ROMEŊ 1:12 - JAA TƏMARWAŊ

¹² Ten waataŋ haa kəna ɗaw minti ten ɗe gerdeŋ na haa minti áŋ ɗee la a teŋe dər kumsə áŋ də de náŋ bə minti áŋ cuuru məna'iŋ, aŋ teŋen dərən la də nəətiŋ, ten teŋeŋ dərəŋ də katən gəm.

ROMEŊ 1:12 Iomraidhean Croise

JOŊRE 11:23

Də bə minti wə ɗeŋ a tuli kay ada naŋ daana wə asaŋ minti Pepeŋ a jəŋ pisi nuutuŋ sar kaa kə doo-deŋa ŋaanaanə moŋ, waale duunu ablaw. Kəya wə tiŋniy diri ada də kel, minti yə əsə la ŋəŋ bə ɗe gud Barkaŋa də ku tərməyi ɗaaməna faɗi.

ROMEŊ 1:11

Gud maa mo tay də ɗe gerdeŋ naŋ doonon wəra hasi, kir minti ten ɗee la a ayaŋ aye kə Tiiru Cetcetaŋ bə koloŋ də səɓaki a de nəətiŋa.

ROMEŊ 1:13

Kəsaananti, ten bele minti aŋ asə la minti ten goldoŋ kəkəy kampa ablaw bə ɗe gerdeŋ na, səma ten jəŋ wəra bə laŋtə-laŋte hãã hebkəna. Gud maa mo ten bə balə-bele minti ten ɗee la a ji joŋreŋ aduubə dəŋa kir minti wə falə we la a tiiruŋa damdi wə jəətəŋ aduubə də gidiirə kaa kaayaŋa ana gəm.

ROMEŊ 15:24

A ɗiki dəna wə bə de ku yaŋ máŋ wəra də ko bə minti ten he kəkəy bə ɗe giidə seŋka də Espay. Gud maa mo ten də caadə ŋefe dəərəŋ a kəkəy bə minti ten bə raawe yaŋ ada naŋ daana minti aŋ kəyan la ku gəryi toŋa. Ten bə raawe yaŋ ada na haa də ko bə minti áŋ əsəŋ ne də kumsə áŋ hãã bə minti ten gaanaŋ tolka dəŋ ne wəraŋ.

ROMEŊ 15:32

Kəya ten neke yaŋ bə tuli gerdeŋ na ku tarman də waale daana Pepeŋ bəlaŋ neŋ, ten fele kaŋkaw kəmarwaŋ yaŋ giidəna gəm də ko bə minti ten bə ji yaŋ aduubə dəŋaŋ.

II KOREŊTƏŊ 7:13

Haa kəya karman bə minti are fəlaŋ teŋe bə dər guuduŋ. Are fəlaŋ paapa teŋe bə dər təwa ba, are jəŋ wəra də waale ablaw gəm gud waale kə Titiŋa bə minti aŋ haraŋ bə məlu ɗiki du daŋ.

EFESIŊ 4:5

Barkaŋ wə ɗaaməna faɗi, deŋ ɗaaməna, batem ɗaaməna gəm.

II TIMOTE 1:4

Cəərən ɗiki cəərə hage bə minti tam həgnuŋ, bədoona kəya tolka dəm don faɗi minti ten harə la bə asam dərəma, kir minti ku tarman ɗosə la wəra də waaleŋ.

TITI 1:4

Ten bə jeerem kefter toŋa a nəənəm tam Titi, tam kormon bə gəəziŋ gud tepe náŋa a de bə gud Pepeŋa. Pisiŋ daana kəkaɓi kə Pep Abaŋ də Kristu Yeesu Hulum bə seere áŋ jəə la cəərəma.

II PIYER 1:1

Jeere kefter toŋ haa ten Simoŋ Piyer, hulum bə joŋre daana bə *gaa-ge kə Yeesu Kristuŋ. Ten jeereneŋ kefter toŋ a nəənəŋ, aŋ kaa gə minti fəlaŋ deŋ gud ɗeker kə Pep náŋ Yeesu Kristuŋa daana hulum bə seere áŋ. De toŋ haa bə naareŋ ana dege'-dege'i faɗi gəm.

II ZAŊ 1:4

Ten jəŋ waale ablaw a ko bə minti ten asaŋ minti sərdə kərməyiŋ bə ɗe a kəkəy bə gəəziŋa, damdi Bar áŋ Pepeŋ a waataŋ áŋ anaŋ.

ZUDI 1:3

Gədaarən gə agŋ-agŋ, ten a bə bandə-bande bə jeereŋ kefter cəərə kel kə seere bə minti áŋ keɗe, áŋ fəlnuŋ. Bə hebkənaŋ, wə koloŋ máŋ karman bə han guudən minti ten jeereŋ la bə zeŋ guudəŋ minti aŋ duurə la gud kel kə de gə minti Pepeŋ jugnuy a kaa nuutuŋ na kampa ɗaaməna faɗiŋ.