MARKƏ 12:10 - JAA TƏMARWAŊ

¹⁰ Kel lami gə jeerə-jeere giidə kefter kə Pepeŋaŋ, aŋ gə aŋkə-aŋke diiri bə mo? ‹Pərki tó bə minti kaa kə hərsiŋ a gəənu warna ha'aŋ, wə koloŋ pərki pisi bə deŋe kumsuŋ a hərsi bə kuliŋa haa tó ɗaw.

MARKƏ 12:10 Iomraidhean Croise

MATIYE 12:3

Wə hərnəy kel minti: «Aŋ aŋkaŋ kel gə minti *Davidi jiiniy hõy də kaa gə guuduŋ bə minti tay bə ɗəməyaŋ bə mo?

MATIYE 19:4

Wə hərnəy kel minti: «Kel gə minti a wəra gə jeerə-jeere giidə kefter kə Pepeŋa, aŋ əŋkənəy bə mo? Kel teŋ waate haa minti, hãã a mele bə gud koŋ daŋ, Pepeŋ jəŋ hulum kisirkiŋ ha'aŋ, hulum də həlgəŋ faɗi.

MATIYE 21:16

Kəya yə wəətunu minti: «Tam bə əski gud naakte bə ku kə kəmar koncoŋa nuutu mo?» Wə minti: «Ten bə usku wəra pisi. Aŋ aŋkaŋ kel té kayiŋ hõy giidə kefter kə Pepeŋa bə mo minti: ‹Pepeŋ, tam hataŋ kəmar koncoŋ kuɗu-kuɗuŋ ne wəra də kaayaŋ gə se kaw keɗe minti yə tokɗom laŋ.›»

MATIYE 21:42

Kəya Yeesu wəətənəy ada pa minti: «Kel gə minti gə jeerə-jeere giidə kefter kə Pepeŋaŋ aŋ əŋkənəy hõy bə mo? ‹Pərki tó bə minti kaa kə hərsiŋ a gəənu warna ha'aŋ, koloŋ pərki pisi bə deŋe kumsuŋ a hərsi bə kuliŋa haa tó ɗaw. Jəŋ teŋ bədoona haa Barkaŋ, yə dər áŋa kel kəmtəŋ gə ŋili áŋ gəm.›

MATIYE 22:31

Cəərə kel gə minti kaa gə mee-meŋ hare wəra dədərgə adordə meŋaŋ, aŋ aŋkaŋ kel gə minti Pepeŋ a wəətənəy ciiriŋ bə mo? Wə minti:

MARKƏ 12:26

Cəərə kel də hare bə dədərgəŋa wəra adordə meŋaŋ, aŋ gə aŋkə-aŋke kefter kə Moyisi bə minti waataŋ sam karmə kəbaŋ naɓiŋ gə do'ə-do'eŋ bə mo? Pepeŋ wəətunu da ada minti: ‹Ten haa Pep kə *Abraham, Pep kə *Izakiŋ, Pep kə *Zakopiŋ.›

MARKƏ 12:9

A ɗiki nəətiŋaŋ, bərdə akaŋ ji naanaanə mo? Wə bə bi haa tó də kusru gadi faɗi, wə awe kaa teŋ wəra, wə aye aka nuutuŋ máŋ kasi kaa gaalaŋa bə gole cəərə.

MARKƏ 13:14

Yeesu waataŋ pa minti: «Bə minti aŋ asaŋ karman bə jeeɗem-jeeɗem bə ɓalke ko bə ablaw-ablaw ne bə əsə-isi a ko bə minti a paapa ko nuutu bə isiŋ baŋ, kaa gə minti giidə seŋka də Zudeŋaŋ gadtə la nuutu wəra a ko bə minti pərki adaŋ faɗi. (Hulum bə minti bə aŋke kel teŋaŋ, iskiy guudiy la wəra pisi!)

MARKƏ 2:25

Yeesu hərnəy kel minti: «Aŋ aŋkaŋ kel gə minti *Davidi jiiniy hõy də kaa gə guuduŋ də ko bə minti tay bə ɗəməya, karman paapa kəəsi baŋ, bə mo?

LIKI 6:3

Yeesu hərnəy kel minti: «Aŋ aŋkaŋ kel gə minti *Davidi jiiniy də kaa gə guuduŋ hõy bə mo bə minti tay bə ɗəməyaŋ?

ROMEŊ 9:33

bə minti Pepeŋ a wəətunu səmu wəra giidə Kefter nuutuŋa minti: «Golə laŋ, ten ge pərki giidə vil də Siyoŋa, pərki bə minti kaŋ daste ada, pərki bə ke kaŋ. Hulum bə minti doŋ ne guuduŋ, wə kole kese hõy pəda anə ceki faɗi.»