ROMEŊ 1:9 - JAA TƏMARWAŊ

⁹ Pep bə minti ten bə jəw joŋreŋa wəra də ku tarman keɗe a kəkəy bə waate *Kel pəsaŋ kəmarwaŋ gə cəərə Kurmuyuŋa wəraŋ, bə asə-ase minti kel gə minti ten waataŋ diŋ yə gəəzi: ten saksaki bə ɗiki cəərəŋa dər toose katəna.

ROMEŊ 1:9 Iomraidhean Croise

MARKƏ 1:1

Haa kəna mele bə gud Kel pəsaŋ kəmarwaŋ gə waate sam Yeesu Kristu kormə Pepeŋ.

LIKI 18:1

Kəya Yeesu waataŋ kel də *ku kumti a *kaa gə guuduŋ, bə gay diri minti yə kirka toose a kuɗuŋa saksaki daana minti yə a dere hor bə hasi.

JOŊRE 12:5

Piyer doloy a daŋgay na ha'aŋ, kəsootoŋ ku laki bə gulu cuuru. Səma kaa kə Tapiŋ bə toose Pepeŋa saksaki də cəwa gud kel du.

JOŊRE 19:21

Adordə kel teŋa, Tiiru Cetcetaŋ məlaŋ ɗiki də Pol minti wə ɗee la Zeruzalem, wə kalə la giidə seŋka də Masedəwana daana nayta də Akay na gəm. Pol minti: «Ten bə jəŋ də ne a ko toŋ da jəŋ, ten kir koore Rom gəm.»

JOŊRE 24:14

Haa kəna kel gə minti ten asaŋ teŋ: ten haŋ haa kəkəy kimirwi bə minti yə a waatənam cuuru minti wə paapa a gəəziŋa baŋ. Ana ten ke awalnaŋ haa a Pep kə kəmoomo də áŋ, daana ten bə doo-de gud kel gə minti wəra gə jeerə-jeere giidə *ku gili kə *Moyisiŋaŋ daana jeere kə *kaa kə jogte ku mini kə Pepeŋ.

JOŊRE 27:23

Ten asaŋ kel teŋ haa gud bə minti *hulum bə digi kə Pepeŋ bə minti ten kəəsu daana bə jəw joŋreŋaŋ, bəŋ sarəna dər duugŋ taŋa kəna derra.

JOŊRE 3:26

Pepeŋ ŋəmaŋ Hulum bə joŋre nuutuŋ daana wə gəənu da ha'aŋ kəm a nəənəŋ kir minti wə gaa pisi la cəərəŋa a kəkəy bə minti wə koloŋ kerkeŋ a baymele bə minti aŋ bə juutuŋ.»

ROMEŊ 9:1

Ten bə tapə-tepe də Kristu səm moŋ, kel gə minti ten wəətəy yə gəəzi, ten ŋe kel ba. Ɗiki dən bə minti Tiiru Cetcetaŋ bə ɗe duuruŋ bə waatəna gəm minti ten waate haa gəəziŋ a kəkəy bə minti ten waate minti:

II KOREŊTƏŊ 1:23

Pepeŋ jən daŋgay dən la jəəne minti ten waate haa paapa gəəzi baŋ! Ten koloŋ ɗiki dən minti ten hare kəm Koreŋtə na pədaŋ haa bə fətəŋ wəra ku kel katən gə ɗəmaŋa ɗaw.

II KOREŊTƏŊ 11:31

Pepeŋ, Bar Barkaŋ náŋ Yeesu, bə minti tokɗeŋ nuutu bə faɗnə-faɗnaŋ, wəra bə asə-ase minti ten ŋete kel ba.

GALATIŊ 1:20

Ten waataŋ wəra haa anə kaŋkaŋ tiinə Pepeŋa minti, kel gə minti ten bə jeereŋ dəŋa hebkəna, yə haa kel kə gəəzi, ten ŋeŋ kel ba.

EFESIŊ 6:18

Dər koŋa keɗe, aŋ toosə Pepeŋ la də gidiirə tooseŋ, də manteŋ. Tiiru Cetcetaŋ kəyaŋ a tooseŋa haa tá. Aŋ əsə la wəra gə gunə-guni cəərə tooseŋa, aŋ a yəəku a kəkəya ba. Kaa kə Pepeŋ keɗe, aŋ toosə la ciiri gəm.

FILIPIŊ 1:3

Saksaki bə minti cəərən ɗəkəŋ ne a nəənəŋa tə bə moŋ, ten ji suuse a Pep katən faɗi.

FILIPIŊ 1:4

Də ko muntu muntu mo bə minti ten toose Pepeŋ cəərəŋaŋ, ten tuusu saksaki haa də waaleŋ

FILIPIŊ 2:22

Aŋ wəra gə asə-ase minti Timote ha'aŋ, wə hulum kaŋkaŋi. Wə jəŋ kusru sarəna haa bə beebe kəman də buru ana: wə ayaŋ kusru, are təpaŋ duuru a waate bə *Kel pəsaŋ kəmarwaŋa wəra a kaŋ.

FILIPIŊ 3:3

Kaa gə camə-ceme tantaŋ gəəziŋ haa áŋ, gud bə minti áŋ ke awalnaŋ a Pepeŋ haa də Tiiru faɗi daana cəərə áŋ gə haa-he apəya haa gud tepe náŋa də Yeesu Kristuŋ. Áŋ paapa gə malə-mele ɗiki də áŋ cəərə to'osi kə kaa kəsarkaŋa bə gəm.

1 TESALONIKIŊ 1:2

Are bə ji suuse a Pepeŋ saksaki gud kel deŋa keɗe, bə kaŋ səmaŋa saksaki dər toose naareŋaŋ gəm.

1 TESALONIKIŊ 3:10

Daaway də duugŋ keɗe, are bə toose Pepeŋa də səɓaki minti wə ayə kəkəy la a are bə asaŋ də dər are pa daana bə ɗe a de ku karman bə minti yaakaŋ wəra sarəŋa a de nəətiŋaŋ gəm.

1 TESALONIKIŊ 5:17

aŋ toosə la saksaki,

I TIMOTE 2:7

Gud teŋa ta, Pepeŋ ŋamnan, wə gaanan minti ten ɗee la a sewle kaa gə minti teŋ paapa kaanə Ziwifi baŋ. Ten bə *gaa-ge minti ten ɗee la a hətəy kel cəərə deŋa daana gəəziŋ. Ten waate haa gəəziŋ, ten ŋete paapa kel ba.

II TIMOTE 1:3

Ten ji suuse a Pepeŋ bə minti ten kaw awalna damdi kamnan a bə jəəti bədoonaŋ ana, wəra də ku tarman pasyaki bay ɗiki bə baymele ada. Ten jəw suuse a ko bə minti ten ɗəlaŋ ne bə tuusuŋ daaway daana duugŋ keɗeŋ, cəərən ɗiki a nəənəma saksaki.

Filemoŋ 1:4

Bədoona ana, saksaki bə minti ten ɗəlaŋ ne bə toose Pepeŋaŋ, cəərən ɗiki a nəənəma daana ten jəw suuse a nuunu gud kel dəma.