ROMEŊ 10:9 - JAA TƏMARWAŊ

⁹ Jəəne minti tam waate wəra kəkər də kum tiinə kaŋa minti Yeesu haa Barkaŋ, daana tam jəəne bə doo-de ku tarməyama minti Pepeŋ hərnu wəra dədərgə adordə meŋaŋ, tam fele seereŋ yaŋ.

ROMEŊ 10:9 Iomraidhean Croise

LIKI 12:8

«Ten waataŋ, hulum bə minti waatənan səman ne wəra kəkər minti tó kətan, ten *Kormə Hulúm waate yaŋ wəra kəkər tiinə *kaa kə digi kə Pepeŋa minti wə haa hulum katən gəm.

Kel pəsaŋ kəmarwaŋ gə minti Zaŋ jiiriniy 9:22

Kəmnuŋ waataŋ kel teŋ bədoona haa kas walka də kəkamna kə kaanə Ziwifiŋ. Gud maa mo yə a doŋ kuy wəra məna minti, hulum jəəne bə waate minti Yeesu haa *Hulum bə minti Pepeŋ ŋəmnuŋ, kəkəy paapa cuuru bə ɗe giidə *kuli bə toose kə kaanə Ziwifiŋa pəda.

JOŊRE 16:31

Yə hərnu kel minti: «Doo la gud Barkaŋ Yeesu, tam seere yaŋ wəra də gə gerdem keɗe.»

JOŊRE 2:24

Səma Pepeŋ hərnu wəra dədərgə adordə meŋa. Wə budnu warda kasi me da, gud bə minti səɓaki də meŋ nəkaŋ kir jeme waŋ duuru ba.

JOŊRE 2:32

Yeesu tó bə minti ten bə waataŋ səmu ha'aŋ, Pepeŋ hərnu warda dədərgə adordə meŋa. Are neŋneŋ keɗe kəmnə də kəkəy də kel teŋ.

JOŊRE 8:36

Də bə minti yə raawaŋ kəm bə ɗe də kumsi a kəkəy naŋ, yə tuluŋ sar ko bə kan kəmana maŋ. Kəya hulum bə Etiyopiŋ waataŋ Filipi faɗi minti: «Golə la, ha'aŋ kan bə mo? Karman bə han kun bay ji batem yaŋ kəm ada pə mo?» [

ROMEŊ 10:10

Gud maa mo hulum bə minti jəəne bə doo-de wəra ku tərmuyuŋ, Pepeŋ kulu hulum ɗekeri duru. Wə waataŋ ne wəra kəkər də ku cəərə de nuutuŋaŋ, Pepeŋ siiru wəra.

ROMEŊ 14:11

Gud maa mo Barkaŋ waataŋ wəra giidə kefter nuutuŋa minti: «Ten waate haa kənaŋ minti: mindi mindi mo ve wəra də guguuru tiinina daana wə waate yaŋ wəra də ku pəɗaki gəm minti ten haa Pepeŋ.»

ROMEŊ 14:9

Gud maa mo Kristu meŋ wəra daana wə haraŋ wəra dədərgə adordə meŋaŋ haa kir minti tó nakə la bə ji Barkaŋ kə kaa kə mee-meŋ, kə kaa gə minti kəm dədərgəŋ gəm.

ROMEŊ 4:24

Yə gə jeerə-jeere haa a áŋ gəm, áŋ gə minti Pepeŋ kole áŋ duru ɗeker gud bə minti áŋ doŋ gud tó Pep bə minti haraŋ Yeesu Barkaŋ náŋ wəra dədərgə adordə meŋaŋ.

ROMEŊ 8:34

Hulum neke bə doy də kəəti pəda, gud maa mo Yeesu Kristu meŋ wəra, ada pa wə haraŋ wəra dədərgə adordə meŋa, wə bə əsə-isi a kasi kemer kə Pepeŋa daana wə bə waate kela gud áŋa haa tó.

I KOREŊTƏŊ 12:3

Haa gud teŋa ta minti ten waataŋ haa kənaŋ: Hulum bə minti waate kel də səɓaki kə Tiirə Pepeŋ neke bə waate minti «Pepeŋ gaa guɗbusi la a Yeesu!», ba. Wə jəəne paapa də Tiiru Cetcetaŋ baŋ, wə neke bə waate minti «Yeesu haa Barkaŋ» bə gəm.

FILIPIŊ 2:11

Mindi mindi mo waate yaŋ wəra də ku anə pəɗaki bə tokɗe Pep Abaŋa minti: «Yeesu Kristu haa Barkaŋ cəərə kara keɗe!»

I PIYER 1:21

Gud Kristu tə bə moŋ, aŋ doŋ gud Pep bə minti hərnu wəra dədərgə adordə meŋa daana bə minti əynu tokɗeŋ. Bədoona ana, de nəətiŋ daana ɗiki dəŋ wəra bə malə-mele cuuru.

I ZAŊ 4:15

Hulum bə minti waate wəra pəɗaki minti Yeesu haa Kormə Pepeŋ, Pepeŋ bə əsə-isi giidu, wə wəra bə tapə-tepe duuru saksaki gəm.

II ZAŊ 1:7

Ten jeereneŋ kel teŋ gud bə minti kaa kə ceme teteŋ yaŋ wəra gə duusə-duusi hebkəna ablaw cəərə seŋkaŋa. Kaa teŋ ɗempa a de haa minti Yeesu Kristu waŋ a kusukiŋa ba. Hulum bə minti bə ji bədoona anaŋ, wə laŋte kaa, wə haa hulum bə acukur də Kristu.