MARKƏ 3:10 - JAA TƏMARWAŊ

¹⁰ Yeesu waataŋ bədoona haa gud bə minti wə seereŋ kaŋ ablaw tə bə moŋ, kaa gə minti də ɗemeŋ keɗe əsəŋ bə lupi da kar də kumsi da anə faɗ-faɗi minti té bəə la a malte kasi té suru.

MARKƏ 3:10 Iomraidhean Croise

MATIYE 12:15

Bə minti Yeesu əskəŋ kel gə minti kaŋ bə wəətiya cuuru kəyaŋ, wə yaakaŋ ko toŋ wəra faɗi, wə kooroŋ. Kaa kə ablaw kooroŋ guudu faɗi gəm, wə seerteŋ kaa kə ɗemeŋ wəra keɗe'i.

MATIYE 14:14

Bə minti Yeesu bə ve wəra giidə turtiŋaŋ, wə asaŋ kaŋ ablaw gilaŋ, caaca duunu guudi faɗi. Kəya wə seerteŋ kaa kə ɗemeŋ wəra.

MATIYE 14:36

Yə əsəŋ bə jəw kamkama minti wə yəəkəy la bə ɗoote ku dəməəmə nuutu də tanə-tene bəjər-bəjərəŋa təwa faɗi. Kəya kaa gə minti a ɗootənaŋ keɗe seereŋ wəra.

MATIYE 4:23

Kəya Yeesu ɗeeteŋ wəra giidə seŋka də Galileŋa keɗe bə hate kaŋa giidə *kuli bə toose kə kaanə Ziwifiŋa. Wə waatətaŋ *Kel pəsaŋ kəmarwaŋ wəra cəərə *Kumna kə Pepeŋa. Wə seerteteŋ kaa kə ɗemeŋ daana kaa kə dagtə-dagteŋ wəra keɗe gəm.

MARKƏ 5:34

Yeesu waatəna minti: «Tərnənti, de niitiŋ siiriniy ne wəra. Ɗee la kəkaaɓa, jəə la warna də seerə-seere ku ɗeme niiti toŋ na.»

MARKƏ 6:56

A ko muntu muntu mo bə minti wə haŋ ne ada naŋ, anə wəlasiŋ, vil, kuli bə agəjaŋ weryek-weryekiŋ, kaŋ taktaŋ kaa kə ɗemeŋ da bə bi a kay a ko bə tapte na warna bəy-bəy. Kəya yə əsəŋ bə jəw kamkama minti wə yəəkəy la bə ɗoote ku dəməəmə nuutu də tanə-tene bəjər-bəjərəŋa təwa faɗi. Kəya kaa gə minti a ɗootənaŋ keɗe seereŋ wəra.

MARKƏ 8:22

Anə Yeesu tuluŋ giidə wəlasi də Betsaydaŋa. Kaa kəman buunu da də hulum bə bəwə-bəwi, kəya yə əsəŋ bə jəw kamkama minti wə malə kəəsu la suru bə siiru wəra.

LIKI 5:3

Kəya Yeesu luŋ giidə turti kə Simoŋa. Wə waataŋ Simoŋ minti wə zee la warna də tó weseka dər kan na. Kəya Yeesu əsəŋ cin giida bə hate kaŋa.

LIKI 6:19

Kaŋ keɗe golde hel də malte kəəsi suru, gud bə minti səɓaki də seerte kaŋ kalte warda suru da daana a siirtiy ɗeme neeteŋ wəra keɗe.

LIKI 7:2

Kumna də sooto kəsaŋ kəman yaŋ ada. Hulum bə joŋre nuutu bə minti wə bəlu ablaw kasi ɗeme, wə golde bə me.

LIKI 7:21

Dər ko toŋa, Yeesu seereŋ kaŋ wəra ablaw ku gidiirə ɗeme ablaw. Wə pəŋ kəwal wəra ablaw cəərə kaŋa, wə pəŋtəŋ dər kaa kə bəwə-bəwi wəra ablaw gəm.

JOŊRE 5:15

Gud kel gə minti kaa kə vaa-veŋ bə ji kar kə miɗiŋa ha'aŋ, kaŋ əsəŋ bə humti kaa kə ɗeme da warda agəjaŋ də kəkəy da. Yə bi kay a kəɓəra, sirdiŋ a gisiŋa adawra bəy-bəy kir minti Piyer bə kəlaŋ ne, kəsaatərna du gaa la cəərə huluma məna mo to'i.

HEBEREŊ 12:6

Gud maa mo Barkaŋ ji haa daŋgay də hulum bə minti wə bəluŋ, wə witi haa kaa gə minti wə bə asə-ase diiri minti yə karmə toŋ.»