gəm.

ROMEŊ 9:23

Wə a bəlaŋ gəm minti, boblo kə toŋ naanaanə me'i moŋ, kaŋ əsu la daana minti tó ɓərsunu də kaa gə minti tó jəŋ giidə tó pəsaŋ siriŋ. Wə a ɗampaŋ kaa teŋ warda hãã bə isiy dər məyan nuutuŋa.

GALATIŊ 5:22

Səma kar gə minti Tiiru Cetcetaŋ jəy giidə hulumaŋ, yə haa kəna: kaŋ kole wəra bə bele kumsi, yə wəra də waale, yə isi kəkaɓiŋ aduubə di, yə ase mi bə kusri bə ku kel, yə ɗiki də kumsi pisi, yə ji pisi sar kumsi, yə kaa gə minti yə ɗeketi,

GALATIŊ 5:6

Bədoona taŋ, kə áŋ kaayaŋ gə minti wəra gə tapə-tepe də Yeesu Kristuŋ, tantar áŋ jəəne nuutu wəra də camə-ceme, ɗalba a bay ceme, kel paapa ada ba. Kel kəmtəŋ haa minti áŋ jəə la gə doo-de guudu, kəya áŋ neke yaŋ bə bele kaa kaayaŋa.

FILIPIŊ 4:7

Bədoona ta, kəkaɓi nuutu də minti kel dəŋ dəŋaŋ ɗiki də áŋ wəraŋ, amaŋ ku tarməyaŋ daana ɗiki dəŋ yaŋ, gud bə minti aŋ haa kasi Yeesu Kristuŋ.

I TIMOTE 1:17

Tokɗeŋ daana aŋkeŋ jəə la bə faɗnə-faɗna kə Pep bə minti kumna nuutuŋ tewe baŋ, bə minti saksaki caw dədərgə wə me baŋ, bə minti Pepeŋ tó ɗaaməna faɗiŋ, daana hulum əsu də duru baŋ! Amen.

HEBEREŊ 2:7

Dər ko anə cepa, tam kulnu konce minti kaa kə digi nəmtiŋ dəŋu la. Adoro, tam əynu bobloŋ daana aŋke kə kəkamnaŋ,

ZAKI 2:22

Tam asaŋ ne, deŋ daana joŋre nuutuŋ ɗeŋ haa gud kumsi məna'i. Gud joŋre nuutu toŋa ta, de nuutuŋ koloŋ wəra bə doo-de ku kaŋkaŋ faɗi.

ZAKI 3:13

Hulum jəəne bə ɗiki adəwaldəŋa minti tó toŋ asaŋ zuuri bə kel daana tó iski guudi bay gəəliŋ, wə vəɗu guudu la wəra də ɗe du pisiŋ. Haa minti bəŋa wə ji joŋre nuutu sããya bay he cəərə kusru apəya. A ko toŋa ta, kaŋ ase yaŋ wəra minti wə haa hulum bə zuuri kel gəəzi.

I PIYER 1:7

Aŋ bə sawa haa bə gole koɗ de dəŋ minti wə haa de bə gəəzə-gəəzi nuutu mo, paapa mo? Aŋ gosə gole la kəm, maaway tewe wəra hõy bə mo? Də teŋ keɗe, yə hoga a cəwa hərhəraŋa bə reye zodi dəŋ wəra. Səma, karman bə minti dəŋaŋ maaway pisi kampa ablaw, haa de nəətiŋ bə minti əsəŋ ŋəŋ dər gəəli bə minti gulnu kuɗu ɗaw! Gud de nəəti toŋa ta, Pepeŋ bə ayaŋ tokɗeŋ, məyan, daana wə haŋ cəərəŋ yaŋ apəya dər hi bə minti Yeesu Kristu veɗe kusru yaŋ wəra a kaŋ.

I PIYER 5:4

Yə jəəne bə ji bədoonaŋ, werke bə bay tewe bə minti dəŋaŋ kumsuŋ wəra keɗeŋ, yə bə fəlu yaŋ dər hi bə minti Kumna bə kaa kə ameŋ veɗe kusru yaŋ wəraŋ.