MARKƏ 16:16 - JAA TƏMARWAŊ

¹⁶ Hulum bə minti doŋ ne daana yə juunu batem neŋ, wə seere yaŋ wəra. Hulum bə minti doŋ baŋ, kəəti kə Pepeŋ daw yaŋ.

MARKƏ 16:16 Iomraidhean Croise

MATIYE 28:19

Bədoona ta, aŋ ɗee la wəra sar gidiirə kaŋa keɗe, aŋ kuluy la wəra kaa kə guudən, aŋ jəy batem la də sam Abaŋ, də sam Kurmuyuŋ, də sam Tiiru Cetcetaŋ,

MARKƏ 1:15

minti: «Hitiŋ doŋ ku ne wəra. Hebkəna haa ko bə minti Pepeŋ maŋ bə hame kumna nuutuŋ duruŋ. Aŋ kolə kerkeŋ la a baymele nəətiŋ, aŋ doo la gud Kel pəsaŋ kəmarwaŋ kə Pepeŋa.»

LIKI 8:12

Sərdə duru gə minti vaŋ agəjaŋ də kəkəyaŋ, haa kaa gə minti iski kel kə Pepeŋ. Səma Nərtitiŋ bi a humuy kel té gə minti a vaŋ tərməyiŋ wəra bə hay kuy wəra bay de, minti yə a fele seereŋ ba.

Kel pəsaŋ kəmarwaŋ gə minti Zaŋ jiiriniy 20:31

Miɗi bə minti kel də toŋ a wəra gə jeerə-jeereŋ, ten jiirunu haa minti aŋ kolə la bə de gud Yeesu minti wə haa Kristu, *Hulum bə minti Pepeŋ ŋəmnuŋ, wə haa Kormə Pepeŋ, daana minti aŋ doŋ ne guuduŋ, aŋ falə dədərgəŋ la də səmuŋ.

Kel pəsaŋ kəmarwaŋ gə minti Zaŋ jiiriniy 3:36

Hulum bə minti doŋ kel kə kurmuyuŋ neŋ, toŋ fəlaŋ dədərgə də bay teweŋ ne. Hulum bə minti humuŋ kosoŋ cəərə kel kə kurmuyuŋa baŋ, wə fele dədərgə taŋ ba, waŋ kə Pepeŋ ji cuuru saksaki.»

Kel pəsaŋ kəmarwaŋ gə minti Zaŋ jiiriniy 3:5

Wə minti: «Gəəzi, gəəzi, ten waatam, jəəne minti kan də Tiirə Pepeŋ haraŋ bə we huluma baŋ, wə neke bə kele a Kumna kə Pepeŋa ba.

Kel pəsaŋ kəmarwaŋ gə minti Zaŋ jiiriniy 5:24

Gəəzi, gəəzi, ten waataŋ, hulum bə minti iski kel gə minti ten wəətəy, wə doŋ ne gud Barən bə minti gaanan daŋ gəm, hulum toŋ fəlaŋ dədərgə də bay teweŋ ne wəra ɗaw. Kəəti daw pəda, wə cakɗaŋ da ne warda cəərə meŋ da, wə máŋ wəra a dədərgəŋa ɗaw.

Kel pəsaŋ kəmarwaŋ gə minti Zaŋ jiiriniy 6:29

Wə hərnəy di minti: «Joŋre bə minti Pepeŋ bele minti aŋ jəw laŋ haa minti aŋ doo la guudəna, ten bə minti wə gaanan daŋ.»

Kel pəsaŋ kəmarwaŋ gə minti Zaŋ jiiriniy 6:35

Yeesu wəətənəy minti: «Ten kəna hame bə minti aye dədərgəŋ a kaŋ. Hulum bə minti bəŋ da ne sarən daŋ daana wə doŋ ne guudənaŋ, tay ɗəmu hõy ba, kinkin daw hõy bə gəm.

Kel pəsaŋ kəmarwaŋ gə minti Zaŋ jiiriniy 6:40

Bədoona ana, karman bə minti giidə Barən bəluŋ haa minti, mindi mindi mo asaŋ ten kurmuyuŋ neŋ daana doŋ ne guudənaŋ, wə falə dədərgə də bay teweŋ la, daana ten həru la wəra dədərgə adordə meŋa dər hi bə adoroŋa.»

Kel pəsaŋ kəmarwaŋ gə minti Zaŋ jiiriniy 8:24

Ten a waatənaŋ wəra minti aŋ bə me wəra də baymele nəətiŋ cəərəŋa haa sə teŋ. Jəəne minti aŋ doŋ minti ‹*ten kəna ten› baŋ, aŋ bə me yaŋ wəra də baymele nəətiŋ cəərəŋa.»

JOŊRE 10:43

*Kaa kə jogte ku mini kə Pepeŋ keɗe waataŋ kel cuuru haa a kəkəy bə minti yə waataŋ minti: gud səɓaki də sam Yeesu, mindi mo bə minti doŋ ne guudu fele vəəgə bə giidu cəərə baymele nuutuŋa.»

JOŊRE 13:46

Kəya anə Pol daana Barnabasi əsəŋ bə wəətiya wəra bay kan diri minti: «Gəəzi, kel gə minti bəŋ sar Pepeŋ daŋ, a doŋ kir waate acekjew haa a nəənəŋ kəm ɗaw. Səma aŋ bəlaŋ de gud kel teŋa ba daana aŋ bə jeme kəəti də kusrəŋa wəra minti aŋ paapa kaa gə nakə-neke bə fele dədərgə də bay teweŋ ba. Gud teŋa ta, are yaakənaŋ ne, are hare dər are máŋ kəm cəərə kaayaŋ gə minti teŋ paapa gə Ziwifi baŋ bə wəətəy kel kə Pepeŋa ta.

JOŊRE 2:38

Kəya Piyer hərnəy kel minti: «Aŋ kolə kerkeŋ la a baymele nəətiŋ. Mindi mindi mo ayə kusru la kir minti yə jəw batem la wəra də sam Yeesu Kristu, kir minti Pepeŋ vəəgə giidu la wəra cəərə baymele nəətiŋa. Bədoona ana, Pepeŋ ayaŋ karman yaŋ boobo, haa Tiiru Cetcetaŋ.

JOŊRE 2:41

Kaayaŋ gə minti doŋ gud kel kə Piyera, yə jiiniy batem wəra. Dər hi toŋa ateŋa, kaa gə minti doŋ guudu, yə ɗe kampar guɓ-guɓi soope. Yə vəənəy ku kaa kə doo-deŋa ada.

JOŊRE 22:16

Bə hebkənaŋ, tam bə mi kəm haa səm pə mo? Faa la apəya, jəə batem la wəra daana də səɓaki kə sam Barkaŋ, baymele nəmtiŋ baadə la wəra.›

ROMEŊ 3:6

Paapa bədoona ba anə ceki gəm! A jəə la minti Pepeŋ paapa ɗeker baŋ, wə bə ɗe a jeme kəəti də kaa gə cəərə seŋkaŋ hõy naanaanə pə mo?

ROMEŊ 4:24

Yə gə jeerə-jeere haa a áŋ gəm, áŋ gə minti Pepeŋ kole áŋ duru ɗeker gud bə minti áŋ doŋ gud tó Pep bə minti haraŋ Yeesu Barkaŋ náŋ wəra dədərgə adordə meŋaŋ.

II TESALONIKIŊ 1:8

Wə bi haa dər cəwa də do'ə-do'e hərhəra bə bi a lese kaa gə minti a bəlaŋ ase Pepeŋ ba, gə minti bəyaŋ *Kel pəsaŋ kəmarwaŋ gə waate sam Barkaŋ náŋ Yeesu wəraŋ gəm.

II TESALONIKIŊ 2:12

Wə ji teŋ bədoona haa kir minti kaa gə minti doŋ gud gəəziŋa baŋ, gə minti waalaŋ haa gud kel kə gul-gulaŋaŋ ɗaw, kəəti nuutuŋ doy la.

I PIYER 1:21

Gud Kristu tə bə moŋ, aŋ doŋ gud Pep bə minti hərnu wəra dədərgə adordə meŋa daana bə minti əynu tokɗeŋ. Bədoona ana, de nəətiŋ daana ɗiki dəŋ wəra bə malə-mele cuuru.

I PIYER 3:21

Kan té gə minti yə seereŋ diri daŋ, ge dər haa cəərə batema. Baade bə minti tam fəlu a ji bə batema ha'aŋ, toŋ paapa bə baadam zodi bə səram wəra ba. Wə haa bə ge dər minti hulum bə doo-deŋ haa ɗiki du wəra bay kel tiinə Pepeŋa, bə aye kusru a ɗe bə guuduŋa. Kel teŋ nəkaŋ bə ji wəra keɗe haa gud bə minti Yeesu Kristu haraŋ wəra dədərgə adordə meŋa.

VEƊE 20:15

Mindi mindi mo bə minti səmu paapa bə jeerə-jeere giidə kefter bə dədərgəŋa baŋ, yə gəənu dərə gəm.

VEƊE 21:8

Kə kaa gə minti gəgan-gəgani a de neeteŋaŋ, gə bay deŋ, gə jəəti kel kə zeɓə-zeɓeŋ, gə minti awtaŋ titiŋ, gə booboŋ, gə jəəti zal, gə ke awalna a kar gə minti yə guluy pepe neeteŋ, daana gə ŋete kel keɗe, yə bə vay yaŋ a daŋgaya a ko bə cəwa də sufrə hərhəraŋa, haa me bə ɓasiŋ.»