Biblia Todo Logo
Bìoball air-loidhne

- Sanasan -




ROMEŊ 12:3 - JAA TƏMARWAŊ

3 Gud pisi bə minti Pepeŋ juunu sarənaŋ, ten bə waate mindi mindi mo guudəŋa minti, aŋ a gole kusrəŋ dəŋaŋ karman bə minti aŋ lamaŋ ba. Aŋ kir gole dər kusrəŋ haa anə ɓeti də aŋar də de bə minti Pepeŋ aynaŋ dəŋ.

Faic an caibideil Dèan lethbhreac




ROMEŊ 12:3
47 Iomraidhean Croise  

Hulum bə Farisiyeŋ faŋ apəya, wə bə toose gal giidu minti: ‹O Pepeŋ, ten jəm suuse cəərə kel gə minti ten paapa akas kaa kaayaŋa ana baŋ. Yə kaa kə dəgaaya, yə kaa kə bayməlaŋ, kaa kə piwpiw daana pa ten paapa akas hulum bə tope lamba toŋa gila ana bə gəm.


Hulum bə minti Pepeŋ gəənu daŋ, wə joge haa kel kə Pepeŋ, gud maa mo Pepeŋ əyu Tiiruŋ bay gədəəgi də.


Haa guudu ta minti Pepeŋ jəŋ pisi nuutuŋ sar are minti are jəə la kaa kə vaa-ve kə Kristu, kir minti gidiirə kaa gaalaŋ-gaalaŋ nakə la bə de guudu daana bə humi kosoŋa cuuru gəm. Kel teŋ jəŋ gila keɗe haa bə he cəərə Kristu apəya.


Gəəzi nuutu. Yə cəmaŋ kasi kəbaŋ teŋ wəra haa gud bay de neeteŋa. Nəmtiŋ ha'aŋ, tam saksaki kiiyi garaŋ haa gud de nəmtiŋa gəm. Səma a he cəərə kusrum apəya ba, jəə walka də kel məntəŋ gə minti jəm moŋ la ɗaw.


Kəsaananti ten bele minti aŋ asə kel gə gəəzə-gəəzi gə minti a gə metə-mete teŋ la wəra, kir minti aŋ a ji bə ɗiki saksaki minti aŋ gə asə-ase ba. Kel teŋ haa minti, sərdə kaanə *Israyel ŋéle yaŋ hãã bə minti kaa gə minti paapa gə Ziwifi baŋ gə minti a kir seere wəraŋ, seerə la wəra kəm keɗeŋ.


Kuŋ jəə la bə tapə-tepe də kumsəŋ. Aŋ a teke cəərə kusrəŋ apəya ba, aŋ doo haa la bə ji joŋre muntu muntu mo, koo nayto bə minti gole dər kaŋa paapa karman baŋ. Aŋ a ɗiki minti aŋ kaa kə asə-ase ba.


Səma Pepeŋ jəŋ pisi nuutuŋ sarəna, ten koloŋ hulum bə minti aŋ bə əsu hebkəna haa sə teŋ. Pisi bə minti wə juunu sarənaŋ ɓalkaŋ wəra boobo ba, ten jəŋ joŋre duuru ablaw dəŋaŋ kaa kə vaa-ve kaayaŋ ɗaw. Səma jəŋ joŋre toŋ haa paapa ten ba; pisi bə minti Pepeŋ juunu sarəna bə ɗe dəərən bə jəwa haa tó.


Pepeŋ aynan ayeŋ cəərə joŋre kəmana; ten haa damdi hulum bə hel a hərsi bə kuliŋa ana. Bədoona ana ta, ten gaŋ gud kuliŋ. Bə hebkənaŋ, raawaŋ də hərsi duŋ haa kaa gaalaŋ. Səma, mindi mindi mo jəə la pisi də hel də minti wə raawe bə hərsi kuliŋa dəərəŋ.


Kel kayiŋ gə tapə-tepe də kumsiŋ gəm, haa kel gə minti ten bə hətəya wəra giidə Tapiŋa keɗe'iŋ. Kel teŋ haa minti, mindi mindi mo raawə la bə əsə-isi damdi Barkaŋ a ŋəmnu du wəraŋ ana, daana bə minti wə fəlaŋ mante kə Pepeŋ, wə a bə əsə-isi bədoona anaŋ.


Səma are teŋ paapa gə vaa-ve a ufi bə ku bə raawə-raawe toŋa ba. Are əsəŋ naareŋ haa cəərə nayto bə minti də aŋar də joŋre bə minti Pepeŋ əynu a areŋ. Joŋre toŋ haa minti are ɗeŋ na warna gerdeŋ na hãã.


Karman bə minti ten juunu sar kaa kə Tapi kaayaŋa bə minti ten juunu sarəŋa baŋ, haa maa mo? Kel yaŋ məna, ten yaakaŋ kusrən bə eele huluma guudəŋa ba. Ten jəŋ baymeleŋ haa a ko toŋa ɗawmay, aŋ vəəgə giidiŋ la wəra cəərəna!


Kar gə minti Pepeŋ a vaɗnan dən wəraŋ, yə paapa gə tapə-tepe də kumsiŋ ba. Səma bə minti ten a kole bə he cəərə kusrən apəya diiri baŋ Pepeŋ aynan lasi də gəəli-gəəli dər kusuki dəna, a damdi hulum bə digi kə *Sataŋ bə minti bə gaa-ge bə lətana ana.


Jəəne minti hulum kəman yaŋ bə ɗiki minti tó paapa boomə-boome baŋ, anaaŋa wə paapa karman toŋ ada ta'i bə paŋ, wə leŋe kusru boobo.


Aŋ wəra gə əskə-əski sam joŋre bə minti Pepeŋ, gud pisi nuutuŋaŋ, wə aynan dən kaasəna minti ten jəw la gud kel dəŋa.


A kəkəy bə aŋke kel teŋa, aŋ ase yaŋ ada minti, hel də metə-mete tá də minti waate cəərə Kristu, Hulum bə minti Pepeŋ ŋəmnuŋ, a wəra də dərən kaŋkaŋ.


Ji áŋ keɗe minti áŋ tapə la wəra ŋərŋər kusrə hulum bə məna haa tó. Kəsar gə dər kusuki bə məna toŋ əntəŋ áŋ wəra pisi sar kumsə áŋa haa té gəm. Haa bədoona ta, jəəne minti kar də kusuki məntəŋ məntəŋ mo bə ji joŋre neeteŋa wəra a kuɗuŋa də beleŋ guuduŋ, wə si kusru, bə ne kusru gəm.


Gud maa mo, Pepeŋ bə ji joŋreŋa ku tarməyaŋa minti aŋ balə kar gə minti giidə tó bələy la, daana minti aŋ jəy laŋ, haa tó.


Haa gud teŋa ta minti ten a joŋreŋa daana bə bandə-bande wəra anə keɗe-keɗe də səɓaki kə Kristu də minti bə ji joŋreŋa də səɓaki giidən daŋ.


Aŋ a jəŋ wəra gə mee-me a tiiruŋa gud baymele nəətiŋa daana gud bə minti aŋ a haa kaa gə minti tantəraŋ a paapa də camə-ceme baŋ, kaa gə minti Pepeŋ a paapa də dərəŋ baŋ gəm. Pepeŋ aynaŋ dədərgəŋ də Kristu keɗe'i. Baymele náŋ keɗe fəlaŋ vəəgi bə giiduŋ kəəsu gəm.


Bədoona ana, Barkaŋ náŋ jəŋ pisiŋ sarəna pisi jəə, wə aynan deŋ daana beleŋ gud tepe náŋa də Kristu Yeesu.


Səma həlgəŋ gud bə minti a we kəmar koncoŋ, a fele seere yaŋ. De teŋ keɗe, a jəə la də doo-de, bə bele kaŋa, pasyaki tiinə Pepeŋa, daana a a feke kaa dər kela ba.


Kə kəram ha'aŋ, ten bele minti yə tarə dəməəmə neeteŋ la haa də kəkəy dəŋ, paapa kirka ge hulum dər kela ba, yə a kole kel di petpeti ba. Yə a lepe ciiri tet-tete minti té jəə la wəra kəkər zugi ba. Yə a tere kar gə minti gusi awəy ba: anə maykeleelew maaway, də ataara daana dəməəmə.


Pisi nuutu toŋ kəya hate áŋ minti áŋ yaakə ji bə baymele la wəra də ɗiki bə kar gə cəərə seŋkaŋ, kir minti áŋ əsə la cəərə seŋkaŋa dogoyna kəna də ɗiki pisiŋ ku tarmə áŋa, bə ji kel ɗekeriŋa, daana bə ɗe haa ɗe bə minti giidu bəluŋ.


Waatə kaa kaŋkar kəpaaraŋkaw la minti yə a ji kaa kə raawte kel ba. Yə jəə kusri la kir minti kaŋ humə kosoŋ la ciiri, daana yə jəə la də ɗiki pisiŋ ku tərməyi. Yə əsə la ŋəŋ gə doo-de gud Pepeŋa, bə ji beleŋa daana bə hale gəəliŋa.


Yə hatə kəram kəəcəŋ la bə bele kaŋkar neeteŋa də kəmar koncoŋ neeteŋ.


Bədoona gəm, waatə kəmar kaalay la, yə jəə la də ɗiki pisi ku tərməyi.


Səma, pisi bə minti Pepeŋ jəw sar áŋaŋ dəŋaŋ wəra hasi. Gud teŋa ta, Kefter kə Pepeŋ waate minti bəŋa: «Pepeŋ hẽŋe wəra tiinə kaa gə minti teke cəərə kusri apəyaŋ, səma wə ji giidu pəsaŋ cəərə kaa gə minti harte cəərə kusri adoro tiinuŋ.»


Gud teŋa ta, aŋ ɗampə ɗiki dəŋ la wəra kir minti aŋ jəə la wəra maŋ bə ji joŋre kə Pepeŋ. Aŋ əsə ɗiki dəŋ la soki, aŋ məlu la wəra keɗe cəərə pisi bə minti Pepeŋ ɗe a ayaŋ dəŋ dər hi bə minti Yeesu Kristu veɗe kusru yaŋ wəra a kaŋ.


Hulum a fəlaŋ ne haa hel də waate bə kel, wə waatə la wəra haa kel gə minti bəŋ kasi Pepeŋ daŋ. Hulum baalaŋ a fəlaŋ ne haa ji bə digiŋ a kaŋ, wə jəərə la haa də səɓaki də minti Pepeŋ əynu duŋ. A ji bə kar teŋa keɗe'iŋ, aŋ jəy la kir minti kaŋ tokɗə Pepeŋ la gud Yeesu Kristu haa guudiya faɗi. Gud maa mo, tokɗeŋ daana səɓakiŋ haa kə Pepeŋ bə faɗnə-faɗna. *Amen.


Hi máŋ wəra maŋ bə minti kar keɗe tewe wəraŋ. Gud teŋa ta, aŋ amə kusrəŋ la pisi daana aŋ ɗampə ɗiki dəŋ la wəra, kir minti aŋ jəə la gə nakə-neke saksaki bə toose Pepeŋ.


Aŋ kəmar kaalay gəm ha'aŋ, aŋ əskə ku kaa kəmtəŋ gə tiinə kaa kə Tapiŋ la. Aŋ kaa kə doo-deŋ keɗe, a kəkəy bə joŋre bə adəwaldəŋa ha'aŋ, aŋ harə cəərə kusrəŋ la adawra tiinə kumsəŋa. Gud maa mo, wəra bə jeerə-jeere giidə kefter kə Pepeŋa minti: «Pepeŋ hẽŋe wəra tiinə kaa gə minti teke cəərə kusri apəyaŋ, səma wə ji pisiŋ sar kaa gə minti harte cəərə kusri adoro tiinuŋ».


Aŋ jəə la wəra gə ɗampə-ɗampe saksaki, aŋ amə kusrəŋ la pisi. Nərtitiŋ, hulum bə acukur nəətiŋ, bə ɓəkti agəjaŋ dəŋa, bə golde huluma bə ɓəlku wəra damdi googoŋ hage bə golde karman bə liki ana.


Ten a jeereŋ kefter baalaŋ anə debeŋ a kaa kə Tapiŋ, səma Diyoterefesi ɗempa a mele ɗiki du cəərə kel naareŋa ba, gud bə minti wə golde minti tó əsə la kumna ciiri.


Lean sinn:

Sanasan


Sanasan