KOLOSIŊ 4:6 - JAA TƏMARWAŊ

⁶ Kel nəətiŋ jəə la saksaki haa də anul guudi, yə jəə la dəsəŋ daana aŋ asə hare bə kel la a mindi mindi mo haa də hel pəsaŋ.

KOLOSIŊ 4:6 Iomraidhean Croise

MATIYE 5:13

«Aŋ haa damdi manta ana adəwaldə kaa gə cəərə seŋkaŋa gadi faɗi. Səma jəəne minti wə za'laŋ ne wəraŋ, hulum neke yaŋ bə həru dihi pə mo? Joŋre du pa pəda, yə vaw warna taakaw na, kaŋ təytu máŋ wəra.

MARKƏ 9:50

Mantaŋ haa karman pisi. Səma disi du pəŋ ne wəraŋ, hulum neke bə həru disi pəda. Aŋ jəə la dəsəŋ ku kumsəŋa, aŋ jəə la kəkaɓi aduubə də kumsəŋa gəm.»

LIKI 4:22

Kəya kaŋ keɗe əŋkunu. Yə ŋələŋ ablaw gud kel pəsaŋ gə minti kəlaŋ warda ku daŋ. Yə waataŋ minti: «Haa paapa kormə Zosefiŋ bə mo?»

EFESIŊ 4:29

Kel kə bayməlaŋ a kalte wəra kuŋa ba anə ceki faɗi. Aŋ waatə la haa kel pəsaŋ gə keye kaŋ daana gə tiŋiy diriŋ təwa; kel teŋ aye pisi yaŋ a kaa gə minti bə jiɓriyaŋ.

KOLOSIŊ 3:16

Kel kə Kristuŋ, də fele bə guudi ada anə keɗe, jəə la aduubə dəŋa. Aŋ hatə kumsəŋ la, aŋ kaa dər kumsəŋ la cəərə kəkəy pisiŋa də ase bə minti wəra kaŋkaŋ. Aŋ gaa gudul la a Pepeŋ də ku tarməyaŋ keɗe daana də ji bə suuseŋ ada gəm. Aŋ gaa la haa gudul bə tokɗe Pepeŋ, gudul bə waate sam Kel kə Pepeŋ, gudul bə minti aŋ cəmnu də səɓaki kə Tiiru Cetcetaŋ gəm.

I PIYER 3:15

Səma, aŋ haa cəərə Kristu Barkaŋ nəətiŋ la apəya ku tarməyaŋa. Hulum mundu mundu mo laanaŋ kuŋ ne cəərə karman bə minti aŋ məlaŋ ɗiki dəŋ cuuruŋ, aŋ jəə la saksaki wəra gə ɗampə-ɗampe bə daw guudu a nuunu.