MARKƏ 12:6 - JAA TƏMARWAŊ

⁶ Hulum yaakaŋ máŋ haa məna bə minti wə gaw, haa kurmuyu bə minti giidu bəlu ablaw faɗi gəm. Kəya wə gəənəy di na də ɗikiŋ minti: ‹Máŋ haa kormon tə kəm, yə humi kosoŋ yaŋ cəərə toŋa.›

MARKƏ 12:6 Iomraidhean Croise

MATIYE 1:23

Kel teŋ haa minti: «Tər tew bə he məənə yaŋ. A bə we korməya yaŋ, yə bə məlu səmu yaŋ minti Emanuwel, gud sam toŋ haa minti Pepeŋ də áŋ.»

MATIYE 11:27

Kəya Yeesu əsəŋ bə waate kaŋa minti: «Barən aynan kar wəra keɗe. Hulum anə məna asaŋ minti Kormə Pepeŋ haa mindi mo ba; əsnu ha'aŋ Abaŋ ɗaaməna. Hulum asaŋ minti Abaŋ haa mindi mo ba; əsnu ha'aŋ Kurmuyuŋ ɗaaməna daana hulum bə minti Kurmuyuŋ bele vəɗu du wəraŋ.

MATIYE 17:5

Də bə minti Piyer kəm bə waate kelaŋ, aŋolooro kəman gə welɗe kulɓiniy wəra. Kəya Pepeŋ waataŋ kel da ada minti: «Haa kormon, giidən bəlu ablaw, ten də waale ablaw guudu gəm. Aŋ jiɓru ku la pisi!»

MATIYE 26:63

Yeesu nuutu ba'-ba'i. Kəya kumna bobloŋ haraŋ bə law ku pa minti: «Ten waatam, tam kele kum yaŋ də sam Pep bə dədərgəŋ bə waate are minti tam haa *Hulum bə minti Pepeŋ ŋəmnuŋ, Kormə Pepeŋ mo?»

MATIYE 3:17

Kaŋ əskəŋ dordə Pepeŋ bə waate də apəy da minti: «Haa kormon, giidən bəlu ablaw. Waaleŋ don wəra anəkay haa guudu.»

MARKƏ 1:11

Kəya kaŋ əskəŋ dordə Pepeŋ bə waate də apəy da minti: «Tam haa kormon, giidən bəlam ablaw, waaleŋ don wəra anəkay haa guuduma.»

MARKƏ 12:5

Wə haraŋ bə gay hulum bə soope na pa. Yə ɗeŋ a de toŋ kəyaŋ, yə əwnu wəra pampəraŋ. Kəya wə raawaŋ nuutu bə feke kaa kə joŋre gaalaŋ na a niini. Yə lətaŋ sirdiŋ lete, yə awtaŋ sirdiŋ wəra awte gəm.

MARKƏ 12:7

Kəya wə gəənu faɗi. Səma bə minti kaa kə gole cəərə akaŋ əsnu bə ɗe da kay daŋ, yə minti: ‹Caw daŋ haa pur bə minti bə ɗe a he akaŋ a gubliŋaŋ. Aŋ bəəda, áŋ əwu la wəra, akaŋ bə yaakə la máŋ kir kasi áŋ!›

MARKƏ 9:7

Kəya aŋolooro kəman kulɓiniy wəra, Pepeŋ waataŋ kel da ada minti: «Haa kormon, giidən bəlu ablaw, aŋ jiɓru ku la pisi!»

LIKI 3:22

Tiiru Cetcetaŋ damdi abaaku ana sorkoŋ cuuru da faɗi. Kaŋ əskəŋ dordə Pepeŋ bə waate da apəy da minti: «Tam haa kormon, giidən bəlam ablaw. Waaleŋ don wəra anəkay haa guuduma.»

LIKI 9:35

Pepeŋ waataŋ kel da ada minti: «Haa kormon bə minti ten ŋəmnu. Aŋ jiɓru ku la pisi!»

Kel pəsaŋ kəmarwaŋ gə minti Zaŋ jiiriniy 1:14

‹Kel kə Waateŋ› koloŋ wəra hulum kisirki. Hulum toŋ a jəŋ aduubə də are, are asaŋ boblo nuutu də dər are. Boblo toŋ wə fulnu haa kasi Buru, gud minti wə haa kurmuyu tó ɗaaməna'iŋ faɗi. Pisi bə minti wə jəw sar kaŋaŋ də anə kel gə gəəzə-gəəziŋ, wə wəra bə ɗosə-ɗose duuru.

Kel pəsaŋ kəmarwaŋ gə minti Zaŋ jiiriniy 1:18

Hulum asaŋ Pep Abaŋ hõy ba anə hasi. Kurmuyu ɗaaməna'i bə minti Pepeŋ gadi faɗiŋ bə minti bə əsə-isi saksaki sar Buruŋ, vəɗnu wəra a áŋ haa tó.

Kel pəsaŋ kəmarwaŋ gə minti Zaŋ jiiriniy 1:34

Ten də kusrən, ten asaŋ kel teŋ, gud teŋa ta, ten waate wəra anə kaŋkaŋ gəm minti wə kəna Kormə Pepeŋ.»

Kel pəsaŋ kəmarwaŋ gə minti Zaŋ jiiriniy 1:49

Kəya Nataniyel minti: «Hulum bə hateŋ, tam kəna Kormə Pepeŋ, tam haa Kumna kə kaanə *Israyel.»

Kel pəsaŋ kəmarwaŋ gə minti Zaŋ jiiriniy 3:35

Pep Abaŋ bele Kurmuyuŋ, wə əynu kar neŋneŋ keɗe wəra kəəsu.

Kel pəsaŋ kəmarwaŋ gə minti Zaŋ jiiriniy 5:23

kir minti kaŋ keɗe han cəərən la apəya damdi yə bə haw cuuru apəyaŋ ana gəm. Hulum bə minti paapa bə han cəərəna apəya baŋ, wə he cəərə Barən bə minti gaanan daŋ bə gəm.

HEBEREŊ 1:6

Səma də ko bə minti Pepeŋ haraŋ Kurmuyu bə daŋə-deŋe kar keɗe apəy naŋ, wə minti: «Kaa kə digi katən keɗe kaw awalna la.»

I ZAŊ 4:9

Haa kənaŋ kəkəy bə minti Pepeŋ vəɗaŋ bele nuutuŋ wəra aduubə də áŋa duuruŋ: wə gaŋ Kurmuy ɗaaməna'iŋ warda cəərə seŋkaŋ da, kir minti áŋ falə dədərgəŋ la guudu.

III ZAŊ 1:1

Ten bə Jeŋə-jeŋeŋ, ten jeere a nəənəm Gayusi, tam bə minti ten bəlam ablaw a gəəziŋaŋ.