MARKƏ 13:11 - JAA TƏMARWAŊ

¹¹ Bə minti yə humnuŋ ne bə ɗe a ko bə kəətiŋaŋ, aŋ a yaake ku tarməyaŋ bə ceme wəra minti aŋ ɗe a waate kəna minti harmə moŋ, ba. Aŋ koloŋ ne warna ada naŋ, aŋ waatə la haa kel gə minti Pepeŋ bə ayaŋ dəŋ faɗi. Gud maa mo aŋ bə waate kel haa paapa bay cəərəŋ ba, Tiiru Cetcetaŋ bə ayaŋ hel də hərəy haa tá.

MARKƏ 13:11 Iomraidhean Croise

MATIYE 10:17

Aŋ amə kusrəŋ la pisi gud minti kaa kəman bə ayaŋ yaŋ warna a ko bə jeme kəəti na, yə bə wətəŋ yaŋ giidə *kuli bə toose neeteŋa.

MARKƏ 13:12

Seenə hulum derra'iŋ bə əyu yaŋ wəra a kaa kəman minti yə əwu la wəra, koo bar beebeŋ bə ji duuru haa bədoona gəm. Kəmar koncoŋ bə kole kuy yaŋ wəra cəərə kəmniŋa, yə bə jəy kel di yaŋ minti yə əwəy la wəra gəm.

MARKƏ 13:9

Aŋ teŋ ha'aŋ, aŋ jəə la wəra gə gunə-guni cəərə kusrəŋa gəm. Yə bə ayaŋ yaŋ warna a ko bə jeme kəəti na, yə bə wətəŋ yaŋ giidə *kuli bə toose kə kaanə Ziwifiŋa gəm. Yə bə mantətaŋ yaŋ warna tiinə kaa kə dəməəməŋ na daana tiinə kəkamnaŋ na gud kel dəna. Aŋ ji kəmnə də kəkəy də kel katən wəra a niini haa də ko toŋ faɗi.

LIKI 21:12

Səma, ajew də kar teŋa keɗeŋ, yə topoŋ yaŋ, yə ləsaŋ yaŋ, yə bə taɗtaŋ yaŋ warna ku kəətiŋ na giidə *kuli bə toose kə kaanə Ziwifiŋ na, yə fəkaŋ yaŋ a daŋgaya, yə ɗe yaŋ dəərəŋ tiinə kaa kə dəməəməŋ na, keɗe haa gud səmana.

Kel pəsaŋ kəmarwaŋ gə minti Zaŋ jiiriniy 3:27

Wə hərnəy kel minti: «Hulum nəkaŋ bə he kel a kusru anə faɗi bay Pepeŋ əyu du ba.

JOŊRE 2:4

A ko toŋa kəya, Tiiru Cetcetaŋ kaltaŋ giidi, a ɗustiniy wəra keɗe. Kəya yə əsəŋ bə waate ku kaa gaalaŋa, damdi Tiiru Cetcetaŋ a waataŋ hulum toŋ ne minti wə waatə ku kaa té la kəya anaŋ.

JOŊRE 3:13

Paapa! A kəkəy bə ji kel teŋa ha'aŋ, Pep kə *Abraham, kə *Izakiŋ, kə *Zakopiŋ, kə moomo də áŋ gəm, vəɗaŋ boblo kə Yeesu, hulum bə joŋre nuutuŋ, wəra a áŋ. Aŋ faɗi, aŋ əynu a kəkamnaŋ kə kaanə Ziwifiŋ, daana aŋ bəynu wəra tiinə *Pilata də ko bə minti wə a ɗəkəŋ minti tó yəəku.

JOŊRE 4:31

Də ko bə minti yə ɗeŋ a tewe tooseŋ kəyaŋ, ko bə minti yə a təpaŋ ciiri laki adaŋ miiriŋ wəra ŋiɗ-ŋiɗ-ŋiɗi. Kəya Tiiru Cetcetaŋ ɗustiniy wəra keɗe, yə əsəŋ bə waate kel kə Pepeŋa máŋ wəra bay walka.

JOŊRE 6:10

Səma Tiiru Cetcetaŋ ayaŋ ase wəra a Etiyen bə hərəy kel. Yə máŋ də kusri kəyaŋ, kel neeteŋ paapa bə he karmana anə pələki suru pəda.

JOŊRE 6:15

Kəya kaa gə minti a jəŋ cin-cin a tepe kə kaa kəmtəŋ gə jeme kəəti kə kaanə Ziwifiŋa keɗeŋ, əsəŋ bə gole Etiyena tew-tew-tew. Yə ɗeŋ a ase ha'aŋ, duru koloŋ damdi kə *hulum bə digi kə Pepeŋ ana.

JOŊRE 7:55

Səma Etiyen bə ɗosə-ɗose də Tiiru Cetcetaŋ tə pə moŋ, wə haŋ duru apəya bə gole tarmə pepeŋa tew-tew-tew. Wə ɗe a gole ha'aŋ, pəɗaki kə Pepeŋ apəy da ta'i daana Yeesu sə kampa gil sar Pepeŋa a kəəsu kemera.

I KOREŊTƏŊ 2:13

Are waate sam kar teŋ wəra ha'aŋ, paapa də kel gə minti kaa kəsarkaŋ hətəy də ase neeteŋ ba. Are wəətəy səməy haa də kel gə minti Tiirə Pepeŋ hətəy a areŋ. Bədoona ana ta, are tope bəlam də kar gə minti a tiiruŋaŋ haa də kel gə minti bəŋ ku Tiiruŋ daŋ gəm.

EFESIŊ 3:5

Pepeŋ a gaana guudə warda a kaa kə dayday damdi wə gaana guudə wəra hebkəna də Tiiruŋ a *kaa cetceti gə vaa-veŋ daana gə jogte ku mini nuutuŋ ana ba.

ZAKI 1:5

Jəəne minti hulum kəman yaŋ adəwaldəŋa minti hel də zuuri kel kirpunuŋ, wə mantəta la kasi Pep bə minti aya wəra anə hóy a kaŋ keɗe bay gəbaŋ adaŋ.

I PIYER 1:12

Pepeŋ vəɗnəy kel wəra minti, kel gə minti yə bə wəətiya ha'aŋ, yə ɗe a ji diri ba, səma yə haa kel nəəti. Kaa gə minti bə waate *Kel pəsaŋ kəmarwaŋa hebkənaŋ, yə waatənaŋ kel teŋ wəra. Yə wəətənəy haa paapa də səɓaki neete ba, yə wəətənəy haa də səɓaki kə Tiiru Cetcetaŋ də minti bəŋ apəy daŋ. *Kaa kə digi kə Pepeŋ də kusri bə golde haa minti té asə gud kel teŋ la gəm ɗaw.