ROMEŊ 12:2 - JAA TƏMARWAŊ

² Aŋ a tepe ɗe dəŋ də kə kaa gə dər ko bə hebkənaŋ ba. Aŋ yaakə Pepeŋ la bə koloŋa də ɗiki kimirwi bə minti wə bə ayaŋ dəŋaŋ ɗaw, kir minti aŋ nakə la bə ase karman bə minti giidə Pepeŋ bəluŋ, haa karman bə minti pisi, bə minti daw duruŋ, daana bə minti a kuɗuŋa damdi wə sə a ji bədoona anaŋ.

ROMEŊ 12:2 Iomraidhean Croise

MATIYE 13:22

Kaa gaalaŋ yaŋ, teŋ haa damdi ko bə kəjəma bə minti dər kar vaŋ adaŋ ana. Yə iski kel kə Pepeŋ, səma ɗiki də kel gə minti bə ji siri cəərə seŋkaŋaŋ huyuy ablaw, yə bə ji haa tiniini də kusri a kəkəy bə golde hurmaŋaŋ. Gud teŋa ta, kar teŋ huufi kel kə Pepeŋ wəra, de neeteŋ si ajewa pəda gəm.

MARKƏ 4:19

səma ɗiki də kel gə minti bə ji siri cəərə seŋkaŋaŋ huyuy ablaw, yə bə ji haa tiniini də kusri a kəkəy bə golde hurmaŋaŋ, daana yə bə saane kar gaalaŋa ablaw pa. Gud teŋa ta, kar teŋ huufi kel kə Pepeŋ wəra, de neeteŋ si ajewa pəda gəm.

Kel pəsaŋ kəmarwaŋ gə minti Zaŋ jiiriniy 14:30

Ten waate kel dəərəŋ ajew na ablaw pəda gud maa mo kumna bə cəərə seŋkaŋ day da. Səɓaki paapa kəəsu anə weseki bə isi cəərəna kumna ba,

Kel pəsaŋ kəmarwaŋ gə minti Zaŋ jiiriniy 15:19

Aŋ a jəə la kaa neeteŋ, yə sə a bəlaŋ gud maa mo aŋ haa kaa kə kumsəŋ. Səma aŋ paapa kaa neeteŋ pəda gud bə minti ten ŋamnaŋ warda minti aŋ a ji kə seŋkaŋ pəda. Yə koloŋ bə məlaŋ dərəŋ wəra haa sə teŋ.

Kel pəsaŋ kəmarwaŋ gə minti Zaŋ jiiriniy 17:14

Ten jugnuy kel nəmtiŋ ne wəra, gud teŋa ta kaa gə cəərə seŋkaŋ məlnəy diri wəra gud bə minti yə paapa kaa neete pəda, damdi ten paapa neete baŋ ana gəm.

Kel pəsaŋ kəmarwaŋ gə minti Zaŋ jiiriniy 7:7

Kaa gə cəərə seŋkaŋ neke bə məlaŋ dərəŋ wəra ba, səma ten toŋ ha'aŋ, yə malnan dərən wəra gud maa mo ten kəətəy gud joŋre neete bə baymeleŋ wəra saksaki.

ROMEŊ 12:1

Bədoona ana kəsaananti, gud giidu pəsaŋ gə ablaw-ablaw gə minti Pepeŋ jiiniy sar áŋaŋ, ten bə jəŋ kamkama minti: aŋ ayə kusrəŋ la wəra soki məna a Pepeŋ damdi karman bə minti yə əwu bə keere ana, bə minti dədərgə, wəra bə zee-ze dəra'i a nuunuŋ daana bə minti daw duruŋ faɗi. Haa kəya kəkəy bə gəəzə-gəəzi bə minti aŋ kir ke awalna a Pepeŋ duuru ku tarməyaŋaŋ.

ROMEŊ 13:14

Aŋ ganə la haa də Barkaŋ Yeesu Kristu. Aŋ yaakə ɗiki bə kar gə minti kusrəŋ bə hatə-hate də baymeleŋ bele minti aŋ jəy laŋ la faɗi.

ROMEŊ 7:12

Bədoona ana ku giliŋ bəŋ haa kasi Pepeŋ da. Kel məntəŋ məntəŋ mo gə giiduŋ, yə cetceti, ɗeker daana pəsaŋ gəm.

ROMEŊ 7:14

Áŋ wəra gə asə-ase minti *ku giliŋ haa a tiiruŋa, səma ten toŋ haa a kusukiŋa, bə gusə-gusi wəra kafkam a baymeleŋ.

ROMEŊ 7:22

Gal giidən da anə nemnem ha'aŋ, ten wəra də waale anə fənay-fənay də ku gili kə Pepeŋ.

I KOREŊTƏŊ 3:19

Gud maa mo, karman bə minti kaa kəsarkaŋ bə gulu damdi aseŋ anaŋ, wə gole dər Pepeŋa karman bə tiniini. Haa damdi wəra bə jeerə-jeere giidə Kefter kə Pepeŋa ana minti: «Tiwki də minti kaa kə asə-aseŋ jəərəŋ, Pepeŋ tupuy haa dəərə toki.»

II KOREŊTƏŊ 4:4

Yə iski ba gud bə minti Nərtitiŋ, kumna bə cəərə seŋkaŋ, biwini ɗiki di wəra. A hay kuy wəra minti yə a ase pəɗaki də Kel pəsaŋ kəmarwaŋ gə minti waate sam boblo kə Kristuŋ wəraŋ ba. Tó Kristu bə haa-he haa Pepeŋ derra faɗi.

II KOREŊTƏŊ 5:17

Bədoona ta, hulum bə minti wəra bə tapə-tepe də Kristuŋ, wə máŋ hulum kimirwi. Kəya kar gə dayday gə minti wə a bə ɗe guudiŋ pa pəda, wə bə ɗe máŋ haa gud kaayaŋ kəmarwaŋa.

GALATIŊ 1:4

Kristu yaakaŋ kusru bə me gud áŋa bə seere áŋ wəra ku baymele náŋa, kir minti baymele bə cəərə seŋkaŋ a isi kumna cəərə áŋa pəda. Bədoona ana, wə doŋ ku kel gə minti giidə Pep Bar áŋ a bəlnəy wəra.

EFESIŊ 1:18

Ten mante kəəsu minti wə baadaŋ dər ɗiki dəŋ la wəra kir minti aŋ nakə la bə əski gud karman bə minti wə a mantənaŋ warda cuuruŋ, bə minti aŋ gə malə-mele ɗiki dəŋ wəra cuuruŋ gəm. Aŋ nakə la pa bə əski gud kel minti, kar pəsaŋ-pəsaŋ gə minti Pepeŋ a wəətənəy səməy wəra bə əyəy a kaa nuutuŋ, yə kəmtəŋ wəra hasi,

EFESIŊ 2:2

Aŋ a jəŋ ateŋa toŋ ha'aŋ, ɗe dəŋ a haa anə derra damdi kə kaa gə cəərə seŋkaŋ ana faɗi. Aŋ a jəŋ bə ɗe haa gud kumna kə kəwala. Tiiru taŋ ha'aŋ, ji joŋreŋ hebkəna giidə kaa gə minti paapa bə de ku Pepeŋa baŋ haa tá.

EFESIŊ 5:17

Gud teŋa ta, aŋ a ji damdi kaa kə bay ɗikiŋ ana ba. Ana ɗaw ha'aŋ, aŋ bandə la bande bə əski gud kel gə minti giidə Pepeŋ bele minti aŋ jəy la.

KOLOSIŊ 1:9

Gud teŋa ta, are saksaki bə toose cəərəŋa hãã də hi bə minti are əskənəŋ səmaŋ. Are bə waate Pepeŋa minti wə gaŋ dərəŋ la wəra kaŋkaŋ cəərə kel gə minti giidu bələy, cəərə hela daana zuuri bə kel gə minti Tiiruŋ əyəy.

KOLOSIŊ 3:10

Aŋ koloŋ hebkəna damdi kaa kəmarwaŋ ana faɗi. Pep bə minti a jəənəŋ, kolnoŋ wəra kəmarwaŋ haa tó. Wə bə ji joŋre sarəŋa saksaki bə koloŋ wəra damdi tó ana kir minti aŋ nakə la bə əsu wəra kaŋkaŋ.

KOLOSIŊ 4:12

Epafrasi, hulum nəətiŋ, bə mirkiŋ na gəm. Wə haa hulum bə joŋre kə Yeesu Kristuŋ, wə bə kuuri də tooseŋ guudəŋa kir minti aŋ əsə la ŋəŋ a deŋa, aŋ jəə la wəra gə naa-ne daana aŋ jəə la wəra máŋ gə ayə-aye ɗiki dəŋ bə ji karman bə minti giidə Pepeŋ bəluŋ keɗe.

1 TESALONIKIŊ 4:3

Karman bə minti giidə Pepeŋ bəluŋ haa minti aŋ jəə la wəra *cetceti tiinu daana minti aŋ doo kusrəŋ la ku piwpiwa.

TITI 3:5

wə seereŋ áŋ wəra. Wə seereŋ áŋ wəra haa paapa gud joŋre ɗekeri bə minti áŋ a juunu ba. Wə seereŋ áŋ wəra haa gud minti wə jəŋ giidu pəsaŋ sar áŋaŋ. Də Tiiru Cetcetaŋ, wə baadaŋ baymele náŋ wəra, wə haraŋ bə we áŋa wəra kaa kəmarwaŋ, daana wə ayaŋ dədərgə təmarwaŋ a áŋ.

ZAKI 1:27

Karman bə minti Pep Abaŋ aŋke toŋ minti haa ɗe bə gud tó *cetcetiŋ daana kaŋkaŋiŋ, haa bə minti hulum bə ase caadə kaa kə kukuyu daana kəram gə bay dər gəəli neeteŋa, daana wə bə amə kusru pisi bay taɓke də kel kə bayməlaŋ gə cəərə seŋkaŋ.

ZAKI 4:4

Aŋ kaa teŋ gə minti paapa bə isi gud Pepeŋa ɗeketi baŋ! Aŋ nuutu gə asə-ase minti tam jəəne jaa də kar gə cəərə seŋkaŋ tam wəra acukur də Pepeŋ mo? Bədoona ta, hulum bə minti bəlaŋ ne minti tó jəə la jaa də kar gə cəərə seŋkaŋ kənaŋ, wə kole kusru wəra haa acukur də Pepeŋ.

I PIYER 1:14

Aŋ humə kosoŋ la saksaki cəərə Bəraŋ Pepeŋa. A dayday, bə minti aŋ kəm bay ase Kel pəsaŋ kəmarwaŋ, kel gə minti giidiŋ bələy a bə ɗe dəərəŋ haa té. Bə hebkəna ha'aŋ, aŋ a yəəkəy kəkəy pəda.

I PIYER 1:18

Gud maa mo, karman bə minti Pepeŋ wirkunu bə bədəŋ warda ku ɗe dəŋ bə gud hate bə bay bəlam du bə minti kəmoomo dəŋ a hatnaŋ duuru ha'aŋ, wəra də dərəŋ. Wə werkeŋ paapa də karman bə minti bə tewe wəra hõy damdi anə soloy, anə maaway, ana ba.

I PIYER 2:3

Gud maa mo, aŋ gosoŋ disi də pisi bə minti Barkaŋ a juunu sarəŋa ne wəra.

I PIYER 4:2

Də ko toŋ kəya faɗiŋ, dər ko bə minti aŋ bə ji yaŋ duru lam adawra kənaŋ, aŋ raawə la máŋ bə ji na haa karman bə minti giidə Pepeŋ bəluŋ, aŋ a ji karman bə giidəŋ beleŋ pəda.

II PIYER 1:4

Haa də hel taŋ minti wə ayaŋ kar kəmtəŋ də kar pəsaŋ-pəsaŋ gə minti wə a wəətənəy səməy wəra a áŋ. Də kar té gə minti wə aynaŋ dəŋ, aŋ neke bə fətti wəra ku ɗiki bə kar gə bayməlaŋ gə minti bese kaa gə cəərə seŋkaŋ wəraŋ, kir minti aŋ zeedə la bə kole máŋ damdi Pepeŋ ana.

II PIYER 2:20

Kaa gə minti a ɓətəŋ kusri warda ku kar gə bayməlaŋ gə laŋte kaa gə cəərə seŋkaŋ daŋ kas minti Barkaŋ náŋ Yeesu Kristu, Hulum bə seereŋ də diriŋ, yə bə yaakaŋ kusri ne bə humi daana bə kole kafkam kə kar té paŋ, kel gə siriŋ bə ji máŋ wəra bayməlaŋ hasi dəŋaŋ gə ajew.

I ZAŊ 3:13

Kəsaananti, bə minti kaa gə cəərə seŋkaŋ jəmaŋ acukur ne dəərəŋ, aŋ a ŋili ba.

I ZAŊ 5:19

Náŋ ha'aŋ, áŋ gə asə-ase minti áŋ kə Pepeŋ. Səma seŋkaŋ keɗe kasi Nər Sərkəŋa.

VEƊE 12:9

Dəragoŋ mooto wiriktikaŋ, haa hənji də dayday, hənji də minti yə mante minti Nərtitiŋ kumundu ba *Sataŋ. A haa karman bə minti vaŋ kaa gə cəərə seŋkaŋ bə ji baymeleŋaŋ. Yə zogna də kaa kə digi naataŋ keɗe warda apəy da cəərə seŋkaŋ da.

VEƊE 13:8

Kaa gə cəərə seŋkaŋ keɗe bə kaw awalna yaŋ, kaa té gə minti də anə hãã a mele bə gud koŋ daŋ, səməy paapa gə jeerə-jeere giidə kefter bə dədərgə kə Kormə Taaməka bə jamə-jemeŋa ba.