MARKƏ 8:11 - JAA TƏMARWAŊ

¹¹ Kəya kaanə *Farisiyeŋ kəman tuluŋ sar Yeesu, yə əsəŋ bə ce awəya duuru. Yə a goldoŋ haa minti té law kəmpuru. Yə əsəŋ bə wəətu minti wə jəə karman bə ge dər la minti səɓaki nuutuŋ bəŋ sar Pepeŋ da.

MARKƏ 8:11 Iomraidhean Croise

MATIYE 12:38

Kəya sərdə *kaa kə hate ku gili kə Pepeŋ daana kaanə *Farisiyeŋ əsəŋ bə waate Yeesu minti: «Hulum bə hateŋ, are bele minti tam jəə karman bə ge dər la a are.»

MATIYE 19:3

Kəya sərdə kaanə *Farisiyeŋ kəman zeŋ suru da bə golde minti té law kəmpuru la də kel. Yə wəətunu minti: «Kəkəy yaŋ bə ayə-aye minti hulum buusə muruŋ la wəra gud kela anə hãy keɗe faɗi mo?»

MATIYE 21:23

Bə minti Yeesu haraŋ daŋ, wə kəlaŋ giidə *Kuli kə Pepeŋa, wə əsəŋ bə hate kaŋa. Kəya kəkamna kə *kaa kə keere Pepeŋ də kaa kəmtəŋ gə tiinə kaŋ zeŋ suru da, yə əsəŋ bə wəətu minti: «Kel gə minti tam jəy, aynam kəkəy diŋ haa mindi mo? Aynam abay bə jəy haa mindi mo?»

MATIYE 22:15

Kaanə *Farisiyeŋ əskəŋ kel teŋ kəyaŋ, yə haŋ giidi warna bə ɗe a ge awəy aduubə də kumsi cəərə Yeesu minti té ɗee la a law ku haa də kel məntəŋ mo bə law kəmpuru də kel gə kuŋ tokiŋ.

MATIYE 22:18

Kəya Yeesu asaŋ ɗiki neete bə sərkəŋ, wə wəətənəy minti: «Aŋ kaa gə minti waate kel nəətiŋ də kuŋ təwa-təwaŋ, aŋ golde minti aŋ lan kampəran haa səm mo?

MATIYE 22:23

Dər hi toŋa toki faɗi, sərdə kaanə *Saduseyeŋ bəŋ sar Yeesu. Teŋ haa kaa gə minti waate minti kaa kə mee-meŋ hare wəra dədərgə adordə meŋa baŋ. Kəya yə əsəŋ bə law ku minti:

MARKƏ 12:15

Səma Yeesu wəra bə asə-ase minti yə laka haa kaa gə minti jəm dərəm də kel kəna kuya anəkayya təwaŋ, wə hərnəy kel minti: «Aŋ golde minti aŋ lan kamparən haa səm mo? Aŋ goldon soloy kooso-kooso da, ten bi a gulu.»

MARKƏ 2:16

Bə minti *kaa kə hate ku gili kə Pepeŋ a kaŋ gə gud kaanə *Farisiyeŋ əsnu anəkay bə hame də kaa kə tope lambaŋ daana kaa kə jəəti baymeleŋ, yə əsəŋ bə waate kaa gə guuduŋa faɗi minti: «Ana wə hame də gom də kaa teŋ haa naanaanə mo?»

MARKƏ 9:16

Wə əsəŋ bə lay kuya minti: «Aŋ ce awəy diiri haa cəərə maa mo?»

LIKI 10:25

Kəya *hulum kəman bə hate ku gili kə Pepeŋ faŋ apəya gud bə minti wə bele gole koɗ Yeesu. Wə ləənu ku minti: «Hulum bə hateŋ, ten jəə maa la minti ten falə dədərgə də bay teweŋ laŋ mo?»

LIKI 11:16

Sərdə kaŋ goldoŋ haa minti té law kəmpuru, yə əsəŋ bə wəətu minti wə jəə karman bə ge dər la minti səɓaki nuutuŋ bəŋ sar Pepeŋ da.

Kel pəsaŋ kəmarwaŋ gə minti Zaŋ jiiriniy 4:48

Yeesu wəətunu minti: «Aŋ ha'aŋ, aŋ asaŋ miɗi daana kar kə ŋili kaa bə jəə-ji baŋ, aŋ de guudəna ba.»

Kel pəsaŋ kəmarwaŋ gə minti Zaŋ jiiriniy 6:30

Yə minti: «Tam bə ji haa miɗi muntu mo minti are asə la daana are doo la guudumaŋ? Tam bə ji haa maa mo?

Kel pəsaŋ kəmarwaŋ gə minti Zaŋ jiiriniy 7:48

Aduubə də kəkamnaŋa daana də kaanə Farisiyeŋa, hulum kəman doŋ guudu anə məna nuutu mo? Paapa!

Kel pəsaŋ kəmarwaŋ gə minti Zaŋ jiiriniy 8:6

Yə waataŋ kel teŋ bədoona haa bə law kəmpuru də kel kir minti té nakə la bə məlu kel suru. Kəyaŋ Yeesu cokoŋ cuuru, wə əsəŋ bə jeere adawra də karmə kəəsu faɗi.

JOŊRE 5:9

Kəya Piyer haraŋ bə waata minti: «Aŋ a ɗəkəŋ haa minti harmə mo minti aŋ təpaŋ kuŋ bə gole koɗ Tiiru kə Barkaŋ də baymele nəətiŋ? Jeɓrə la! Kampar kaa gə minti a ɗeŋ a ge gidriŋ a tələŋkəŋ haa bə ɗoote ku kuliŋaŋ. Te də kusri, yə hay hebkəna ha'aŋ bə ɗe a ge a tələŋkə gəm.»

I KOREŊTƏŊ 10:9

Áŋ a gole koɗ Barkaŋ damdi sirdiŋ gulnu kuɗu ana ba. Yə jəŋ bədoona tə pə moŋ, hənjiŋ hitniy, yə meŋ anə kap-kapi.