ROMEŊ 15:2 - JAA TƏMARWAŊ

² Mindi mindi mo gud áŋa goldə la haa karman bə minti de dər kumsuŋ kir minti wə falə pisiŋ la guudu daana minti wə kəyu la bə si a deŋaŋ.

ROMEŊ 15:2 Iomraidhean Croise

ROMEŊ 14:19

Gud teŋa ta, áŋ goldə la saksaki haa kel gə minti ji kəkaɓiŋ aduubə də kaŋa daana gə minti keye kumsə áŋ bə si a deŋaŋ.

I KOREŊTƏŊ 10:23

Sərdəŋ waate minti «Kəkəy wəra cəərə áŋa bə ji kar keɗe.» Gəəzi, səma yə keɗe paapa pəsaŋ gə jiŋ ba. «Kəkəy wəra cəərə áŋa bə ji kar keɗe», səma yə keɗe keye áŋ bə si a deŋa bə gəm.

I KOREŊTƏŊ 10:24

Mindi mindi mo guudəŋa jəə la haa karman bə minti keye kumsu kaayaŋ yaŋ; wə a gole duru cəərə kusru təwa ba.

I KOREŊTƏŊ 10:33

Aŋ jəə la bə ten ana: kar gə minti ten jəy keɗeŋ, ten bə ji wəra anə keɗe-keɗe minti yə doo giidə mindi mindi la mo keɗe. Ten golde paapa karman bə cəərə kusrən təwa ba, ten golde haa karman bə minti ji yaŋ ɗəwa a kaa kə ablaw kir minti yə falə seereŋ la.

I KOREŊTƏŊ 13:5

Wə ji kel kə doɓə-doɓe ba, wə gole duru cəərə kusru təwa ba, wə kole waŋ cəlam ba, wə ke agonogi də kel giidu bə gəm.

I KOREŊTƏŊ 14:26

Kəsaananti, kel waate haa minti harmə mo? Bə minti aŋ təpaŋ neŋ, ɗalba hulum yaŋ də gudul ku, naytoŋ də kel kə Pepeŋ bə hətəy, baalaŋ də karman bə minti Pepeŋ a vəɗnu wəra, baalaŋ pa waate nuutu haa kel də ku karman bə minti kaŋ uskunu hõy baŋ, naayaw toŋ ada joge ku karman toŋ wəra də ku kaŋ gəm. Kel gə minti aŋ jəy keɗe, yə jəə la haa bə si kaa kə Tapiŋ a deŋa.

I KOREŊTƏŊ 14:3

Səma hulum bə minti joge ku Pepeŋ wəra də ku kaŋ, wə waate kel haa a kaa kəsarkaŋ. Wə kəyəy bə si a deŋa, wə zey guudi ajewa, wə tiŋiy diri.

II KOREŊTƏŊ 12:19

Ɗalba aŋ bə ɗiki haa minti, are anə hãã bə waate da cəərə ɗeker də kusrə are tiiniŋa ɗawmay mo? Paapa bədoona ba. Are waate haa tiinə Pepeŋa, gud tapi naareŋa də Kristu. Gədaarə are gə agŋ-agŋ, are waate kel gila keɗe haa bə zeŋ gud de nəətiŋ ajewa.

II KOREŊTƏŊ 13:9

Are də waale bə ji dər nalnala jəəne minti wə kolnoŋ də səɓaki a deŋa gəəzə-gəəziŋ. Gud teŋa ta, are bə toose Pepeŋa cəərəŋa minti wə kəyaŋ la bə ɗampe ɗe dəŋa wəra a kuɗuŋa pisi.

EFESIŊ 4:12

Wə ayaŋ kaa teŋ haa minti yə ɗampə kaa kə Pepeŋ la, kir minti yə jəə la wəra gə nakə-neke bə ji joŋre neeteŋ. Kəya kusrə Kristu si yaŋ ajewa faɗi.

EFESIŊ 4:29

Kel kə bayməlaŋ a kalte wəra kuŋa ba anə ceki faɗi. Aŋ waatə la haa kel pəsaŋ gə keye kaŋ daana gə tiŋiy diriŋ təwa; kel teŋ aye pisi yaŋ a kaa gə minti bə jiɓriyaŋ.