KOLOSIŊ 4:11 - JAA TƏMARWAŊ

¹¹ Yeesu bə minti yə tukɗu minti Zustisiŋ, bə mirkiŋ na gəm. Gud kaa kə doo-de gə Ziwifiŋa, té soope'iŋ laka təwa bə ji joŋreŋa dəərən cəərə kel kə *Kumna kə Pepeŋaŋ. Yə haa kaa gə minti teŋnen dərən ablaw faɗi.

KOLOSIŊ 4:11 Iomraidhean Croise

JOŊRE 10:45

Kaanə Ziwifi gə doo-de gə minti a bəŋ a mele Piyer, ŋələŋ ablaw gud bə minti yə asaŋ haa Tiiru Cetcetaŋ də minti Pepeŋ ayaŋ, doloy bə tuli cəərə kaa gə minti teŋ paapa gə Ziwifiŋ baŋ gəm.

JOŊRE 11:2

Də ko bə minti Piyer haraŋ Zeruzalem da kay daŋ, kaa kə doo-de gə minti waŋ wəra Ziwifi faɗiŋ, ŋoryoŋ wəra suru.

ROMEŊ 16:3

Ten bə mirki Pirsila daana Akilasi gə minti are a joŋre kə Yeesu Kristuŋa keɗe diiriŋ.

ROMEŊ 4:12

Wə haa bar kaa gə təntəri gə camə-ceme wəraŋ gəm. Ten waataŋ bədoona paapa gud təntəri də camə-cemeŋa təwa ba, səma gud bə minti yə bə ɗe a bəlam də bar áŋ Abrahama bə minti a bə doo-de gud Pepeŋa ajew də jeme bə tənturuŋ.

II KOREŊTƏŊ 6:1

Are a joŋreŋa də kumsə are də Pepeŋ tə bə moŋ, are jəŋ kamkam minti pisi bə minti wə jəənəŋ dəŋ sarəŋaŋ, aŋ a boome duuru ba anə ceki.

EFESIŊ 2:11

Gud teŋa ta, aŋ gə minti a paapa gə Ziwifi baŋ, aŋ a jəŋ dayday naanaanə mo, aŋ harə la kəm bə ɗiki kel teŋa. Kaanə Ziwifiŋ a jəŋ bə mantəŋa minti: «kaa kə *tantəraŋ də bay ceme». Yə mante kusri minti té teŋ kaa gə tanta də camə-ceme gud tarwa tá də minti yə kaara a kusuki diŋ.

FILIPIŊ 4:3

Ten bə waatəma gəm, tam seenən bə minti jəŋ joŋreŋ dəərən anə ɓet-ɓetiŋ, kayə kəram té ɓasiŋ la bə tepe kuya, gud bə minti are kuuruŋ bə waate *Kel pəsaŋ kəmarwaŋa wəra a kaŋ haa də kumsə are keɗe. Kelemaŋ də kaa gə minti are jəŋ joŋreŋ diiri keɗe, gə minti Pepeŋ jiiriniy səməy giidə kefter kə kaa gə minti fəlaŋ dədərgə də bay teweŋ, jəŋ joŋreŋ də are gəm.

KOLOSIŊ 4:7

Seenə áŋ Tisiki bə minti áŋ bəluŋ, bə minti bə tapə-tepe a joŋreŋa də areŋ, hulum ɓeti bə joŋre kə Barkaŋ, ɗe yaŋ na a waataŋ kel dən keɗe haa tó.

1 TESALONIKIŊ 3:2

Kəya are gaanaŋ Timote haa naŋ. Wə haa seenə áŋ bə minti are bə ji joŋre kə Pepeŋa bə waate *Kel pəsaŋ kəmarwaŋ cəərə Kristu də kumsə areŋ. Are gəənu səraŋ na ha'aŋ, minti wə ɗee la a ayaŋ səɓaki daana teŋe bə dər minti aŋ doo la ŋəŋ gud Pepeŋa,

1 TESALONIKIŊ 3:7

Bədoona ana kəsaanə areŋ, bə minti are nuutu dər gəəliŋ daana lasiŋaŋ, dər are teŋeŋ ne gud kel kə de nəətiŋa.

TITI 1:10

Gud maa mo, kaa kəman yaŋ ablaw gə ayə-aye giidiŋa faɗi, daŋgeŋ haa adəwaldə kaanə Ziwifiŋa. Yə de ku hulum ba, kel di petpeti, daana yə ji tiniini də kaa.

Filemoŋ 1:1

Jeere kefter toŋ haa kəya ten Pol, ten bə minti yə doonon a daŋgaya gud kel də Yeesu Kristuŋ. Are bə jiiru daana seenə áŋ Timote. Are jeere kefter toŋ a nəənəm Filemoŋ, tam bə minti daarə areŋ, daana tam kumsə are bə joŋreŋ.

Filemoŋ 1:24

Anə Markə daana Aristarkə, Demasi, də Liki gə minti are a joŋreŋa də kumsiŋ bə mirkim na gəm.