MARKƏ 6:11 - JAA TƏMARWAŊ

¹¹ Jəəne giidə seŋka kəmana minti kaŋ bəlaŋ doŋ irku dəŋ ba, kumundu ba yə bəlaŋ jeɓreŋ kel nəəti baŋ, aŋ yaakə vil taŋ la, aŋ po'ə tərwə də kamparaŋ la wəra bə ji bar kəkəy wəra minti yə jəŋ baymele. Bədoona ana kel teŋ gay diri yaŋ wəra minti yə jəŋ haa baymele.»

MARKƏ 6:11 Iomraidhean Croise

MATIYE 12:36

Ten waataŋ, dər hi bə kəətiŋa ha'aŋ, kaŋ ɗe a tope bəlam də kel kə bay guudi gə minti yə a wəətətənəy yaŋ wəra tiinə Pepeŋa té də kusri.

MARKƏ 6:10

Wə wəətənəy pa minti: «Aŋ tuluŋ ne ger hulum kəmanaŋ, wə doonoŋ irku dəŋ neŋ, aŋ həətə la haa girdu hãã bə minti aŋ koore wəra giidə seŋka taŋa.

LIKI 9:5

A ko muntu mo keɗe bə minti kaŋ bəlaŋ doŋ irku dəŋ baŋ, aŋ yəəkəy kuli neeteŋ la. Bə minti aŋ ɗəlaŋ ne bə kooreŋ, aŋ po'e tərwə də kampəraŋ la wəra bə ji bar kəkəy wəra minti yə jəŋ baymele.»

JOŊRE 18:6

Səma gə Ziwifiŋ gargaŋ tiinu də awəy, yə əsəŋ bə sərtu gəm. Pol asaŋ kəya, wə gəznəy tərwə də dəməəmə nuutuŋ diri na, wə wəətənəy minti: «Aŋ ɗeŋ ne a bese wəra bay ɗe sar Pepeŋ, haa kel nəəti faɗi! Kel katən paapa ada pəda. Dər hebkənaŋa, ten hare dərən máŋ bə waate kela haa a kaa gə minti teŋ paapa gə Ziwifi baŋ.»

ROMEŊ 2:16

Kar gə minti ten wəətənəy səməy haa kənaŋ ɗe a veɗe wəra anə pəɗaki də hi bə minti Pepeŋ he bə jeme kəəti də kaŋ, haa Yeesu Kristu. Də hi toŋ ateŋaŋ, Pepeŋ kay gud kel neete gə metə-mete gə minti yə bə ɗikiya ku tərməyiŋ yaŋ wəra. Kel teŋ gə tapə-tepe də *Kel pəsaŋ kəmarwaŋ gə minti ten haa bə wəətiya wəraŋ.

ROMEŊ 2:5

Gud tete nəmtiŋa daana minti tam bele ke kum wəra cəərə baymele nəmtiŋa baŋ, tam bə ɗampe cəərəma haa daŋgay mooto-mooto də minti ɗe a jəm yaŋ dər hi bə minti Pepeŋ ge gud waŋ nuutuŋ yaŋ wəraŋ, daana wə jeme kəəti də kaŋ yaŋ a kuɗuŋa faɗiŋ.

II PIYER 2:6

Pepeŋ jəŋ daŋgay də vil də Sodom daana də Gomor gəm. Wə kuŋ vil taŋ wəra, wə kolna wəra koroy. Wə jəŋ teŋ haa bə ge dər kaa gə minti paapa bə de haa də ku Pepeŋ baŋ minti kel teŋ tuuki yaŋ ciiri gəm.

II PIYER 2:9

Aŋ asaŋ ne, kaa gə minti bə ɗe haa də ku Barkaŋ jəəne bə se lasiŋaŋ, wə bə nakə-neke bə humuy warda dərə da daana bə ve kaa gə gul-gulaŋ laki bə ɗe a jəy daŋgay di dər hi bə kəətiŋa.

II PIYER 3:7

Ko bə apəyaŋ də seŋkaŋ də hebkəna ha'aŋ, Pepeŋ bə guluy ciiri də kel nuutu teŋ pa minti tó bə ɗe a ɓəlkəy wəra də cəwaŋ. Wə guluy ciiri hãã də hi bə minti wə bə ɗe a jeme kəəti də kaa kə bay usku kuŋ bə bəsəy wəra.

I ZAŊ 4:17

Jəəne minti bele kə Pepeŋ ɗosoŋ ne wəra giidə áŋa perle'iŋ, áŋ ji yaŋ bay walka tiinu dər hi bə kəətiŋa, gud bə minti áŋ kəna cəərə seŋkaŋa damdi Yeesu ana dege'-dege'i.

ZUDI 1:7

Aŋ golə la kəm paŋ, kaanə Sodom də kaanə Gomor də kaa gə giidə vil gə agəjaŋ dəŋ yaakaŋ kusri bə jəəti dəgləŋa damdi kaa kə digi teŋ ana. Yə əstəŋ də gidiirə kar anə hãy neete faɗi. Gud teŋa ta yə bə se gəəliŋa dər cəwa də bay teweŋa bə ge dər kaŋ keɗe haa minti yə a ji bədoona ana ba.