KOLOSIŊ 4:2 - JAA TƏMARWAŊ

² Aŋ a yaake tooseŋ ba. Aŋ jəə la wəra saksaki gə gunə-guni də toose tó bə minti aŋ bə tuusu a Pepeŋ bə jəw suuseŋ.

KOLOSIŊ 4:2 Iomraidhean Croise

MATIYE 26:41

Aŋ əsə la wəra gə gunə-guni, aŋ toosə la kir minti aŋ əsə la ŋəŋ tiinə ke bə kuŋa. Hulum kisirkiŋ wəra bə ɗampə-ɗampe dər ɗiki du bə ji pisiŋ, səma a kusukiŋa, wə wəra bə dawə-dewe, wə neke bə jəw ba.»

MARKƏ 13:33

Aŋ əsə la wəra gə gunə-guni daana gə ɗampə-ɗampe, gud maa mo ko toŋ tuli kotnə moŋ, paapa də dərəŋ ba.

LIKI 18:1

Kəya Yeesu waataŋ kel də *ku kumti a *kaa gə guuduŋ, bə gay diri minti yə kirka toose a kuɗuŋa saksaki daana minti yə a dere hor bə hasi.

LIKI 21:36

Aŋ əsə la wəra gə gunə-guni, aŋ toosə la saksaki kir minti aŋ falə səɓaki la bə deŋe wəra ku kel gə minti bə bi daŋ, daana bə isi wəra pisi tiinə *Kormə Hulúma minti wə haraŋ də neŋ.»

JOŊRE 1:14

Yə keɗe tə pə moŋ, yə saksaki bə tapte ciiri bə tooste Pepeŋa wəra də ɗiki di soki məna'i. Sərdə kəram kəman, daana Mari nər Yeesu də kəsəənu, taptaŋ diiri bə toose gəm.

ROMEŊ 12:12

Aŋ jəə la də waale gud karman bə minti ɗiki dəŋ bə malə-mele cuuruŋ, aŋ məə la ku gəəliŋa, aŋ jəə la saksaki bə toose Pepeŋa gəm.

EFESIŊ 6:18

Dər koŋa keɗe, aŋ toosə Pepeŋ la də gidiirə tooseŋ, də manteŋ. Tiiru Cetcetaŋ kəyaŋ a tooseŋa haa tá. Aŋ əsə la wəra gə gunə-guni cəərə tooseŋa, aŋ a yəəku a kəkəya ba. Kaa kə Pepeŋ keɗe, aŋ toosə la ciiri gəm.

FILIPIŊ 4:6

Aŋ a hoye ɗiki dəŋ gud karman kəmana ba, səma də ko muntu muntu mo, aŋ waatə Pepeŋ la dər tooseŋa cəərə karman bə minti aŋ də caaduŋ, aŋ jəw suuse la də talma pəsaŋ gəm.

KOLOSIŊ 1:9

Gud teŋa ta, are saksaki bə toose cəərəŋa hãã də hi bə minti are əskənəŋ səmaŋ. Are bə waate Pepeŋa minti wə gaŋ dərəŋ la wəra kaŋkaŋ cəərə kel gə minti giidu bələy, cəərə hela daana zuuri bə kel gə minti Tiiruŋ əyəy.

KOLOSIŊ 2:7

Aŋ vaa kəsar la a kel nuutuŋa, gud ɗe nəətiŋ jəə la bə malə-mele haa cuuru daana aŋ gargə la pisi garga də səɓaki a deŋa də aŋar də hate bə minti yə a hatnaŋ dəŋ. Aŋ jəə la gə ɗosə-ɗose də ji bə suuseŋ a Pepeŋ gəm.

KOLOSIŊ 3:15

Kəkaɓi də minti Kristu aynaŋ dəŋ jəə la haa karman bə kəyaŋ bə ase kel gə minti aŋ kir jəy. Pepeŋ bəlaŋ minti aŋ asə kəkaɓi taŋ la wəra. Wə mantənaŋ warda minti aŋ bəə la a kole wəra kusrə hulum bə məna haa sə teŋ. Aŋ kir ji suuse a Pepeŋ saksaki.

KOLOSIŊ 3:17

Dər joŋreŋa daana dər kel gə minti aŋ wəətəy keɗe, aŋ jəy la haa də sam Barkaŋ Yeesu. Aŋ jəə suuse la a Pep Abaŋ haa də səmu gəm.

KOLOSIŊ 4:12

Epafrasi, hulum nəətiŋ, bə mirkiŋ na gəm. Wə haa hulum bə joŋre kə Yeesu Kristuŋ, wə bə kuuri də tooseŋ guudəŋa kir minti aŋ əsə la ŋəŋ a deŋa, aŋ jəə la wəra gə naa-ne daana aŋ jəə la wəra máŋ gə ayə-aye ɗiki dəŋ bə ji karman bə minti giidə Pepeŋ bəluŋ keɗe.

I PIYER 4:7

Hi máŋ wəra maŋ bə minti kar keɗe tewe wəraŋ. Gud teŋa ta, aŋ amə kusrəŋ la pisi daana aŋ ɗampə ɗiki dəŋ la wəra, kir minti aŋ jəə la gə nakə-neke saksaki bə toose Pepeŋ.