MARKƏ 9:43 - JAA TƏMARWAŊ

⁴³ Jəəne minti gam bə yaake kəkəy bə deŋa haa kaasam, jəməy la wəra. Gud maa mo, tam kəlaŋ ne kaasam məna a dədərgə də gəəzə-gəəziŋaŋ, marya dəŋaŋ bə minti tam ɗe a kele dər cəwa də bay teweŋa də kaasam ada ɓasi keɗeŋ. [

MARKƏ 9:43 Iomraidhean Croise

MATIYE 17:27

Səma bə minti giidə kaa teŋ a ɗəməy baŋ, haa ateɗepi la, ɗee la ku kan kəmtəŋa bə ɗe a wəərə. Aska də minti haŋ ateɗepiŋ ne ajew, doorə la, bəŋə ku la wəra. Tam fele soloy kooso yaŋ ada məna. Haw la, əyu la a kaa kə tope lambaŋ cəərə náŋa ɓasi keɗe.»

MATIYE 25:41

Kəya wə waate kaayaŋ gə kəəsu gulaŋ yaŋ minti: ‹Aŋ zee la warna sarəna anə tooto, aŋ kaa gə minti kəəti kə Pepeŋ doonoŋ. Cəwa də bay teweŋ də minti Pepeŋ a ɗampəna cəərə Nərtitiŋa də kaa kə digi naataŋ, aŋ ɗee la a ve dərə.

MATIYE 3:12

Wə haa damdi hulum bə witi kaasaw ana. Kəəyəw gə witi kaasaw kəəsu. Wə ve kaasaw nuutuŋ giidə dorgoɗiŋa, səma wə ki koɗosiŋ wəra dər cəwa də minti noke bə hasiŋ.»

MATIYE 5:22

Səma, ten waataŋ nin haa minti hulum bə minti koloŋ waŋ ne sar kumsuŋaŋ, kəəti kirka jeme cuuru. Hulum bə minti waataŋ kumsuŋ ne minti: ‹Han!›, wə kirka a ɗe tiinə *kaa kəmtəŋ gə jeme kəəti kə kaanə Ziwifiŋa. Hulum bə minti waataŋ kumsuŋ ne minti: ‹Mələr!›, wə kirka a ɗe dər cəwa də bay teweŋa.

MARKƏ 9:44

A ko toŋa ha'aŋ, anə tutkul ji yaŋ saksaki daana cəwaŋ noke hõy bə gəm.]

LIKI 14:13

Ana ɗaw ha'aŋ, bə minti tam wəɗaŋ so bə kəɗwəy neŋ, mantə laŋa kaa kə caacaŋ, kaa kə dagə-degeŋ, kaa kə dəlay də kaa kə bəwə-bəwiŋ.

LIKI 14:21

Hulum bə joŋreŋ haraŋ a hare kel gə minti kaŋ a wəətunu duŋ wəra keɗe a burduŋ. Kəya bərdə kuliŋ koloŋ waŋ. Wə waataŋ hulum bə joŋre nuutuŋ minti: ‹Ɗee la cəlam a ko muntu mo keɗe, a kəkəy bobloŋa də kəkəy koncoŋ gə giidə vil gəm. Koton kaa kə caacaŋ da, kaa kə dagə-degeŋ, kaa gə bəwə-bəwiŋ, daana kaa gə dəlay gəm.›

LIKI 3:17

Wə haa damdi hulum bə witi kaasaw ana, kəəyəw gə witi kaasaw kəəsu. Wə ve kaasaw giidə dorgoɗi nuutuŋa, səma wə ki koɗosiŋ wəra dər cəwa də minti noke bə hasiŋ.»

ROMEŊ 8:13

Jəəne minti aŋ ɗe haa guuduŋ, aŋ me yaŋ wəra. Səma aŋ awaŋ kel kə bayməlaŋ gə minti aŋ jəy a kusukiŋa ne wəra də Tiirə Pepeŋ, aŋ ji yaŋ dədərgə.

I KOREŊTƏŊ 9:27

Ten le ku kusrən wəra haa le faɗi, ten gədu ku wəra haa gedeŋ faɗi. Jəəne paapaŋ, ɗawba ten bə minti a waataŋ kel wəra a kaŋ, ten kole hulum bə minti neke a werke bə buluma pəda.

GALATIŊ 5:24

Kaa gə minti teŋ wəra kə Yeesu Kristuŋ, yə ŋoryoŋ kusri bə hatə-hate də baymeleŋ warna haa ŋorye faɗi. Yə ŋoryoŋ wəra haa kar gə bayməlaŋ gə minti yə a bə bələya ablaw gəm. Yə ɓəlnəy wəra apəya də Yeesu a kəbaŋ gə largaŋa.

KOLOSIŊ 3:5

Bədoona ana ta, ɗiki bə kar gə minti cəərə seŋkaŋa kənaŋ, aŋ əwəy kəsar di la wəra sarəŋa. Haa anə ji bə booboŋ, kel kə zeɓə-zeɓeŋ, kel kə sesewsesew, ɗiki bə ji baymeleŋ daana kel kə həryəm-həryəm (gud maa mo həryəm haa ke bə awalna a kar gə minti kaŋ guluy pepe neeteŋ toki).

TITI 2:12

Pisi nuutu toŋ kəya hate áŋ minti áŋ yaakə ji bə baymele la wəra də ɗiki bə kar gə cəərə seŋkaŋ, kir minti áŋ əsə la cəərə seŋkaŋa dogoyna kəna də ɗiki pisiŋ ku tarmə áŋa, bə ji kel ɗekeriŋa, daana bə ɗe haa ɗe bə minti giidu bəluŋ.

HEBEREŊ 12:1

Bədoona ana, kaa teŋ gila keɗe gə minti jəŋ bərdə kəkəy cəərə de neeteŋa, yə wəra bə ɓəkə-ɓiki cəərə áŋ cẽẽ tə pə moŋ, áŋ raytə kar kə eele gə sar áŋ la wəra keɗe, bə fi taraŋ də minti áŋ kir fəərəŋ tat-tatiŋ bay dere hor. Kar kə eeleŋ daŋgeŋ haa baymele bə minti larkete sar áŋa bay gəəli anə faɗ-faɗi.

I PIYER 2:1

Gud teŋa ta, gidiirə baymeleŋ keɗe, aŋ yəəku la wəra. Anə ŋete bə kel, kel kə waate bə kuy təwa-təwa, jəəti bə sərkəŋ cəərə kumsuŋa, acakiŋ, aŋ yəəkəy la wəra keɗe.