MARKƏ 9:7 - JAA TƏMARWAŊ

⁷ Kəya aŋolooro kəman kulɓiniy wəra, Pepeŋ waataŋ kel da ada minti: «Haa kormon, giidən bəlu ablaw, aŋ jiɓru ku la pisi!»

MARKƏ 9:7 Iomraidhean Croise

MATIYE 27:43

Wə a doŋ gud Pepeŋa, jəəne minti Pepeŋ bəluŋ, wə budu la wəra hebkəna da faɗi. Gud maa mo wə a waataŋ minti: ‹Ten kəna Kormə Pepeŋ› tə gəm.»

MATIYE 27:54

Kumna bə sooto kəsaŋ daana kəsooto gə minti a jəŋ bə gole cəərə Yeesuŋ asaŋ seŋkaŋ bə miiri də kar kaayaŋ bə jəəti bədoona keɗe kəyaŋ, walka jəmnəy, yə əsəŋ bə waate minti: «Hulum toŋ a haa kormə Pepeŋ gəəzi!»

MATIYE 3:17

Kaŋ əskəŋ dordə Pepeŋ bə waate də apəy da minti: «Haa kormon, giidən bəlu ablaw. Waaleŋ don wəra anəkay haa guudu.»

MARKƏ 1:11

Kəya kaŋ əskəŋ dordə Pepeŋ bə waate də apəy da minti: «Tam haa kormon, giidən bəlam ablaw, waaleŋ don wəra anəkay haa guuduma.»

MARKƏ 9:6

Wə waataŋ bədoona haa gud bə minti kel gə minti wə wəətəy la anəkay, paapa də duru ba, gud maa mo walka jəmnəy wəra soope keɗe.

MARKƏ 9:8

Də ko toŋ hebkəna faɗi, *kaa gə guuduŋ ɗeŋ a ase ha'aŋ, Yeesu gil təwa siri bay cuuru, hulum baalaŋ pa pəda.

LIKI 3:22

Tiiru Cetcetaŋ damdi abaaku ana sorkoŋ cuuru da faɗi. Kaŋ əskəŋ dordə Pepeŋ bə waate da apəy da minti: «Tam haa kormon, giidən bəlam ablaw. Waaleŋ don wəra anəkay haa guuduma.»

Kel pəsaŋ kəmarwaŋ gə minti Zaŋ jiiriniy 1:34

Ten də kusrən, ten asaŋ kel teŋ, gud teŋa ta, ten waate wəra anə kaŋkaŋ gəm minti wə kəna Kormə Pepeŋ.»

Kel pəsaŋ kəmarwaŋ gə minti Zaŋ jiiriniy 1:49

Kəya Nataniyel minti: «Hulum bə hateŋ, tam kəna Kormə Pepeŋ, tam haa Kumna kə kaanə *Israyel.»

Kel pəsaŋ kəmarwaŋ gə minti Zaŋ jiiriniy 12:28

Barən, vaɗə boblo də sam nəmtiŋ la wəra a kaŋ.» Kəya Pepeŋ waataŋ kel apəy da faɗi minti: «Ten vəɗaŋ boblo kətan ne wəra ɗaw, ten bə vəɗu yaŋ wəra pa.»

Kel pəsaŋ kəmarwaŋ gə minti Zaŋ jiiriniy 19:7

Kaanə Ziwifiŋ minti: «*Ku gili naare yaŋ, wə waate haa minti əwu la wəra, gud bə minti wə jəŋ kusru minti tó haa Kormə Pepeŋ.»

Kel pəsaŋ kəmarwaŋ gə minti Zaŋ jiiriniy 20:31

Miɗi bə minti kel də toŋ a wəra gə jeerə-jeereŋ, ten jiirunu haa minti aŋ kolə la bə de gud Yeesu minti wə haa Kristu, *Hulum bə minti Pepeŋ ŋəmnuŋ, wə haa Kormə Pepeŋ, daana minti aŋ doŋ ne guuduŋ, aŋ falə dədərgəŋ la də səmuŋ.

Kel pəsaŋ kəmarwaŋ gə minti Zaŋ jiiriniy 5:18

Gud kel nuutu teŋa kəyaŋ, kaanə Ziwifiŋ əsəŋ bə golde kəkəya pisi golda minti té əwu la wəra. Gud maa mo, wə ɓalkaŋ ku gili bə waate sam hi bə faake kə Pepeŋ təwa ba, wə mantaŋ Pepeŋ minti Bar toŋ faɗi, kəya wə ŋəraŋ kusru wəra gəga'-gəga'i duuru də kel teŋ.

Kel pəsaŋ kəmarwaŋ gə minti Zaŋ jiiriniy 5:37

Barən bə minti gaanan daŋ bə ji bar kəkəy cəərəna gəm. Səma aŋ uskunu durdu hõy ba, aŋ əsnu duru hõy bə gəm.

Kel pəsaŋ kəmarwaŋ gə minti Zaŋ jiiriniy 6:69

Are teŋ, are doŋ guuduma, are asaŋ wəra gəm minti tam haa Hulum Cetceti bə minti Pepeŋ gəənu daŋ.»

Kel pəsaŋ kəmarwaŋ gə minti Zaŋ jiiriniy 9:35

Yeesu əskəŋ minti yə sərmunu warda kəyaŋ, wə kooroŋ suru bə ɗe a wəətu minti: «Tam ha'aŋ, tam doŋ gud *Kormə Hulúma nuutu mo?»

JOŊRE 1:9

A ko bə minti wə təwaŋ kel kə waate teŋ wəra kəyaŋ, Pepeŋ həənu warna apəy na. Yə məlaŋ diri ɗeket-keti bə gulu, hãã bə minti wə lenteŋ warna diri na adəwaldə kamraŋ na.

JOŊRE 7:37

Waataŋ kaanə Israyel minti: ‹Pep nəətiŋ bə gaŋ *hulum bə jogte ku mini da pa damdi wə a gaanan da a nəənəŋ ha'aŋ ana gəm. Hulum toŋ bə pi duru ha'aŋ gud kaasaw dəŋa toki pa›, haa tó pa.

JOŊRE 8:36

Də bə minti yə raawaŋ kəm bə ɗe də kumsi a kəkəy naŋ, yə tuluŋ sar ko bə kan kəmana maŋ. Kəya hulum bə Etiyopiŋ waataŋ Filipi faɗi minti: «Golə la, ha'aŋ kan bə mo? Karman bə han kun bay ji batem yaŋ kəm ada pə mo?» [

ROMEŊ 1:4

Səma agal kə Tiiru Cetcetaŋaŋ, Pepeŋ gaŋ dər wəra anə kaŋkaŋ faɗi minti wə haa kormə tó a kəkəy bə minti wə hərnu wəra dədərgə adordə meŋaŋ. Kurmuyu toŋ haa Yeesu Kristu Barkaŋ náŋ.

HEBEREŊ 2:1

Gud teŋa ta, áŋ doo kel gə minti áŋ a iskiniy la pisi kaŋkaŋ, kir minti áŋ a ɗe a ɓaare warna ba.

II PIYER 1:17

Are a jəŋ cəərə pərki kə Pepeŋa duuru, də ko bə minti Pep Abaŋ həgnu səmu daana əynu bobloŋ. Də ko toŋ ha'aŋ, wə əskəŋ dordə Pepeŋ, Bərdə Abay, bə waate minti: «Haa kormon, giidən bəlu ablaw, ten də waale ablaw guudu gəm.» Are də kusrə are, are əskəŋ kel bə waate də apəy da bədoona gəm.

I ZAŊ 5:20

Áŋ asaŋ wəra minti Kormə Pepeŋ a bəŋ ne wəra. Wə ayaŋ hel də əskiŋ a áŋ minti áŋ asə Pep bə gəəziŋ la. Áŋ də Pep bə gəəziŋ saksaki gud tepe náŋa də Kurmuyu Yeesu Kristuŋ. Yeesu haa Pep bə gəəziŋ, wə dədərgə də bay teweŋ gəm.

VEƊE 1:7

Aŋ golə laŋ, wə day caw bə bi da dər kamraŋ daŋ. Kaŋ əsu yaŋ wəra də diri keɗe, koo nuutu kaa gə minti a kəptunuŋ. Kaasaw də kaa gə cəərə seŋkaŋ keɗe hage yaŋ kəəsu. Ãã, yə haa bədoona ana. Amen.