MARKƏ 13:9 - JAA TƏMARWAŊ

⁹ Aŋ teŋ ha'aŋ, aŋ jəə la wəra gə gunə-guni cəərə kusrəŋa gəm. Yə bə ayaŋ yaŋ warna a ko bə jeme kəəti na, yə bə wətəŋ yaŋ giidə *kuli bə toose kə kaanə Ziwifiŋa gəm. Yə bə mantətaŋ yaŋ warna tiinə kaa kə dəməəməŋ na daana tiinə kəkamnaŋ na gud kel dəna. Aŋ ji kəmnə də kəkəy də kel katən wəra a niini haa də ko toŋ faɗi.

MARKƏ 13:9 Iomraidhean Croise

MATIYE 5:22

Səma, ten waataŋ nin haa minti hulum bə minti koloŋ waŋ ne sar kumsuŋaŋ, kəəti kirka jeme cuuru. Hulum bə minti waataŋ kumsuŋ ne minti: ‹Han!›, wə kirka a ɗe tiinə *kaa kəmtəŋ gə jeme kəəti kə kaanə Ziwifiŋa. Hulum bə minti waataŋ kumsuŋ ne minti: ‹Mələr!›, wə kirka a ɗe dər cəwa də bay teweŋa.

MARKƏ 1:44

Wə a wəətunu wəra waata kəm minti: «Doo kusrum la, a waate hulum cəərə kel gə minti jəŋ sarəmaŋ ba anə ceki. Səma ɗee la a veɗe kusrum haa a *hulum bə keere Pepeŋ, jəə kar gə minti *Moyisi a wəətənəy səməy bə ji poore bə kaŋ la, kir minti yə asə la wəra minti tam bə seerə-seere.»

MARKƏ 13:5

Kəya Yeesu wəətənəy minti: «Aŋ jəə la wəra gə gunə-guni kir minti hulum a ləŋaŋ wəra ba.

MARKƏ 13:8

Aŋ bə ase gidiirə kaa yaŋ bə piti cəərə gidiirə kaa gaalaŋa, seŋka mooto cəərə daalaŋ mooto gəm. Anə miirti bə seŋkaŋ daana tay bə jəəti yaŋ ta'-ta'i a koŋa. Kel teŋ gə ŋarə-ŋere haa də gəəli bə minti həlgəŋ fəlu a kəkəy bə minti a ɗele weŋ.

MARKƏ 6:11

Jəəne giidə seŋka kəmana minti kaŋ bəlaŋ doŋ irku dəŋ ba, kumundu ba yə bəlaŋ jeɓreŋ kel nəəti baŋ, aŋ yaakə vil taŋ la, aŋ po'ə tərwə də kamparaŋ la wəra bə ji bar kəkəy wəra minti yə jəŋ baymele. Bədoona ana kel teŋ gay diri yaŋ wəra minti yə jəŋ haa baymele.»

LIKI 9:5

A ko muntu mo keɗe bə minti kaŋ bəlaŋ doŋ irku dəŋ baŋ, aŋ yəəkəy kuli neeteŋ la. Bə minti aŋ ɗəlaŋ ne bə kooreŋ, aŋ po'e tərwə də kampəraŋ la wəra bə ji bar kəkəy wəra minti yə jəŋ baymele.»

Kel pəsaŋ kəmarwaŋ gə minti Zaŋ jiiriniy 15:20

Aŋ harə la bə ɗiki cəərə kel gə minti ten a waatənaŋ dəŋ minti ‹Hulum bə joŋreŋ deŋe burduŋ baŋ.› Kaŋ lasnan daana yə bə ləsaŋ yaŋ gəm. Jəəne minti yə humuŋ kosoŋ cəərə hate katəna, yə bə humi kosoŋ yaŋ cəərə nəətiŋa gəm.

Kel pəsaŋ kəmarwaŋ gə minti Zaŋ jiiriniy 16:2

Yə bə aŋkaŋ adəwaldə kaa gə giidə *kuli bə toose kə kaanə Ziwifiŋa pəda. Ko kəman bə neke yaŋ minti kaa gə minti awaŋ, ɗiki neeteŋ haa minti té bə ke haa awalna a Pepeŋ də kel teŋ.

JOŊRE 21:11

Wə bəŋ sar are kəyaŋ, wə humuŋ santir kə Pol, wə əsəŋ bə ənti kuurə kəmpuru də kəəsu duuru. Wə minti: «Waate kel teŋ haa kənaŋ Tiiru Cetcetaŋ minti: hulum bə minti santir nuutuŋ kay kənaŋ, kaanə Ziwifi gə Zeruzalem ɗe a untu bədoona ana gəm. Adoro yə əyu kasi kaa gə minti teŋ paapa gə Ziwifi baŋ.»

JOŊRE 7:54

Də ko bə minti *kaa kəmtəŋ gə minti jeme kəəti kə kaanə Ziwifiŋ əskəŋ kel teŋ kəyaŋ, yə hoptoŋ anə lam-lam kas waŋ cəərə Etiyena, yə əsəŋ nuutu bə herɗe kisni anə gil-gil-gil.

JOŊRE 9:16

Ten də kusrən, ten bə gaw duru yaŋ cəərə lasi də minti wə bə saara yaŋ gud səmanaŋ keɗe.»

FILIPIŊ 1:29

Gud maa mo, cəərə kel də Kristu ha'aŋ, Pepeŋ aynaŋ kəkəy paapa minti aŋ doo la guudu təwa ba, səma minti aŋ lasə la guudu gəm.

II TESALONIKIŊ 1:5

Kel teŋ ge dər wəra minti jeme bə kəəti kə Pepeŋ ɗeker. Gidiirə gəəli gə minti aŋ bə fəluŋ koloŋ dər Pepeŋa gə nakə-neke bə ve a kumna nuutu tó bə minti aŋ bə se lasiŋa gud kel duŋ haa té.

II ZAŊ 1:8

Gud teŋa aŋ amə kusrəŋ la pisi kir minti aŋ a bese pisi bə gud joŋre nəətiŋ wəra ba, səma aŋ falə werke duŋ la wəra keɗe ɗaw.

VEƊE 1:9

Kəna ten seeneŋ Zaŋ. Gud tapi náŋa də Yeesuŋ, ten haa kumsəŋ bə minti giidə *Kumna kə Pepeŋa gəm, ten bə se gəəliŋa daana ten bə mi ku damdi aŋ ana gəm. Yə gaanan warna cəərə ajomga də Patmosi na haa gud bə minti ten a waataŋ kel kə Pepeŋ wəra daana kel gə minti Yeesu a jəŋ bar kəkəy ciiriŋ wəra a kaŋ.

VEƊE 2:10

Aŋ a ji walka kas lasi də minti aŋ bə saara yaŋ palpal ba. Golə la, Nərtitiŋ bə feke sərdəŋ yaŋ a daŋgaya bə goloŋ koɗoŋ, aŋ bə se lasi yaŋ kir hiti hori. Aŋ əsə la ɓeti jəəne nuutu minti yə awaŋ, kəya ten ayaŋ werke bə bulum yaŋ, werke toŋ haa dədərgəŋ.

VEƊE 2:13

Vil də minti aŋ gə əsə-isi adaŋ yaŋ nuutu də dərən, haa vil də minti *Sataŋ də əsə-isi kumna ada gəm. Səma aŋ əsəŋ ŋəŋ gə tapə-tepe dəərən, aŋ maltaŋ kuŋ cəərə de nəəti bə guudən ba, koo nuutu bə minti yə awaŋ Antipasi, bərdə kəkəy katən ɓetiŋ wəra gerdəŋa, a ko bə minti Sataŋ də əsə-isi kumna adaŋ.