MARKƏ 2:16 - JAA TƏMARWAŊ

¹⁶ Bə minti *kaa kə hate ku gili kə Pepeŋ a kaŋ gə gud kaanə *Farisiyeŋ əsnu anəkay bə hame də kaa kə tope lambaŋ daana kaa kə jəəti baymeleŋ, yə əsəŋ bə waate kaa gə guuduŋa faɗi minti: «Ana wə hame də gom də kaa teŋ haa naanaanə mo?»

MARKƏ 2:16 Iomraidhean Croise

MATIYE 18:17

Jəəne minti wə doŋ haa bə doy kuy baŋ, ɗee la a waate kaa kə Tapiŋ cuuru. Wə doŋ ku kaa kə Tapiŋ bə paŋ, gulu la máŋ haa damdi wə hulum bə bay de ana, damdi *hulum bə tope lamba ana gəm.

MATIYE 5:46

Aŋ jəəne bə bele kaa gə minti bə baləŋa təwaŋ, aŋ fele haa werke muntu pə mo? Koo *kaa kə tope lambaŋ, kaa kə bayməlaŋ, yə bə jəəti kel teŋa bədoona gəm.

MATIYE 9:11

Bə minti kaanə *Farisiyeŋ asaŋ kel teŋ kəyaŋ, yə əsəŋ bə waate kaa gə guuduŋa faɗi minti: «Hulum bə hataŋ hame də kaa kə tope lambaŋ də kaa kə bayməlaŋ haa naanaanə mo?»

MARKƏ 2:15

Bə minti Yeesu bə hame ger Leviŋ, kaa ablaw əsəŋ bə hame sar *kaa gə guuduŋa duuru keɗe. Kaa teŋ haa anə *kaa kə tope lambaŋ daana kaa kə jəəti baymeleŋ. Yə ablaw, yə bə ɗeete guudu gəm.

MARKƏ 2:7

«Ana hulum toŋ waate kel teŋ haa naanaanəŋa? Wə sarte sam Pepeŋ! Pepeŋ məna aye vəəgi bə giidu cəərə baymeleŋa haa tó. Mindi baalaŋ neke pə mo?»

LIKI 18:11

Hulum bə Farisiyeŋ faŋ apəya, wə bə toose gal giidu minti: ‹O Pepeŋ, ten jəm suuse cəərə kel gə minti ten paapa akas kaa kaayaŋa ana baŋ. Yə kaa kə dəgaaya, yə kaa kə bayməlaŋ, kaa kə piwpiw daana pa ten paapa akas hulum bə tope lamba toŋa gila ana bə gəm.

LIKI 19:10

Bədoona ana, *Kormə Hulúm bəŋ a golde daana a seere kaa gə minti a lenteŋ wəraŋ.»

LIKI 19:7

Kaa gə minti asaŋ kel teŋ keɗeŋ, yə əsəŋ bə ŋorme kuya bə waate minti: «Hulum toŋ ɗeŋ a hi haa ger hulum bə baymeleŋa!»

LIKI 5:30

Kaanə *Farisiyeŋ də *kaa kə hate ku gili neeteŋ, kel teŋ duuni diri ba. Yə ŋormoŋ kuy sar *kaa gə gud Yeesuŋa minti: «Aŋ təpaŋ bə hame, bə se, də kaa kə tope lambaŋ daana kaa kə jəəti baymeleŋ haa naanaanə mo?»

JOŊRE 23:9

Awəy əntəŋ gərləŋ aduubə diya. Sərdə *kaa kə hate ku gili kə Pepeŋ gə gud kaanə Farisiyeŋ pətəŋ apəya, yə əsəŋ wəra də səɓaki bə de haa ba, yə minti: «Hulum toŋ gila, kel kə bayməlaŋ paapa suru anə weseki kir minti áŋ jəw gəbaŋ la ciiri ba. Áŋ asaŋ də maa mo? Ɗalba wəətunu kel teŋ haa kəwal mo, hulum bə digi kə Pepeŋ mo, hulum asaŋ ba.»

I KOREŊTƏŊ 2:15

Hulum bə minti Tiirə Pepeŋ duuruŋ neke bə gole dər kar keɗe bə əsəy disi diŋ, səma kaa kaayaŋ paapa gə nakə-neke bə jəmu kəəti du ba.

HEBEREŊ 12:3

Aŋ ɗəkə la haa cəərə hulum tó bə minti, də kel kə bayməlaŋ gə minti kaŋ juunu diiriŋ gila keɗeŋ, wə teŋeŋ duru, kir minti aŋ a yaake kusrəŋ bə dere hora hãã bə minti gəraŋ dəŋ lawɗə la wəra ba.