KOLOSIŊ 4:3 - JAA TƏMARWAŊ

³ Aŋ əsəŋ ne bə tooseŋ, aŋ toosə la cəərə are gəm kir minti Pepeŋ bəŋ kəkəy la a are bə waate kel nuutuŋ wəra. Kel teŋ haa hel nuutu də metə-mete də waate sam Kristuŋ, ten hebkəna a daŋgaya haa guudi.

KOLOSIŊ 4:3 Iomraidhean Croise

MATIYE 13:11

Wə hərnəy kel minti: «Aŋ teŋ ha'aŋ, kel gə waate sam *Kumna kə Pep gə minti a gə ŋoyə-ŋoyeŋ, wə vaɗnaŋ dəŋ wəra a nəənəŋ. Səma kə kaa kaayaŋ, wə vəɗnəy di wəra ba.

JOŊRE 14:27

Də ko bə minti yə tuluŋ Antiyosi na anəkay, yə təpaŋ cəərə kaa kə Tapiŋ faɗi. Yə əsəŋ bə tupuy bəlam də kel gə minti Pepeŋ jəŋ joŋreŋ keɗe də té naanaanə ji moŋ. Yə wəətənəy daŋgeŋ haa kel gə minti Pepeŋ a jəŋ kir minti kaa gə minti teŋ paapa gə Ziwifi baŋ nakə la bə de guudu gəm.

ROMEŊ 16:25

Aŋ tokɗə Pepeŋ la! Wə bə nakə-neke bə koloŋ də səɓaki a deŋa, damdi *Kel pəsaŋ kəmarwaŋ gə cəərə Kristu gə minti ten wəra bə wəətiya waateŋ ana, daana damdi ɗiki kə Pep bə ɗampə-ɗampe bə cəərə Kristuŋ, bə minti a bə metə-mete da anə hãã, waate anaŋ gəm.

I KOREŊTƏŊ 16:9

Gud maa mo, kəkəy boblo bəŋəŋ wəra tiinəna kəna bə ji joŋre kə Pepeŋ, koo kaa kə acukur nin jəəne nuutu kəna ablaw ɗaw.

I KOREŊTƏŊ 4:1

Kaŋ kir gole are *kaa kə vaa-ve kə Kristuŋ bə kaa kə joŋre nuutu anəkay faɗi. Are haa kaa gə minti Pepeŋ ayaŋ kasi are haa joŋre bə veɗe hel nuutu də metə-meteŋ wəra a kaŋ.

II KOREŊTƏŊ 2:12

Bə minti ten tuluŋ Torwasi bə ɗe a waate *Kel pəsaŋ kəmarwaŋ gə cəərə Kristuŋ adaŋ, ten fəlaŋ ha'aŋ, Barkaŋ a bəŋnən kəkəy ne wəra tiinina bə wəətiya.

EFESIŊ 3:1

Gud teŋa ta, ten Pol, ten toose nin haa Pepeŋ. Ten a daŋgaya gud joŋre kə Yeesu Kristuŋa gud aŋ gə minti paapa gə Ziwifi baŋ.

EFESIŊ 3:3

Hel nuutu də minti a jəŋ wəra də metə-meteŋ, a wəra hebkəna də dərən gud bə minti wə vaɗənan dən wəra. Ten a jeereŋ də ne weseka ajew da kanda cəərə da.

EFESIŊ 3:4

A kəkəy bə aŋke kel teŋa, aŋ ase yaŋ ada minti, hel də metə-mete tá də minti waate cəərə Kristu, Hulum bə minti Pepeŋ ŋəmnuŋ, a wəra də dərən kaŋkaŋ.

EFESIŊ 3:9

Hel də minti Pepeŋ doŋ ku karman bə minti wə a ɗəkəŋ bə jəw dəərəŋ, ten kir vaɗa wəra a kaŋ keɗe. Pep tó bə minti jəŋ kar keɗeŋ, wə a metna a ɗiki du da warda hãã,

EFESIŊ 4:1

Bədoona ta, ten bə minti a daŋgaya gud joŋre kə Barkaŋaŋ, ten bə jəŋ kamkama minti: ɗe dəŋ jəə la bə tapə-tepe də mante bə minti Pepeŋ mantənaŋ da duuruŋ ha'aŋ ana gəm.

FILIPIŊ 1:19

Gud maa mo, ten wəra bə asə-ase minti, kel teŋ gila keɗe ɗe a awe ciiri haa bə seeren, gud bə minti aŋ bə toose cəərəna daana Tiiru kə Yeesu Kristu bə kəyana ada gəm.

FILIPIŊ 1:7

Haa pisi bə minti ɗiki dən cəərəŋa bədoona ana'iŋ, gud bə minti aŋ wəra gə kalə-kele ku tarməna anə haɗak-haɗaki. Gud maa mo, aŋ gə falə-fele pisi kə Pepeŋ dəərən kir minti aŋ kəyan la də ko bə minti ten hebkəna a daŋgaya daana bə minti ten bə kuuri də kəəti gud Kel pəsaŋ kəmarwaŋ kə Pepeŋa, bə yəəkəy wəra kaŋkaŋ də səɓakiŋ.

KOLOSIŊ 1:26

haa hel nuutu də minti a jəŋ wəra də metə-mete dər kaŋ da anə hãã dayday. Səma wə gaanə guudə wəra hebkəna a kaa nuutuŋ.

KOLOSIŊ 4:18

Karman bə minti ten Pol jeereŋ toŋ də kaasən, haa mirkiŋ ta'i kəna faɗi. Cəərəŋ a ge ba minti ten kəm a daŋgayaŋ. Pisi kə Pepeŋ jəə la dəərəŋ!

1 TESALONIKIŊ 5:25

Kəsaanə areŋ, aŋ toosə Pepeŋ la cəərə are gəm.

II TIMOTE 1:16

Səma kə Onesifor ha'aŋ, Barkaŋ gaa pisiŋ la cəərə kuli nuutuŋa, gud maa mo wə teŋtənen dərən kampa ablaw. Wə jəŋ kese minti ten a daŋgayaŋa naanaanə mo ba.

II TIMOTE 2:9

Gud Kel pəsaŋ kəmarwaŋ teŋa ta, ten bə lese dayna daana yə gaanan agəyam damdi ten hulum bə jəəti kel kə bayməlaŋ ana. Səma, kel kə Pepeŋ teŋ paapa gə gaa-ge agəyam ba!

II TIMOTE 4:2

waatə kel kə Pepeŋ la wəra a kaŋ, dugtuy di la jəəne nuutu minti koŋ pisi, wə paapa pisi baŋ. Kay gud baymele neeteŋ la wəra, jəy gəbaŋ la cuuru, tiŋiy diri la, hətəy la də talma sããyaŋ saksaki.

Filemoŋ 1:22

Bədoona ana gəm, ɗampan ko bə isi la gəm gud minti ten bə ɗiki minti, Pepeŋ əskəŋ toose nəətiŋ yaŋ, daana wə ayan kəkəy yaŋ bə hare səraŋ na.