ROMEŊ 1:16 - JAA TƏMARWAŊ

¹⁶ Kese bə waate Kel pəsaŋ kəmarwaŋ wəraŋ paapa dərəna ba anə ceki. Gud maa mo yə haa səɓaki də minti Pepeŋ ji joŋreŋ dəərə bə seere mindi mindi mo wəra bə minti doŋ ne guuduŋ, gə Ziwifi gə minti iskiniy ajew, də kaa gə minti paapa gə Ziwifi baŋ gəm.

ROMEŊ 1:16 Iomraidhean Croise

MARKƏ 8:38

Kaa kə dogoynaŋ, yə haa kaa kə bayməlaŋ daana gə minti isi gud Pepeŋ ɗeker baŋ. Hulum bə minti bə ji kese bay waate kel dən daana kel katən jew kese aduubə də kaa teŋa ha'aŋ, ten *Kormə Hulúm, bə ji kese yaŋ bay wəətu kel du gəm də bə minti ten hare da də *kaa kə digi cetceti kə Pepeŋ dər məyan kə Barən daŋ.»

LIKI 9:26

Hulum bə minti bə ji kese bay waate kel dən daana kel katən jəw kese aduubə də kaŋa, ten Kormə Hulúm bə ji kese yaŋ bay wəətu kel du gəm də bə minti ten harə da dər pəɗaki katən, kə Barən daana kə *kaa kə digi cetceti kə Pepeŋ də gəm.

Kel pəsaŋ kəmarwaŋ gə minti Zaŋ jiiriniy 7:35

Kaanə Ziwifiŋ waataŋ aduubə də kumsi minti: «Wə bə koore haa a ko muntu toŋ minti aŋ bə fəlu pədaŋ mo? Wə bə koore haa ger kaanə Ziwifi gə minti warna gə meerə-meere aŋay ger kaanə Gereki na mo? Wə ɗe a hate kaanə Gereki mo?

JOŊRE 3:26

Pepeŋ ŋəmaŋ Hulum bə joŋre nuutuŋ daana wə gəənu da ha'aŋ kəm a nəənəŋ kir minti wə gaa pisi la cəərəŋa a kəkəy bə minti wə koloŋ kerkeŋ a baymele bə minti aŋ bə juutuŋ.»

ROMEŊ 10:17

Aŋ asaŋ ne, aŋ fele deŋ haa gud əski bə kel kə waatə-waateŋa wəra, kel té gə minti waate wəra cəərə Kristuŋ faɗi.

ROMEŊ 15:19

də kar gə minti veɗe səɓaki kə Pepeŋ wəraŋ, də kar gə məɗ-miɗiŋ, daana də səɓaki kə Tiiru Pepeŋ gəm. Məlaŋ guudu Zeruzalema hãã warna giidə seŋka də Iliriŋ naŋ, a ko bə minti ten kaltaŋ adaŋ keɗe, ten waataŋ Kel pəsaŋ kəmarwaŋ gə cəərə Kristuŋ wəra ada.

ROMEŊ 15:29

Ten wəra bə asə-ase minti, ten ɗe gerdeŋ na ha'aŋ, də pisi kə Kristuŋ wəra keɗe.

ROMEŊ 2:9

Kaa kə ji baymeleŋ keɗe fele lasi yaŋ daana tərməyi ji yaŋ wəra də jamə-jeme hasi gəm, kaanə Ziwifi gə minti əskəŋ kel kə Pepeŋ ajew ada gəm, kaayaŋ gə minti paapa gə Ziwifi baŋ ada gəm.

ROMEŊ 4:11

Pepeŋ kulnu duru ɗeker gud de nuutuŋa haa də ko bə minti wə a kəm bay *jeme tənturuŋ faɗi. Adoro, wə wəətunu minti wə jamə la wəra bə ge dər minti tó kulnu wəra dər tó ɗeker. Bədoona ana ta, Abraham koloŋ bar kaa gə təntəri gə bay cemeŋ keɗe gə minti gə doo-de gud Pepeŋa gə minti wə kulnuy wəra duru ɗeker gəm.

I KOREŊTƏŊ 15:2

Seereŋ wəra haa té, jəəne minti aŋ gə doo-de diiri a kəəsi gə minti ten a waatənaŋ dəŋ wəra ana'iŋ. Aŋ jəŋ bə ji bədoona baŋ, de nəətiŋ kole wəra karman bə boobo.

I KOREŊTƏŊ 2:2

Gud maa mo, karman bə minti ten haŋ ɗikiŋ cuuru bə ɗe a wəətu wəra a nəənəŋ, haa Yeesu Kristu təwa, daŋgeŋ haa cəərə me du a kəbaŋ gə largaŋaŋ faɗi.

I KOREŊTƏŊ 2:4

Bə minti ten hatnaŋ daana ten waatənaŋ kel wəraŋ, ten jiiniy paapa də hel də minti de dər kaa kəsarkaŋ bə koloŋ ɗiki dəŋ ba. Doŋ gud kel wəra haa səɓaki kə Tiirə Pepeŋ.

I KOREŊTƏŊ 9:12

Jəəne minti kəkəy cəərə kaayaŋa bə fele karman kaasəŋaŋ, kəkəy a cəərə are dəŋaŋ neete bə ɗaw moŋ? Də teŋ keɗe, are jəŋ bədoona ba. Are doŋ hale bə gəəliŋ keɗe ɗaw kir minti kaŋ əskə *Kel pəsaŋ kəmarwaŋ gə cəərə Kristuŋ la, are a kole karman bə hay kuy wəra bay iskiy ba.

I KOREŊTƏŊ 9:18

Bədoona ana, werke katən haa maa mo? Haa waale bə minti dəərən a ko bə minti ten waate Kel pəsaŋ kəmarwaŋ wəra bay mante karman kasi kaŋa, koo də kəkəy bə minti a nuutu cəərəna bə fele karman guudiŋ.

II KOREŊTƏŊ 2:12

Bə minti ten tuluŋ Torwasi bə ɗe a waate *Kel pəsaŋ kəmarwaŋ gə cəərə Kristuŋ adaŋ, ten fəlaŋ ha'aŋ, Barkaŋ a bəŋnən kəkəy ne wəra tiinina bə wəətiya.

II KOREŊTƏŊ 4:4

Yə iski ba gud bə minti Nərtitiŋ, kumna bə cəərə seŋkaŋ, biwini ɗiki di wəra. A hay kuy wəra minti yə a ase pəɗaki də Kel pəsaŋ kəmarwaŋ gə minti waate sam boblo kə Kristuŋ wəraŋ ba. Tó Kristu bə haa-he haa Pepeŋ derra faɗi.

II KOREŊTƏŊ 9:13

Joŋre bə minti aŋ bə jəwaŋ bə gay diri yaŋ wəra cəərə ku tarməyaŋ pəsaŋa. Gud teŋa ta yə tokɗe Pepeŋ yaŋ gud humi bə kosoŋ nəəti bə cəərə kela minti aŋ ɓeti gud *Kel pəsaŋ kəmarwaŋ kə Kristuŋa, daana yə tukɗu yaŋ gud aye nəəti bə ɗiki pisiŋa a niini daana a kaa kaayaŋ keɗe gəm.

GALATIŊ 1:7

A gəəziŋa ha'aŋ, Kel pəsaŋ kəmarwaŋ gaalaŋ pa pəda. Səma sərdə kaa yaŋ bə ɓalkaŋ ɗiki dəŋa daana yə golde haa minti té kole Kel pəsaŋ kəmarwaŋ gə minti bə waate sam Kristuŋ, karman baalaŋ.

1 TESALONIKIŊ 2:13

Are saksaki bə ji suuse a Pepeŋ pa gud bə minti, are waatənaŋ kel kə Pepeŋ ha'aŋ, aŋ duuniy bə kel kə hulum ana ba, aŋ duuniy damdi karman bə minti yə bədoona ana gəəzi, kel kə Pepeŋ faɗi. Yə bə ji joŋre giidiŋa, aŋ kaa kə doo-de.

I TIMOTE 1:11

Hate tó pisiŋ ha'aŋ, wə damdi *Kel pəsaŋ kəmarwaŋ gə daŋə-deŋe kumsi gə minti Pepeŋ aynan dən minti ten wəətəy la wəra a kaŋ ana. Kel teŋ ha'aŋ bəŋ kasi Pepeŋ da dər boblo nuutuŋ da.

II TIMOTE 1:12

Ten bə se lasiŋa a daŋgaya haa sə teŋ. Də teŋ keɗeŋ, kese paapa bə jəna ba, gud maa mo, hulum bə minti ten bə doo-de guuduŋ, wə də dərən. Ten wəra bə asə-ase kaŋkaŋ gəm minti wə də səɓaki bə ame karman bə minti wə a aynan dən hãã wəra akaceŋa dər hi bə kəətiŋaŋ.

II TIMOTE 1:16

Səma kə Onesifor ha'aŋ, Barkaŋ gaa pisiŋ la cəərə kuli nuutuŋa, gud maa mo wə teŋtənen dərən kampa ablaw. Wə jəŋ kese minti ten a daŋgayaŋa naanaanə mo ba.

II TIMOTE 1:8

Bədoona ana ta, a ji kese bə waate kel wəra cəərə Barkaŋ náŋa ba. Ten bə minti hebkəna a daŋgaya gud kel duŋ, a ji kese kaasəna bə gəm. Səmaŋa, saa lasiŋ la gud *Kel pəsaŋ kəmarwaŋ kə Pepeŋa akas tena ana gəm də səɓaki də minti Pepeŋ aynam dəm.

HEBEREŊ 4:12

Gud maa mo, kel kə Pepeŋ yə də dədərgə, yə anə də'əfi də səɓaki gəm. Yə də kəsəŋ dəŋaŋ macəlam bə minti kusnu gə kaa-ke wəra agala ɓasi keɗeŋ. Yə hame sar huluma haa anə pəɗamɗam faɗi, hãã bə minti yə ɗe a ɗoote ko bə minti dədərgəŋ daana ɗikiŋ gə əsə-isi adaŋ, ko bə minti dər kəskəŋ gə maltə-malteŋ daana son bə diriŋ gə əsə-isi adaŋ warda gəm. Ge gud kar gə ku tarmə áŋ gə minti áŋ bele jəy wəra minti yə bayməlaŋ mo, pəsaŋ mo, haa té gəm.

I PIYER 4:16

Səma jəəne minti hulum bə se gəəliŋa haa gud bə minti wə hulum kə Kristuŋ, wə a ji kese ba. Wə jəə suuse la a Pepeŋ gud səmu bə hulum kə Kristuŋa ɗaw.