MARKƏ 10:2 - JAA TƏMARWAŊ

² Kəya sərdə kaanə *Farisiyeŋ kəman zeŋ suru da, yə a goldoŋ haa minti té law kəmpuru la də kel. Yə wəətunu minti: «Kəkəy yaŋ bə ayə-aye minti hulum buusə muruŋ la wəra mo?»

MARKƏ 10:2 Iomraidhean Croise

MATIYE 15:12

Kəya *kaa gə gud Yeesu zeŋ suru da, yə wəətunu minti: «Kel gə minti tam wəətənəy ha'aŋ, yə ɗəmaŋ tarmə kaanə *Farisiyeŋ ablaw, yaŋ nuutu də dərəm bədoona mo?»

MATIYE 16:1

Kaanə *Farisiyeŋ də kaanə *Saduseyeŋ bəŋ sar Yeesu bə bi a gulu kuɗu. Yə əsəŋ bə law ku minti wə jəə miɗi la a té cəərə karmana bə ge dər té wəra minti səɓaki nuutuŋ bəŋ haa kasi Pepeŋ da.

MATIYE 19:3

Kəya sərdə kaanə *Farisiyeŋ kəman zeŋ suru da bə golde minti té law kəmpuru la də kel. Yə wəətunu minti: «Kəkəy yaŋ bə ayə-aye minti hulum buusə muruŋ la wəra gud kela anə hãy keɗe faɗi mo?»

MATIYE 22:35

Hulum məna aduubə di, wə *hulum bə hate ku gili kə Pepeŋ, wə a bəlaŋ minti tó gole koɗ Yeesu. Kəya wə ləənu ku minti:

MATIYE 23:13

«Gəəliŋ nəəti aŋ kaanə *Farisiyeŋ də *kaa kə hate ku gili kə Pep gə minti waate kel nəətiŋ də kuŋ təwaŋ! Gud maa mo aŋ gisiŋ ku kuli bə *Kumna kə Pepeŋ wəra dər kaŋa. Aŋ də kusrəŋ, aŋ ve ada na ba, səma kaa gə minti a də caadə ve ada naŋ, aŋ həənəy kuy wəra bay ve gəm. [

MATIYE 9:34

Kəya kaanə *Farisiyeŋ əsəŋ bə waate minti: «Əynu abay də sarme kəwal haa kumna kə kəwal.»

MARKƏ 10:1

Yeesu yaakaŋ ko toŋ, wə kooroŋ giidə seŋka də Zudeŋ warna cakaɗi cəərə vor bə Zurdeŋ na. Kaa ablaw taaraŋ suru ada pa, wə əsəŋ bə hətəya akas bə diidədaya ana.

MARKƏ 10:3

Wə hərnəy kel də le ku gəm minti: «*Moyisi aynaŋ ku giliŋ cəərə kel teŋa minti harmə mo?»

MARKƏ 8:11

Kəya kaanə *Farisiyeŋ kəman tuluŋ sar Yeesu, yə əsəŋ bə ce awəya duuru. Yə a goldoŋ haa minti té law kəmpuru. Yə əsəŋ bə wəətu minti wə jəə karman bə ge dər la minti səɓaki nuutuŋ bəŋ sar Pepeŋ da.

MARKƏ 8:15

Kəya Yeesu gəənəy kusniy wəra minti: «Aŋ jeɓrə la wəra pisi! Aŋ amə kusrəŋ la pisi ku siipə kə kaanə *Farisiyeŋa, də kə *Erodiŋ gəm.»

LIKI 11:39

Kəya Barkaŋ wəətunu minti: «Golə la, aŋ kaanə Farisiyeŋ, aŋ baade nəətiŋ haa kerkə kəəyəw gə se kan də gə hame soŋ təwa, anaaŋa giidiŋ wəra gə ɗostə-ɗoste də ɗiki bə dəgaayaŋ daana də kel kə bayməlaŋ.

LIKI 16:14

Bə minti kaanə *Farisiyeŋ əskəŋ kel teŋ wəra neŋneŋ keɗeŋ, yə awtaŋ hin cəərə Yeesu gud bə minti yə bele soloy ablaw.

LIKI 5:30

Kaanə *Farisiyeŋ də *kaa kə hate ku gili neeteŋ, kel teŋ duuni diri ba. Yə ŋormoŋ kuy sar *kaa gə gud Yeesuŋa minti: «Aŋ təpaŋ bə hame, bə se, də kaa kə tope lambaŋ daana kaa kə jəəti baymeleŋ haa naanaanə mo?»

LIKI 6:7

*Kaa kə hate ku gili kə Pepeŋ də kaanə *Farisiyeŋ gə balə-bele minti té gaw də kel səm moŋ, yə əsəŋ bə gulu anə ɗeketi minti wə seere hulum yaŋ wəra dər hi bə faakeŋa ɗawmay mo?

LIKI 7:30

Səma kaanə *Farisiyeŋ də *kaa kə hate ku gili kə Pepeŋ, té bəlaŋ kel gə minti giidə Pepeŋ a bəlnəy ciiri ba a ko bə minti yə bəlaŋ ji bə batem kə Zaŋ baŋ.»

Kel pəsaŋ kəmarwaŋ gə minti Zaŋ jiiriniy 11:47

Kəkamna kə *kaa kə keere Pepeŋ də kaanə Farisiyeŋ təpaŋ cəərə *kaa kəmtəŋ gə jeme kəəti kə kaanə Ziwifiŋ. Yə minti: «Áŋ jəə maa la mo? Hulum toŋ bə jəəti miɗiŋa ablaw.

Kel pəsaŋ kəmarwaŋ gə minti Zaŋ jiiriniy 11:57

Kəkamna kə kaa kə keere Pepeŋ də kaanə Farisiyeŋ a waataŋ wəra minti, hulum kəman asaŋ ko bə minti Yeesu adaŋ neŋ, wə weskə té la cuuru, té daw.

Kel pəsaŋ kəmarwaŋ gə minti Zaŋ jiiriniy 7:32

Kaanə *Farisiyeŋ əskəŋ kel gə minti kaŋ a bə wiskitiya cəərə Yeesuŋ kəyaŋ, kəkamna kə *kaa kə keere Pepeŋ, də kaanə Farisiyeŋ, vaŋ kaa gə gole cəərə *Kuli kə Pepeŋ a daw.

Kel pəsaŋ kəmarwaŋ gə minti Zaŋ jiiriniy 7:48

Aduubə də kəkamnaŋa daana də kaanə Farisiyeŋa, hulum kəman doŋ guudu anə məna nuutu mo? Paapa!

Kel pəsaŋ kəmarwaŋ gə minti Zaŋ jiiriniy 8:6

Yə waataŋ kel teŋ bədoona haa bə law kəmpuru də kel kir minti té nakə la bə məlu kel suru. Kəyaŋ Yeesu cokoŋ cuuru, wə əsəŋ bə jeere adawra də karmə kəəsu faɗi.

I KOREŊTƏŊ 10:9

Áŋ a gole koɗ Barkaŋ damdi sirdiŋ gulnu kuɗu ana ba. Yə jəŋ bədoona tə pə moŋ, hənjiŋ hitniy, yə meŋ anə kap-kapi.