MARKƏ 1:21 - JAA TƏMARWAŊ

²¹ Yeesu kooroŋ diiri keɗe giidə vil də Kapernam. Dər *hi bə faake kə Pepeŋa kəyaŋ, Yeesu ɗeŋ a kele giidə *kuli bə toose kə kaanə Ziwifiŋa, wə əsəŋ bə hate kaŋa ada.

MARKƏ 1:21 Iomraidhean Croise

MATIYE 4:13

Wə əsəŋ giidə vil də Nazaretiŋa ba, wə kooroŋ a isi warna giidə vil də Kapernam na də minti agəjaŋ də kan kəmtəŋ gə Galileŋaŋ. Kapernam a haa giidə seŋka də Zabuloŋa də seŋka də Neftaliŋ.

MATIYE 4:23

Kəya Yeesu ɗeeteŋ wəra giidə seŋka də Galileŋa keɗe bə hate kaŋa giidə *kuli bə toose kə kaanə Ziwifiŋa. Wə waatətaŋ *Kel pəsaŋ kəmarwaŋ wəra cəərə *Kumna kə Pepeŋa. Wə seerteteŋ kaa kə ɗemeŋ daana kaa kə dagtə-dagteŋ wəra keɗe gəm.

MARKƏ 1:20

Kəya wə məntənəy faɗi minti yə bəəda gud tó da. Té anə Zaki də siinu Zaŋ kooroŋ warda guudu da, yə yaakaŋ biri də kaa gə gud amaayaŋ giidə turti na a ko toŋ na, yə təpaŋ guudu faɗi.

MARKƏ 1:29

Bə minti Yeesu kəlaŋ warda giidə *kuli bə toose kə kaanə Ziwifiŋ daŋ, yə kooroŋ də anə Zaki də Zaŋ ger anə Simoŋ də Andere.

MARKƏ 1:33

Kaŋ neŋneŋ keɗe gə minti giidə vila a koŋa adaŋ gəgəŋ anəkay ku kuliŋa.

MARKƏ 1:39

Kəya wə gəryəŋ giidə seŋka də Galileŋ wəra keɗe, bə waate kela wəra a kaŋ giidə *kuli bə toose kə kaanə Ziwifiŋa, bə pəəti kəwal gə cəərə kaŋa wəra gəm.

MARKƏ 10:1

Yeesu yaakaŋ ko toŋ, wə kooroŋ giidə seŋka də Zudeŋ warna cakaɗi cəərə vor bə Zurdeŋ na. Kaa ablaw taaraŋ suru ada pa, wə əsəŋ bə hətəya akas bə diidədaya ana.

MARKƏ 2:1

Bə hətəŋ wəra laki kəyaŋ, Yeesu haraŋ giidə vil də Kapernam na. Kəya kaŋ əskəŋ minti wə akera.

MARKƏ 3:1

Yeesu haraŋ hõy bə ɗe a kele giidə *kuli bə toose kə kaanə Ziwifiŋa. Hulum kəman ada kəəsu wəra gə mee-me.

MARKƏ 6:2

Dər *hi bə faake kə Pepeŋaŋ, Yeesu ɗeŋ a isi bə hate giidə *kuli bə toose kə kaanə Ziwifiŋa. Ablaw də kaa kə jiɓruŋ ŋələŋ wəra hasi. Yə əsəŋ bə waate minti: «Wə fəlaŋ kel teŋ da anə da mo? Hulum toŋ gila koloŋ máŋ hulum bə asə-ase bədoona haa naanaanə mo? Wə fəlaŋ səɓaki bə jəəti miɗiŋ kasi mindi da mo?

LIKI 10:15

Te vil də Kapernam, te ɗəkəŋ haa minti Pepeŋ əŋkəy səməy yaŋ warna apəy na mo? Paapa! Wə bəsəy yaŋ wəra a ko kə kaa kə mee-meŋa.»

LIKI 13:10

Hõy məna dər *hi bə faake kə Pepeŋa, Yeesu bə hate kaŋa giidə *kuli bə toose kə kaanə Ziwifiŋa.

LIKI 4:16

Yeesu tuukuŋ Nazareti, a ko bə minti wə suŋ adaŋ. Dər *hi bə faake kə Pepeŋa, wə kəlaŋ giidə *kuli bə toose kə kaanə Ziwifiŋa damdi wə jəətiti saksakiŋ ana. A ko toŋa, wə faŋ apəya bə aŋke keftera.

LIKI 4:23

Kəya Yeesu wəətənəy minti: «Aŋ bə waatan ku kumti yaŋ minti: doktor, seerə kusrum la wəra tam toki. Aŋ waatan yaŋ gəm minti: are əskəŋ kel gə minti tam jiiniy Kapernama keɗeŋ, jəy la giidə kuli nəmtiŋa bədoona gəm.»

JOŊRE 17:2

Pol a hataŋ wəra bə ɗeete giidə kuli bə tooseŋa səm moŋ, wə ɗeŋ giidə kuli kə kaanə Tesalonikiŋa gəm. *Hi bə faake kə Pepeŋ koltoŋ kampa soope, wə bə ce awəya diiri cəərə Kefter kə Pepeŋa.

JOŊRE 18:4

Dər *hi bə faake kə Pepeŋa saksakiŋ, Pol waatete kel wəra giidə *kuli bə toose neeteŋa. Wə a goldoŋ haa minti, gə Ziwifiŋ mo, gə Gerekiŋ mo, kolə ɗiki di la, yə doo haa la wəra gud kel gə minti tó bə wəətiyaŋ.