ROMEŊ 1:1 - JAA TƏMARWAŊ

¹ Jeere kefter toŋ haa ten Pol, hulum bə joŋre kə Yeesu Kristuŋ. Pepeŋ mantənan minti ten kolə la *hulum bə gaa-ge daana wə əsnən wəra dəra'i a kusru bə waate *Kel pəsaŋ kəmarwaŋ nuutuŋ wəra.

ROMEŊ 1:1 Iomraidhean Croise

MARKƏ 1:14

Adordə minti yə doŋ Zaŋ warna a daŋgay naŋ, Yeesu kooroŋ giidə seŋka də Galileŋ. Wə waataŋ *Kel pəsaŋ kəmarwaŋ kə Pepeŋ wəra ada,

Kel pəsaŋ kəmarwaŋ gə minti Zaŋ jiiriniy 12:26

Hulum bə minti bele jən joŋreŋ, wə han bəlam dən la. Bədoona ana, ko bə minti ten adaŋ, wə bə ji yaŋ ada na gəm. Hulum bə minti bə jən joŋreŋ, Barən bə əŋku yaŋ gəm.

Kel pəsaŋ kəmarwaŋ gə minti Zaŋ jiiriniy 15:15

Ten mantaŋ kaa kə joŋre pəda, gud maa mo hulum bə joŋreŋ paapa bə asə-ase gud kel gə minti burduŋ bə jiyaŋ ba. Ten mantaŋ minti gədaarən gud bə minti ten kaanaŋ gud kel gə minti Barən waatənan dən daŋ wəra keɗe.

Kel pəsaŋ kəmarwaŋ gə minti Zaŋ jiiriniy 15:20

Aŋ harə la bə ɗiki cəərə kel gə minti ten a waatənaŋ dəŋ minti ‹Hulum bə joŋreŋ deŋe burduŋ baŋ.› Kaŋ lasnan daana yə bə ləsaŋ yaŋ gəm. Jəəne minti yə humuŋ kosoŋ cəərə hate katəna, yə bə humi kosoŋ yaŋ cəərə nəətiŋa gəm.

JOŊRE 13:9

Kəya Sol, bə minti yə məntu Pol gəm, Tiiru Cetcetaŋ haraŋ bə ɗusu wəra máŋ hasi. Kəya wə məlaŋ duru cəərə Elimasi anə taki bə gulu,

JOŊRE 20:24

Katən ha'aŋ, ten jəŋ ne caw, ten jəŋ nuutu caw ba, ɗamnan ba. Kel gə ɗəman, haa gə minti ten jəə la bə əsə-isi ŋəŋ a ɗe katəna hãã a me dəna, joŋre bə minti Barkaŋ aynan dən kaasəna, ten ɗe duuru hãã bə ɗe a məlu wəra a kuɗuŋa gəm. Joŋre toŋ haa waate bə *Kel pəsaŋ kəmarwaŋ wəra cəərə pisi bə minti Pepeŋ bə jəwa sar kaŋaŋ.

JOŊRE 21:40

Hulum bobloŋ yəəkunu nuutu ta. Pol apəya gil a ko bə malte kampaŋa, wə haŋ kəəsu apəya minti kaŋ zenə la kəm mo. Kəya kaŋ zeneŋ seɗem-ɗem faɗi. Wə əsəŋ bə wəətəy kela də ku Hebere.

JOŊRE 22:21

Kəya Barkaŋ waatənan minti: ‹Ɗee la, gud maa mo ten bə gam haa warna tooto sar kaa gə minti teŋ paapa gə Ziwifiŋ baŋ.›»

JOŊRE 22:7

Ten awaŋ adawra anə muf. Ten əskəŋ dordə karman kəman bə mantana minti: ‹Sol! Sol! Tam ləsan haa səm mo?› Ten hərnu kel minti:

JOŊRE 26:1

Agripa waataŋ Pol minti: «Kəkəy hebkəna cəərəma bə waate kel gə cəərə kusrum wəra.» Bədoona ta, Pol haŋ kəəsu apəya, wə əsəŋ bə hare kel nuutuŋa wəra minti:

JOŊRE 26:14

Are awtaŋ adawra wəra keɗe. Kəya ten əskəŋ dordə karman kəman bə mantan da də ku Hebere minti: ‹Sol! Sol! Tam ləsan haa səm mo? Tam məlaŋ waŋ haa bo. A ji kusrum damdi kurki bə minti le kəmpuru wəra ku gədəwa bə feɗkə-feɗkeŋaŋ ana ba.›

JOŊRE 27:23

Ten asaŋ kel teŋ haa gud bə minti *hulum bə digi kə Pepeŋ bə minti ten kəəsu daana bə jəw joŋreŋaŋ, bəŋ sarəna dər duugŋ taŋa kəna derra.

JOŊRE 9:15

Səma Barkaŋ wəətunu minti: «Ɗee la nəmti. Hulum toŋ cawaŋ, ten ŋəmnu wəra bə jən digi. Wə waatan səman yaŋ wəra a kaa gə minti teŋ paapa gə Ziwifi baŋ, a kəkamnaŋ neeteŋ daana a kaanə *Israyel gəm.

ROMEŊ 1:16

Kese bə waate Kel pəsaŋ kəmarwaŋ wəraŋ paapa dərəna ba anə ceki. Gud maa mo yə haa səɓaki də minti Pepeŋ ji joŋreŋ dəərə bə seere mindi mindi mo wəra bə minti doŋ ne guuduŋ, gə Ziwifi gə minti iskiniy ajew, də kaa gə minti paapa gə Ziwifi baŋ gəm.

ROMEŊ 1:5

Haa guudu ta minti Pepeŋ jəŋ pisi nuutuŋ sar are minti are jəə la kaa kə vaa-ve kə Kristu, kir minti gidiirə kaa gaalaŋ-gaalaŋ nakə la bə de guudu daana bə humi kosoŋa cuuru gəm. Kel teŋ jəŋ gila keɗe haa bə he cəərə Kristu apəya.

ROMEŊ 1:9

Pep bə minti ten bə jəw joŋreŋa wəra də ku tarman keɗe a kəkəy bə waate *Kel pəsaŋ kəmarwaŋ gə cəərə Kurmuyuŋa wəraŋ, bə asə-ase minti kel gə minti ten waataŋ diŋ yə gəəzi: ten saksaki bə ɗiki cəərəŋa dər toose katəna.

ROMEŊ 11:13

Ten waate kel hebkəna haa a aŋ kaayaŋ gə minti paapa gə Ziwifi baŋ. Ten haa *hulum bə gaa-ge kə Pep bə minti wə gəənu da a nəənəŋ. Gud teŋa ta, joŋre tó bə minti wə aynan dən kəyaŋ, ten ufi kun guudu faɗi.

ROMEŊ 15:16

kolnon hulum bə joŋre kə Yeesu Kristu cəərə kaa gə minti paapa gə Ziwifi baŋ. Ten wəra bə ayə-aye kusrən keɗe a Pepeŋ bə waate *Kel pəsaŋ kəmarwaŋ nuutuŋ, kir minti kaa gə minti paapa gə Ziwifi baŋ nakə la bə kole damdi karman bə ayə-aye bə daw duru ana, bə minti Tiiru Cetcetaŋ a ziinu wəra dəra'i a nuunuŋ.

ROMEŊ 15:29

Ten wəra bə asə-ase minti, ten ɗe gerdeŋ na ha'aŋ, də pisi kə Kristuŋ wəra keɗe.

ROMEŊ 16:18

gud maa mo gom də kaa teŋ ji joŋreŋ paapa a Kristu Barkaŋ náŋ ba, yə jəw haa gud giidi. Də durdi də keŋ daana də kel kə waate pəsaŋ neeteŋ, yə ji tiniini də kaa gə minti paapa gə jeŋə-jeŋe bə ase gom də kel teŋ kəya baŋ.

ROMEŊ 16:25

Aŋ tokɗə Pepeŋ la! Wə bə nakə-neke bə koloŋ də səɓaki a deŋa, damdi *Kel pəsaŋ kəmarwaŋ gə cəərə Kristu gə minti ten wəra bə wəətiya waateŋ ana, daana damdi ɗiki kə Pep bə ɗampə-ɗampe bə cəərə Kristuŋ, bə minti a bə metə-mete da anə hãã, waate anaŋ gəm.

I KOREŊTƏŊ 1:1

Jeere kefter toŋ haa ten Pol, ten bə minti Pepeŋ mantənan gud bele bə giiduŋa minti ten kolə la *hulum bə gaa-ge kə Kristu Yeesuŋ. Are təpaŋ bə jiiru də seenə áŋ Sosten.

I KOREŊTƏŊ 9:1

Kəkəy wəra cəərəna hoŋ keɗe bə mo? Ten *hulum bə gaa-ge kə Barkaŋ bə mo? Ten asaŋ Yeesu Barkaŋ náŋ də dərən bə mo? Aŋ haa joŋre bə minti ten juunu a Barkaŋ bə mo?

II KOREŊTƏŊ 1:1

Jeereŋ kefter toŋ kəya haa ten Pol, *hulum bə gaa-ge kə Kristu Yeesuŋ, gud giidu gə bele kə Pepeŋa. Are jiirunu haa də seenə áŋ Timoteŋ, a aŋ kaa kə Tapi gə Koreŋtəŋ daana a kaa kə Pep gə giidə seŋka də Akay keɗe gəm.

II KOREŊTƏŊ 11:5

A ɗiki dəna, *kaa kə vaa-ve gə samsam nəəti teŋ paapa bə daŋna a ko kəmana ba anə ceki.

II KOREŊTƏŊ 11:7

Bə minti ten a waatənaŋ Kel pəsaŋ kəmarwaŋ kə Pepeŋ wəraŋ, bay mante karman kaasəŋaŋ, ten haraŋ kusrən wəra adoro haa minti ten haŋ cəərəŋ la apəya. Haa baymele mo minti ten jəŋ bədoonaŋ?

II KOREŊTƏŊ 12:11

Ten waate kel damdi hulum bə mələr ana a kəkəy bə ufi kuna, səma haanan guudən bə ji bədoona haa aŋ. Aŋ sə a waate wəra cəərəna haa aŋ ɗaw. Gud maa mo ten jəəne nuutu paapa karman baŋ, ‹*kaa kə vaa-ve gə samsam› nəəti teŋ, yə paapa karman bə dəŋana anə weseki bə ɗaw.

II KOREŊTƏŊ 2:12

Bə minti ten tuluŋ Torwasi bə ɗe a waate *Kel pəsaŋ kəmarwaŋ gə cəərə Kristuŋ adaŋ, ten fəlaŋ ha'aŋ, Barkaŋ a bəŋnən kəkəy ne wəra tiinina bə wəətiya.

II KOREŊTƏŊ 4:5

Gud maa mo, are waate haa paapa sam kusrə are ba, are waate haa sam Yeesu Kristu Barkaŋ faɗi. Jəəne cəərə are kənaŋ, are waataŋ wəra anə faɗi haa minti are kaa kə joŋre nəəti gud Yeesu.

GALATIŊ 1:1

Jeereŋ kefter toŋ haa ten Pol. Ten *hulum bə gaa-ge kə Yeesu ha'aŋ, ŋaɓnan paapa hulum ba daana gaanan paapa hulum bə gəm. Gaanan haa Yeesu Kristu faɗi, də Pep Abaŋ bə minti hərnu wəra dədərgə adordə meŋaŋ. Ten jeereŋ haa a aŋ kaa kə Tapi gə giidə seŋka də Galatiŋ. Ten, də kaa kə doo-de gə minti sarəna kəna a ko toŋa keɗe'iŋ, are bə mirkiŋ na.

EFESIŊ 1:1

Jeere kefter toŋ haa ten Pol, ten bə minti Pepeŋ bəlaŋ minti ten kolə la *hulum bə gaa-ge kə Yeesu Kristuŋ. Ten gaw a kaa kə Pep gə minti giidə vil də Efesiŋaŋ, gə minti ɓeti a tepe neeteŋa də Yeesu Kristuŋ.

EFESIŊ 1:13

Aŋ gə minti əskəŋ kel kə gəəziŋ, *Kel pəsaŋ kəmarwaŋ gə minti aŋ fele seereŋ guudiŋ, aŋ wəra gə tapə-tepe də Kristu. Bədoona ana, aŋ doŋ gud Kristu gəm, kəya Pepeŋ aynaŋ Tiiru Cetcetaŋ də minti wə a waatənaŋ sam wəra a nəənəŋ. A gaŋ dərəŋ haa minti aŋ wəra kaa kə tó.

EFESIŊ 4:11

Kar gə minti wə əynəy a kaŋ booboŋ, haa bə minti wə əstəŋ sərdə kaŋ *kaa kə vaa-ve nuutu, sirdiŋ *kaa kə jogte ku mini kə Pepeŋ, sirdiŋ kaa gə minti bə ɗe wəra də *Kel pəsaŋ kəmarwaŋ, sirdiŋ kə paster, sirdiŋ kaa kə hate kaŋ.

FILIPIŊ 1:1

Jeere kefter toŋ haa are anə Pol də Timote, are kaa kə joŋre kə Yeesu Kristuŋ. Are jiiru haa a kaa kə Pepeŋ gud tapi neeteŋa də Yeesu Kristuŋ, gə minti giidə seŋka də Filipiŋaŋ, a kaa kəmtəŋ gə tiinə kaŋ daana a kaa kə joŋre neeteŋ gə giidə kuli kə Pepeŋ.

FILIPIŊ 2:11

Mindi mindi mo waate yaŋ wəra də ku anə pəɗaki bə tokɗe Pep Abaŋa minti: «Yeesu Kristu haa Barkaŋ cəərə kara keɗe!»

KOLOSIŊ 1:1

Jeere kefter toŋ kəya haa ten Pol, ten bə minti Pepeŋ bəlaŋ minti ten kolə la *hulum bə gaa-ge kə Yeesu Kristuŋ. Are təpaŋ də seenə áŋ Timoteŋ bə jeereŋ kefter toŋ na

KOLOSIŊ 1:25

Ten koloŋ hulum bə joŋre kə kaa kə Tapi taŋ. Pepeŋ aynan joŋre toŋ kaasəna minti ten jəw la gud kel dəŋa. Joŋre toŋ haa bə waate karman bə minti Kel kə Pepeŋ wəətu wəraŋ keɗe,

1 TESALONIKIŊ 2:2

Aŋ wəra gə asə-ase pa minti, bə minti are a jəŋ giidə vil də Filipi daŋ, yə ləsaŋ daana sartaŋ are. Səma, Pepeŋ coŋoŋ gud are bə waataŋ *Kel pəsaŋ kəmarwaŋ nuutuŋa wəra, koo kaŋ jəəne nuutu gə jamə-jeme acukur də are naanaanə moŋ.

1 TESALONIKIŊ 2:8

Are bəlaŋ ablaw səm moŋ, are waatənaŋ paapa Kel pəsaŋ kəmarwaŋ kə Pepeŋ təwa pəda; are a wəra máŋ bə aye kusrə are a meŋ guudəŋa ada pa, gud bə minti aŋ jəŋ wəra karman pis-pisi naare.

1 TESALONIKIŊ 2:9

Kəsaanə areŋ, cəərən gaŋ joŋre bə gəəli-gəəliŋ daana geye naareŋ ba. Gud maa mo, bə minti are adəwaldəŋ da bə waataŋ Kel pəsaŋ kəmarwaŋ kə Pepeŋaŋ, are jəŋ joŋreŋ də kasi are daaway də duugŋ keɗe kir minti kel də are a eele hulum aduubə dəŋa anə məna ba.

I TIMOTE 1:1

Jeere kefter toŋ kəya haa ten Pol, ten bə minti Kristu Yeesu *gaanan bə waate kela də səmuŋ. Pepeŋ, Hulum bə seere áŋ daana Kristu Yeesu bə minti ɗiki də áŋ bə malə-mele cuuruŋ, əsnən a joŋreŋa haa té.

I TIMOTE 2:7

Gud teŋa ta, Pepeŋ ŋamnan, wə gaanan minti ten ɗee la a sewle kaa gə minti teŋ paapa kaanə Ziwifi baŋ. Ten bə *gaa-ge minti ten ɗee la a hətəy kel cəərə deŋa daana gəəziŋ. Ten waate haa gəəziŋ, ten ŋete paapa kel ba.

II TIMOTE 1:11

Ten də kusrən, Pepeŋ ŋamnan minti ten jəə la *hulum bə gaa-ge minti ten ɗee la a sewle Kel pəsaŋ kəmarwaŋ wəra a kaŋ, daana minti ten jəə la hulum bə hətəy də kel teŋ gəm.

TITI 1:1

Jeere kefter toŋ kəya haa ten Pol, hulum bə joŋre kə Pepeŋ, daana bə *gaa-ge kə Yeesu Kristu bə waate kela də səmuŋ. Pepeŋ əsnən minti ten ɗee la a keye kaa gə minti wə vərnəy wəraŋ, minti yə doo la guudu daana minti ten gay diri la wəra cəərə gəəzi də ɗe náŋ bə minti giidə Pepeŋ bəluŋ,

HEBEREŊ 5:4

Joŋre bə kumna boblo bə keereŋ daana aŋke duŋ, haw a kusru paapa hulum də kusru faɗi ba. Məntu ada haa Pepeŋ damdi kə *Aroŋ jəŋ ha'aŋ ana gəm.

HEBEREŊ 7:26

Bədoona ta, Yeesu haa nuutu *kumna tó boblo bə keere bə nakə-neke bə cəərə áŋ faɗi. Wə bə doo-de dər Pepeŋ, kel gə malə-mele paapa suru ba anə ceki, baymele paapa bə ha'-he'e suru bə gəm, Pepeŋ ziinu wəra dəra'i sar kaa kə bayməlaŋa daana wə usnu warna apəy na suru na.

ZAKI 1:1

Jeere kefter toŋ haa ten Zaki, hulum bə joŋre kə Pepeŋ daana kə Barkaŋ Yeesu Kristuŋ. Ten jeere kefter toŋ a kaasaw də kaanə Ziwifi hor ciiri ɓasiŋ gə minti wəra gə meerə-meere giidə koŋaŋ. Ten bə mirkiŋa.

I PIYER 4:17

Koŋ wəra maŋ bə minti Pepeŋ ɗele jeme kəəti də kaŋ, wə məlu guudu acekjew haa cəərə kaa kə doo-deŋa faɗi. Jəəne minti wə jeme ajew haa kəəti də kaa nuutuŋ ɗaw, gəəli ablaw cəərə kaa gə minti doŋ gud *Kel pəsaŋ kəmarwaŋ nuutuŋa baŋ!

II PIYER 1:1

Jeere kefter toŋ haa ten Simoŋ Piyer, hulum bə joŋre daana bə *gaa-ge kə Yeesu Kristuŋ. Ten jeereneŋ kefter toŋ a nəənəŋ, aŋ kaa gə minti fəlaŋ deŋ gud ɗeker kə Pep náŋ Yeesu Kristuŋa daana hulum bə seere áŋ. De toŋ haa bə naareŋ ana dege'-dege'i faɗi gəm.

ZUDI 1:1

Jeere kefter toŋ kəya haa ten Zudi, seenə Zaki, ten hulum bə joŋre kə Yeesu Kristuŋ. Ten jeere kefter toŋ haa a nəənəŋ, aŋ kaa gə minti Pepeŋ mantənaŋ, Pep Abaŋ bəlaŋ, daana Yeesu Kristu bə goloŋ cəərəŋa haa tó gəm.

VEƊE 1:1

Haa kənaŋ kel gə minti Yeesu Kristu vəɗnəy wəra a kaŋ. Pepeŋ əynu kel teŋ kir minti kar gə minti wəra maŋ bə tuliŋ, wə kay guudi la wəra a kaa kə joŋre nuutuŋ. Yeesu Kristu gaŋ *hulum bə digi nuutuŋ bə ɗe a kay guudi wəra a Zaŋ, hulum bə joŋre nuutu.

VEƊE 22:6

Kəya *hulum bə digi kə Pepeŋ waatənan minti: «Kel teŋ keɗe yə gəəzi, yə ɓeti. Gud maa mo Barkaŋ Pep bə minti a yaakaŋ kel nuutuŋ bə kalte wəra ku *kaa kə jogte ku miniŋaŋ, wə gaŋ hulum bə digi nuutuŋ minti wə ɗee la a ke gud kel gə minti wəra maŋ bə tuliŋ a kaa kə joŋre kə toŋ.»

VEƊE 22:9

Səma wə waatənan minti: «A ji teŋ ba! Ten haa hulum bə joŋre damdi tam ana, damdi kumsum gə jogte ku mini kə Pepeŋ, də kaayaŋ gə minti jəŋ joŋreŋ də kel gə giidə kefter toŋ keɗe'iŋ ana gəm. Kaa awalna la haa a Pepeŋ!