ROMEŊ 2:1 - JAA TƏMARWAŊ

¹ Bədoona ana, tam nuutu mindi mindi mo bə minti ceme kəəti də kaŋ, kamkam nəmti paapa, gud bə minti tam cəməy kəəti di daana tam də kusrum bə ji akas té ana gəm. Kəya a kəkəy bə jəməy kəəti diŋaŋ, tam wəra bə doo-de kusrum də kəəti tam toki faɗi.

ROMEŊ 2:1 Iomraidhean Croise

LIKI 12:14

Yeesu hərnu kel minti: «Daarən, mindi əsnən bə jəmaŋ kəəti dəŋa daana bə ɓarsaŋ bege nəətiŋa mo?»

LIKI 19:22

Kumnaŋ hərnu kel minti: ‹Tam hulum bə joŋre bə baymeleŋ toŋ! Ten jəmam kəəti dəm də dər kel nəmtiŋ toki. Tam wəra bə asə-ase minti ten hulum bə minti kel dən gəəli tə kəm, ten humti kar gə minti ten vəənəy paapa ten baŋ, ten ceme kaasaw gə minti ten a ju'uniy baŋ.

LIKI 6:37

«Aŋ a ceme kəəti də kumsəŋ ba, Pepeŋ bə jəmaŋ kəəti cəərəŋa bə gəm. Aŋ a tope kaa də kəəti ba, Pepeŋ bə topoŋ də kəəti bə gəm. Aŋ vəəgə giidiŋ la wəra cəərə kaŋa daana Pepeŋ vəəgi giidu yaŋ wəra cəərəŋa gəm.

ROMEŊ 14:22

Karman bə minti tam bə ɗuku minti wə yaŋ pisi cəərə kar teŋaŋ, bəsu la ku tarməyama kir minti wə jəə la də dərəŋ ɓasi də Pepeŋ təwa. Waaleŋ haa kə hulum bə minti ji karman bay awəy ku tərmuyu cəərə pisi duŋaŋ.

ROMEŊ 2:2

Áŋ wəra gə asə-ase minti, bə minti Pepeŋ jeme kəəti də kaa kə jəəti gom də baymele toŋ kəyaŋ, wə jəmu haa də kəkəy bə gəəziŋ.

ROMEŊ 2:3

Tam bə minti ceme kəəti də kaa kə jəəti kel teŋ, anaaŋa tam bə ji bə té ana gəm, tam ɗiki haa minti tam deŋe wəra ku kəəti kə Pepeŋa mo?

ROMEŊ 3:9

Cəərə kel ge a ko toŋa ta'a minti harmə mo? Áŋ gə Ziwifiŋ, áŋ teŋ dəŋaŋ kaa kaayaŋ cəərə karmana nuutu mo? Paapa anə ceki. Gud maa mo ten a kaanaŋ gud kel da ne warda kanda minti: koo hulum bə Ziwifi, koo paapa bə Ziwifi ba, baymeleŋ ciiri kumna keɗe faɗi.

ROMEŊ 9:20

Tam hulum kisirki bagŋ, tam haa mindi mo bə ce awəy də Pepeŋ? Karman bə hərsə-hərsi waate hulum bə hursuŋ yaŋ mo minti: «Tam jəənən bədoona ana səm moŋ?»

I KOREŊTƏŊ 4:5

Gud teŋa ta, aŋ a jeme kəəti də hulum wəra ajew-ajew ba jamə ba, aŋ məə hare kə Barkaŋ la kəm. Bi a ke gud kar gə minti gə ŋoyə-ŋoye wəra dər tilməŋa daana bi a veɗe ɗiki bə ku tarmə kaŋ wəra haa tó. A ko toŋa, mindi mindi mo fele aŋke nuutu yaŋ kasi Pepeŋa də aŋar də joŋre bə minti wə a juunuŋ.

I KOREŊTƏŊ 7:16

Te həlgə də doo-deŋ, wəra də diri minti Pepeŋ bə seere gidriŋ hõy wəra guudi me'i mo? Paapa. Tam hulum bə doo-deŋ, wəra də dərəm minti Pepeŋ bə seere məram hõy wəra guuduma me'i mo? Paapa faɗi.

ZAKI 2:20

Hulum bə bay zuuri kel! Deŋ bay joŋreŋ adaŋ, wə haa damdi karman bə gedə-gede ana. Tam bele haa minti ten gam dərəm la kəm ada ge pə mo?

ZAKI 4:11

Kəsaananti, aŋ a waate kel kə bayməlaŋ cəərə kumsuŋa adəwaldəŋa ba. Gud maa mo, hulum bə minti waate kel kə bayməlaŋ cəərə siinuŋaŋ, kumundu ba wə koloŋ ne kumna bə jəmu kəəti duŋ, wə waate haa kel kə bayməlaŋ cəərə *ku gili kə Pepeŋa daana wə kole kumna bə jəmu kəəti du. Bə minti tam koloŋ ne kumna bə jeme kəəti bə ku giliŋ, tam koloŋ haa hulum bə minti paapa bə humi kosoŋa cuuru pəda, tam jəmu kəəti du máŋ haa jeme təwa.