ROMEŊ 13:12 - JAA TƏMARWAŊ

¹² Koŋ bə jeme da warda, tilməŋ bə raawe. Bədoona ana áŋ yaakə jəəti bə kar gə dər tilməŋ la wəra, áŋ ganə la máŋ sar áŋa haa kar kə duuri gə minti áŋ duuri diiri wəra dər pəɗakiŋaŋ.

ROMEŊ 13:12 Iomraidhean Croise

ROMEŊ 13:14

Aŋ ganə la haa də Barkaŋ Yeesu Kristu. Aŋ yaakə ɗiki bə kar gə minti kusrəŋ bə hatə-hate də baymeleŋ bele minti aŋ jəy laŋ la faɗi.

I KOREŊTƏŊ 10:11

Kel teŋ jəŋ siri gila keɗe haa bə ge kosnə kaŋ minti yə a ji bədoona ba. Yə gə jeerə-jeere giidə Kefter kə Pepeŋa gəm haa minti áŋ hatə la ada. Gud maa mo áŋ hebkəna dər ko bə minti wəra máŋ a tawte duŋa.

I KOREŊTƏŊ 7:29

Kəsaananti, ten bə waataŋa haa kənaŋ minti: koŋ wəra bə kosə-kose. Bədoona ta, də ko bə hebkənaŋ hãã ajew naŋ, hulum bə minti a jəəne də həlgəŋ, wə jəə la haa damdi wə paapa də həlgə ba ana.

II KOREŊTƏŊ 10:4

Kar naare gə duuriŋ, jiiniy paapa hulum kisirki ba. Yə haa kar gə səɓaki gə minti Pepeŋ əynəy a are bə ɓalke karman muntu muntu mo bə minti garge tiinu, daana ɗiki bə gul-gula bə minti kaŋ mele ɗiki di cuuruŋ.

II KOREŊTƏŊ 6:7

Are də kel kə gəəzə-gəəziŋ ku are, də səɓaki kə Pepeŋ. Are bə ji karman ɗekeriŋa dər Pepeŋa bə he ku kaa gə duuri areŋ wəra.

EFESIŊ 4:22

Kel teŋ haa minti bəŋa, a kəkəy bə minti aŋ yaake ɗe dəŋ bə minti aŋ a jəŋ bə ɗe guuduŋ wəraŋ, aŋ pəə tiirəŋ də dayday də minti a bə kaŋa dər baymeleŋa la wəra. A bele naataŋ haa kel kə bayməlaŋ bə siitiŋ dərəŋ daana bə bəsaŋ wəra.

EFESIŊ 5:11

Kar kə ko tó bə tilməŋ ha'aŋ, aŋ fele karman guudi ba. Gud teŋa ta, aŋ a tepe bə ji teŋa diiri ba, aŋ kayə guudi la wəra haa ke ɗaw.

EFESIŊ 5:8

A dayday, ko bə tilməŋ a jəŋ haa aŋ faɗi. Səma bə hebkənaŋ ha'aŋ, gud tepe nəətiŋa də Barkaŋ, ko bə pəɗakiŋ máŋ haa aŋ faɗi gəm. Gud teŋa ta, ɗe dəŋ jəə la haa kə kaa kə ko bə pəɗakiŋ.

HEBEREŊ 10:25

Áŋ a yaake tapte náŋ damdi sərdə kaa kəman yaaktətaŋ neeteŋ ana ba. Ana ɗaw ha'aŋ, áŋ teŋə dər kumsə áŋ la aduubə də kumsə áŋa. Áŋ jəə la bədoona pisi jəə gud maa mo aŋ bə ase ha'aŋ, hi kə Barkaŋ bə zeede da sar áŋ da.

HEBEREŊ 12:1

Bədoona ana, kaa teŋ gila keɗe gə minti jəŋ bərdə kəkəy cəərə de neeteŋa, yə wəra bə ɓəkə-ɓiki cəərə áŋ cẽẽ tə pə moŋ, áŋ raytə kar kə eele gə sar áŋ la wəra keɗe, bə fi taraŋ də minti áŋ kir fəərəŋ tat-tatiŋ bay dere hor. Kar kə eeleŋ daŋgeŋ haa baymele bə minti larkete sar áŋa bay gəəli anə faɗ-faɗi.

ZAKI 1:21

Gud teŋa ta, kel gə minti zeɓeŋ daana ɗiki bə baymele bə ablaw bə saraŋ tukcuriŋ keɗe, aŋ pəy la wəra ku tarməyaŋa. Ana ɗaw ha'aŋ, kel gə minti Pepeŋ ayaŋ dəŋ giidiŋaŋ, aŋ doy la bay teke cəərə kusrəŋ apəya, gud minti bəŋa, kel teŋ gə nakə-neke bə seereŋ wəra.

ZAKI 5:8

Aŋ gəm ha'aŋ, aŋ əsə la dərəŋ ɗəl, aŋ coɓə kusrəŋ la pisi coɓə bə mi, gud maa mo, hi bə minti Barkaŋ hare duru daŋ wəra maŋ.

I PIYER 2:1

Gud teŋa ta, gidiirə baymeleŋ keɗe, aŋ yəəku la wəra. Anə ŋete bə kel, kel kə waate bə kuy təwa-təwa, jəəti bə sərkəŋ cəərə kumsuŋa, acakiŋ, aŋ yəəkəy la wəra keɗe.

I PIYER 4:7

Hi máŋ wəra maŋ bə minti kar keɗe tewe wəraŋ. Gud teŋa ta, aŋ amə kusrəŋ la pisi daana aŋ ɗampə ɗiki dəŋ la wəra, kir minti aŋ jəə la gə nakə-neke saksaki bə toose Pepeŋ.

II PIYER 3:11

Kar keɗe tewe yaŋ wəra haa bədoona tə bə moŋ, aŋ laa ku kusrəŋ la minti aŋ jəə la haa bə kaa məntəŋ ana mo? Ɗe dəŋ jəə la wəra *cetceti, aŋ ayə kusrəŋ la wəra keɗe bə humi kosoŋa cəərə Pepeŋa.

II PIYER 3:9

Sərdə kaa kəman yaŋ bə waate minti Barkaŋ bə de cuuru də kel gə minti wə a wəətənəy səməy minti tó bə doy kuy yaŋ wəraŋ. Wə de cuuru paapa de ba. Wə bə mi haa guudəŋa gud maa mo wə paapa də tay də minti hulum basə la wəra anə məna ba, wə bele haa minti kaŋ keɗe kolə kirki la a baymele neeteŋ.

I ZAŊ 2:18

Karmanti, áŋ hebkəna dər ko bə minti hitiŋ tewe yaŋ wəra adaŋ. Aŋ wəra gə əskə-əski minti hulum bə acukur də Kristu bi yaŋ. Anaaŋa áŋ wəra gə asə-ase minti kaa gə acukur də Kristu ablaw pəŋ diri ne wəra ɗaw. Áŋ asaŋ minti áŋ hebkəna dər ko bə minti hitiŋ tewe yaŋ wəra ada haa gud teŋa ta.

VEƊE 1:3

Waaleŋ cəərə hulum bə minti aŋkaŋ kefter toŋ, cəərə kaa gə minti əskəŋ kel té gə minti *hulum bə jogte ku miniŋ a wəətənəy ne wəraŋ daana gə minti humi kosoŋ ciiriŋ gəm. Gud maa mo, hi bə minti kar teŋ tuli duruŋ wəra maŋ.

VEƊE 22:10

Kel gə minti kefter toŋ jugnuy wəraŋ kəyaŋ, a doy gə metə-mete kay ba, gud maa mo hi bə minti yə de kuy yaŋ wəra duruŋ wəra maŋ.