ROMEŊ 16:2 - JAA TƏMARWAŊ

² Aŋ doorə irku də la sarəŋa də sam Barkaŋ də kəkəy bə minti kaa kə Pepeŋ kir tope irku də kumsi duuruŋ ana faɗi. A ko muntu muntu mo bə minti a jəəne də caadə keyeŋ, aŋ kayə la faɗi gud maa mo a də kusrə, a kəyaŋ kaa kə Pepeŋ ablaw, ten də kusrən ada gəm.

ROMEŊ 16:2 Iomraidhean Croise

MATIYE 25:40

Kəya kumnaŋ wəətəy yaŋ minti: ‹Gəəzi ten waataŋ, saksaki də bə minti aŋ jəŋ kumsə kel teŋ ne kəya sar kəsaanaŋ té gə kerpə-kerpeŋa lakaŋ, aŋ jəŋ kel teŋ haa sarəna faɗi.›

JOŊRE 9:13

Kəya Ananiyasi hərnu kel minti: «Barkaŋ, ten əskəŋ sam hulum toŋ wəra bə waate ablaw. Daŋge də kaŋ bə waate kel kə bayməlaŋ gə minti wə jəŋ kaa nəmtiŋ diiri Zeruzalem daŋ keɗe.

JOŊRE 9:15

Səma Barkaŋ wəətunu minti: «Ɗee la nəmti. Hulum toŋ cawaŋ, ten ŋəmnu wəra bə jən digi. Wə waatan səman yaŋ wəra a kaa gə minti teŋ paapa gə Ziwifi baŋ, a kəkamnaŋ neeteŋ daana a kaanə *Israyel gəm.

JOŊRE 9:36

Kəya həlgə kəman a jəŋ giidə vil də Zopeŋa, a həlgə də doo-de gud Yeesu. Yə manta minti Tabita, də ku Gerekiŋ minti «Dorkasi», gud sam toŋ haa minti «taŋka». A jəəti kaa pisi ablaw, a kayte kaa kə caacaŋ gəm.

JOŊRE 9:39

Bə minti yə ɗeŋ a waate kel teŋ a Piyer kəyaŋ, wə təpaŋ guudi da faɗi gəm. Wə tuluŋ anəkay, yə kooroŋ bə ɗe a məlu giidə kuli bə hərsə-hərsi bə cəərə kumsuŋa. Kəya kəram gə bay neŋneŋ keɗe jəmnu duru bə hage, yə əsəŋ bə vəɗtu anə jambaŋa daana dəməəmə də tere də cəərə kumsə də minti Tabita a jəŋ bə zoorəta də ko bə minti a kəm caw aduubə diŋ.

JOŊRE 9:41

Wə raawaŋ bə doora kaasa bə kaya bə fe apəya sə kampa gil. Adoro kəyaŋ, wə mantaŋ kaa kə Pepeŋ da də kəram gə bay. Wə wəətənəy minti: «Tabita gil sarəŋa wəra dədərgəŋ!»

ROMEŊ 15:7

Aŋ topə irku də kumsəŋ la damdi Kristu doonoŋ irku dəŋ suru ana kir minti Pepeŋ falə tokɗeŋ la guudəŋa.

ROMEŊ 16:15

Ten bə mirki Filologi daana Zuli, anə Nere də nawraŋ, Olempiyasi də kaa kə Pep kaayaŋ gə minti gə tapə-tepe diiriŋ keɗe.

ROMEŊ 16:23

Gayusi, hulum bə minti ten bə həəti girduŋ daana bə minti kaa kə Tapiŋ tapte girduŋ, bə mirkiŋ na. Erasti, hulum bə ame soloy bə vil daana seenə áŋ Kartusiŋ bə mirkiŋ na gəm. [

ROMEŊ 16:6

Ten bə mirki Mari də minti gəyaŋ kusrə ablaw bə ji joŋreŋa a nəənəŋ.

ROMEŊ 16:9

Ten bə mirki Urbeŋ bə minti are a joŋre kə Kristuŋa də kumsə areŋ. Ten bə mirki karmə giidən Estakisi gəm.

EFESIŊ 5:3

Aŋ haa kaa kə Pepeŋ tə bə moŋ, gidiirə kel kə bayməlaŋ daana gə zeɓə-zeɓeŋ keɗe, koo kel kə həryəm-həryəm, a kele wəra ku huluma bə anə ceki faɗi a ko bə nele nəətiŋa də kumsəŋ.

FILIPIŊ 1:27

Səma, ɗe dəŋ jəə la bə tapə-tepe haa də *Kel pəsaŋ kəmarwaŋ kə Kristuŋ. Bədoona ta, jəəne minti ten bə ɗe yaŋ na a goloŋ, kumundu ten ɗe na baŋ, ten əskəŋ səmaŋ la haa minti aŋ yaŋ gə əsə-isi saksaki ŋəŋ də ɗiki dəŋ məna'i, daana aŋ bə duuri haa də ku tarməyaŋ tapi gud de bə minti fəlaŋ kəsar du a Kel pəsaŋ kəmarwaŋ daŋ.

FILIPIŊ 2:29

Bədoona ana, aŋ daw irku du la pis-pisi də waale ku tarməyaŋa ablaw gud bə minti wə haa seeneŋ bə doo-de gud Barkaŋa. Kumsə kaa kə Kristuŋ damdi tó ana ha'aŋ, aŋ təkəy ciiri la apəya.

KOLOSIŊ 4:10

Aristarkə bə minti are a daŋgaya də kumsə areŋ, bə mirkiŋ na. Markə, kusul də Barnabasi, bə mirkiŋ na bədoona ana gəm. Ten a waatənaŋ wəra cuuru minti, wə ɗeŋ ne gerdeŋ naŋ, aŋ daw irku du la pis-pisiŋ.

I TIMOTE 2:10

Səma kə kəram teŋ ha'aŋ ɗaw, karman bə minti yə əŋkəy guudu pisiŋ haa joŋre bə minti yə bə jəwa pisiŋ. Haa kəya karman pisi bə minti kir ji kə kəram gə minti waate minti té humi kosoŋ cəərə Pepeŋaŋ.

II TIMOTE 1:18

Barkaŋ jəə giidu pəsaŋ la suru akaceŋa dər hi bə kəətiŋaŋ. Tam də kusrum, joŋre bə minti wə jəənən dən Efesi də kərap keɗeŋ, wə wəra də dərəm kaŋkaŋ.

TITI 2:3

Bədoona ana gəm, waatə kəram kəmtəŋ la minti yə jəə kusri la wəra damdi kəram gə minti ɗe gud Pepeŋa a gəəziŋaŋ ana. Yə a kole kusri kəram gə juti kel ba, daana yə a yaake kusri bə kole kafkam kə kumuy bə gəm. Yə hatə kumsi la bə ji kar pəsaŋa.

Filemoŋ 1:12

Hebkəna ha'aŋ, ten bə haram dəm na səram na, wə haa karmə giidən.

Filemoŋ 1:17

Jəəne minti tam bə aŋkəna bə gom dəm ana a de náŋ bə gud Pepeŋaŋ, daw irku du la damdi tam sə a don irku dən gerdəma bədoona ana gəm.

II ZAŊ 1:10

Gud teŋa ta, hulum bəŋ ne sarəŋa də hate bə minti dəra'i də kə Kristuŋ, aŋ a daw irku du ger dəŋa ba, aŋ a mirku bə gəm.