MARKƏ 13:6 - JAA TƏMARWAŊ

⁶ Gud maa mo kaa ablaw piti yaŋ bə ji kusri damdi té kəna ten ana. Mindi mindi mo bə waate yaŋ minti tó kəna *Hulum bə minti Pepeŋ ŋəmnuŋ! Kəya yə laŋte kaa yaŋ wəra ablaw faɗi.

MARKƏ 13:6 Iomraidhean Croise

MATIYE 24:11

Kaa ablaw ji kusri yaŋ damdi té *kaa kə jogte ku mini kə Pepeŋ ana, yə bə piti yaŋ apəya bə laŋte kaŋa wəra ablaw.

MATIYE 24:5

Gud maa mo, kaa ablaw piti yaŋ bə ji kusri damdi té kəna ten ana. Mindi mindi mo bə waate yaŋ minti tó kəna Kristu, *Hulum bə minti Pepeŋ ŋəmnuŋ! Kəya yə laŋte kaa yaŋ wəra ablaw faɗi.

MARKƏ 13:22

Gud maa mo, kaa gə minti bə ji kusri yaŋ minti té kəna Kristu, Hulum bə minti Pepeŋ ŋəmnuŋ, kumundu ba *kaa kə jogte ku mini kə Pepeŋ, bə pəəti diri yaŋ ablaw. Yə jəəti kar gə ŋili kaa yaŋ bə ge dər minti haa də səɓaki kə Pepeŋ, daana yə jəəti miɗi yaŋ gəm kir minti té sə a nakə laŋ, kaa gə minti Pepeŋ ŋəmnəy wəra a kusruŋ, té sə a ləŋəy wəra.

MARKƏ 13:5

Kəya Yeesu wəətənəy minti: «Aŋ jəə la wəra gə gunə-guni kir minti hulum a ləŋaŋ wəra ba.

MARKƏ 13:7

Aŋ bə əskiti sam anə duuriŋ də saraŋ máŋ-máŋiŋ daana nayto too-too-to'iŋ yaŋ gəm. Aŋ a jeme walka ba, gud maa mo kel teŋ kir ji, səma paapa kəm tewe də koŋ faɗi ba.

Kel pəsaŋ kəmarwaŋ gə minti Zaŋ jiiriniy 5:43

Ten bəŋ haa kir kasi Barən, aŋ doŋ haa minti ten a ji sarəŋa ba. Ana doloy ha'aŋ, hulum baalaŋ bəŋ ne sarəŋa bə bi a waataŋ dər kel nuutuŋ, aŋ de haa də toŋ sarəŋa səma!

Kel pəsaŋ kəmarwaŋ gə minti Zaŋ jiiriniy 8:24

Ten a waatənaŋ wəra minti aŋ bə me wəra də baymele nəətiŋ cəərəŋa haa sə teŋ. Jəəne minti aŋ doŋ minti ‹*ten kəna ten› baŋ, aŋ bə me yaŋ wəra də baymele nəətiŋ cəərəŋa.»

Kel pəsaŋ kəmarwaŋ gə minti Zaŋ jiiriniy 8:28

Kəya wə wəətənəy minti: «Aŋ bə gəɓaŋ ten *Kormə Hulúm ne wəra apəya, aŋ bə ase yaŋ minti ‹ten kəna ten› daana minti ten ji karman bay cəərən ba. Ten waate haa kel gə minti Barən a hatnan dən wardaŋ faɗi.

I ZAŊ 4:1

Aŋ gə minti giidən bəlaŋ ablaw, aŋ a tope haa gud kaa gə minti waate minti Tiirə Pepeŋ giidə teŋ anə cəlam-cəlam faɗi ba. Səma aŋ guluy kuɗiy la wəra kəm, bə ase minti diiri haa nuutu Tiirə Pepeŋ gəəzi mo, paapa mo. Ten waataŋ bədoona haa gud bə minti *kaa gə jogte ku mini ablaw gə ceme teteŋ yaŋ wəra gə duusə-duusi giidə seŋkaŋa.