ROMEŊ 1:8 - JAA TƏMARWAŊ

⁸ Ajew anə faɗiŋ, də Yeesu Kristu, ten də suuseŋ a Pep katən gud kel dəŋa keɗe gud bə minti kaŋ bə waate sam de nəətiŋa wəra a koŋa keɗe.

ROMEŊ 1:8 Iomraidhean Croise

MATIYE 24:14

*Kel pəsaŋ kəmarwaŋ té gə waate sam *Kumna kə Pepeŋ kəyaŋ, yə bə wəətəy yaŋ wəra a koŋa keɗe minti kaŋ əskə bar kəkəy bə cəərə kel teŋ la. Haa kəyaŋ, tewe bə koŋ tuli yaŋ faɗi gəm.»

LIKI 2:1

Dər ko bə we kə Zaŋa, Sezar Ogustə, kumna bobloŋ, ayaŋ mini minti yə aŋkə kaa gə giidə seŋka də minti Rom waate samaŋ la keɗe.

JOŊRE 11:28

Hulum kəman ada məna'i guudi, səmu minti Agabusi, wəətənəy də səɓaki kə Tiiru Cetcetaŋ wəra ciiri acekjewa ɗe'i minti tay mooto bə awe yaŋ wəra giidə seŋkaŋa keɗe'i. Kel teŋ doŋ kuy wəra də tay də minti awaŋ dər ko bə minti Kolodi bə əsə-isi kumna bobloŋ.

JOŊRE 28:22

Səma, kel gə minti tam bə ɗikiyaŋ ha'aŋ, are bele iskiy kuma faɗi. Gud maa mo are wəra gə asə-ase minti, Tapi də minti tam adaŋ ha'aŋ, kaŋ gargete də awəy dəərə wəra a koŋa keɗe.»

ROMEŊ 10:18

Bə hebkənaŋ le ku katən haa minti: Kaanə Ziwifiŋ bay əski kel teŋ mo? Yə gə əskə-əski diiri, gud maa mo Kefter kə Pepeŋ waate minti: «Dordə kaa té gə waate kel ɗeŋ wəra cəərə seŋkaŋa keɗe; kel gə minti yə wəətənəy ɗeŋ warna hãã a ko bə minti seŋkaŋ təwaŋ ada naŋ.»

ROMEŊ 16:19

Kaŋ keɗe asaŋ humi bə kosoŋ nəətiŋ bə cəərə Barkaŋ wəra, daana kel teŋ doonon ku tarman wəra də waaleŋ. Səma ten bele minti aŋ jəə la wəra gə asə-ase a ji bə pisiŋa bay təpu də baymeleŋ anə ceki.

ROMEŊ 6:17

Áŋ jəə suuse la a Pepeŋ, gud maa mo aŋ a jəŋ kafkam kə baymeleŋ, səma bə hebkənaŋ, aŋ humuŋ kosoŋ wəra də ku tarməyaŋ soki məna cəərə kar gə minti yə a hatnaŋ dəŋ, gə minti gəəziŋ.

I KOREŊTƏŊ 1:4

Ten saksaki bə ji suuse a Pepeŋ gud kel dəŋa cəərə pisi bə minti wə juunu sarəŋa gud tapi nəətiŋa də Kristu Yeesuŋ.

II KOREŊTƏŊ 2:14

Are tokɗe Pepeŋ, gud maa mo wə keye are bə pi buluma cəərə gəəliŋa gud bə minti are gə tapə-tepe də Kristu, wə bə ɗe tiinə are gəm. Wə jəŋ kir minti kaŋ asə Kristu la wəra a koŋa keɗe damdi siisi də urde bə minti duusi warna a koŋ na keɗeŋ ana gəm, haa də are.

EFESIŊ 1:15

Gud teŋa kəya, ten gəm ha'aŋ, bə minti ten əskəŋ sam de nəətiŋ bə gud Barkaŋ Yeesuŋ, daana minti aŋ bele kaa kə Pepeŋ keɗe naanaanə moŋ,

EFESIŊ 1:16

ten bə ji suuse a Pepeŋ saksaki gud kel dəŋa a kəkəy bə minti ten bə kaŋ səmaŋa a nuunu dər toose ninaŋ.

EFESIŊ 3:21

Tokɗe toŋ jəə la nuutu adəwaldə kaa kə Tapiŋa gud tepe neeteŋa də Yeesu Kristuŋ, daana dər laate bə ajew na anə keɗe bə faɗnə-faɗnaŋ gəm. Amen.

EFESIŊ 5:20

Aŋ jəə suuse la a Pep Abaŋ dər koŋa keɗe, cəərə kara keɗe, də sam Yeesu Kristu Barkaŋ náŋ.

FILIPIŊ 1:11

Kəya ɗe dəŋ ji yaŋ saksaki ɗeker gud səɓaki kə Yeesu Kristuŋa, kir minti kaŋ haa cəərə Pepeŋ la apəya, yə tukɗu la gud teŋa gəm.

FILIPIŊ 1:3

Saksaki bə minti cəərən ɗəkəŋ ne a nəənəŋa tə bə moŋ, ten ji suuse a Pep katən faɗi.

KOLOSIŊ 1:3

Are bə ji suuse saksaki a Pepeŋ, Bar Barkaŋ náŋ Yeesu Kristuŋ, bə minti are ɗəlaŋ ne bə tuusu cəərəŋaŋ.

1 TESALONIKIŊ 1:2

Are bə ji suuse a Pepeŋ saksaki gud kel deŋa keɗe, bə kaŋ səmaŋa saksaki dər toose naareŋaŋ gəm.

1 TESALONIKIŊ 2:13

Are saksaki bə ji suuse a Pepeŋ pa gud bə minti, are waatənaŋ kel kə Pepeŋ ha'aŋ, aŋ duuniy bə kel kə hulum ana ba, aŋ duuniy damdi karman bə minti yə bədoona ana gəəzi, kel kə Pepeŋ faɗi. Yə bə ji joŋre giidiŋa, aŋ kaa kə doo-de.

II TESALONIKIŊ 1:3

Kəsaanə areŋ, are də suuse a Pepeŋ saksaki gud kel dəŋaŋ. Suuse toŋ awaŋ a kuɗuŋa anə ɓeti, gud maa mo de nəəti bə gud Yeesuŋ bə suu-si apəya daana aŋ bə ɗe ajewa də beleŋ aduubə də kumsəŋa keɗe.

II TIMOTE 1:3

Ten ji suuse a Pepeŋ bə minti ten kaw awalna damdi kamnan a bə jəəti bədoonaŋ ana, wəra də ku tarman pasyaki bay ɗiki bə baymele ada. Ten jəw suuse a ko bə minti ten ɗəlaŋ ne bə tuusuŋ daaway daana duugŋ keɗeŋ, cəərən ɗiki a nəənəma saksaki.

Filemoŋ 1:4

Bədoona ana, saksaki bə minti ten ɗəlaŋ ne bə toose Pepeŋaŋ, cəərən ɗiki a nəənəma daana ten jəw suuse a nuunu gud kel dəma.

HEBEREŊ 13:15

Bədoona ana, gud Yeesuŋ, áŋ tokɗə Pepeŋ la saksaki. Haa keere bə minti áŋ əyu duŋ a kəkəy bə minti áŋ bə wəətu səmu wəra də ku áŋ minti wə Barkaŋ náŋ.

I PIYER 2:5

Aŋ jəə la haa damdi pərki bə dədərgəŋ ana gəm, kir minti Pepeŋ hərsə kuli nuutuŋ la dəərəŋ. Haa kuli bə minti Tiiru Cetcetaŋ isi adaŋ. Giidə kuli toŋa, bə jəəti keere bə minti Tiiru Cetcetaŋ waataŋ səmu, bə minti de dər Pepeŋ gud Yeesu Kristuŋ, haa aŋ.

I PIYER 4:11

Hulum a fəlaŋ ne haa hel də waate bə kel, wə waatə la wəra haa kel gə minti bəŋ kasi Pepeŋ daŋ. Hulum baalaŋ a fəlaŋ ne haa ji bə digiŋ a kaŋ, wə jəərə la haa də səɓaki də minti Pepeŋ əynu duŋ. A ji bə kar teŋa keɗe'iŋ, aŋ jəy la kir minti kaŋ tokɗə Pepeŋ la gud Yeesu Kristu haa guudiya faɗi. Gud maa mo, tokɗeŋ daana səɓakiŋ haa kə Pepeŋ bə faɗnə-faɗna. *Amen.