KOLOSIŊ 4:10 - JAA TƏMARWAŊ

¹⁰ Aristarkə bə minti are a daŋgaya də kumsə areŋ, bə mirkiŋ na. Markə, kusul də Barnabasi, bə mirkiŋ na bədoona ana gəm. Ten a waatənaŋ wəra cuuru minti, wə ɗeŋ ne gerdeŋ naŋ, aŋ daw irku du la pis-pisiŋ.

KOLOSIŊ 4:10 Iomraidhean Croise

JOŊRE 12:12

Wə əskəŋ gud kel teŋ wəra əska kəya, wə raawaŋ ger Mari, nər Zaŋ, səmu bə tokɗeŋ minti Markə. Kaŋ ləwaŋ ciiri ada ablaw bə toose.

JOŊRE 12:25

Kə anə Barnabasiŋ daana Sol ha'aŋ, yə təwaŋ ku mini neeteŋ wəra tawə sar kaa kə doo-de gə Zeruzalemaŋ, yə haraŋ bə koore faɗi. Kəya yə doŋ Zaŋ, bə minti səmu bə tokɗeŋ minti Markəŋ, kəəsi.

JOŊRE 13:13

Kəya Pol də kaa gə minti bə gəryi guuduŋ, luŋ kan gə Pafosi wəra də turtiŋ bə koore giidə vil də Pergeŋ giidə seŋka də Pamfiliŋa. Bə minti yə tuukuŋ ada na anəkay, Zaŋ-Markə yəəkənəy faɗi, wə haraŋ Zeruzalem.

JOŊRE 13:5

Də bə minti yə tuukuŋ Salamina, vil mooto də minti giidə ajomgaŋa adaŋ, yə waataŋ kel kə Pepeŋ wəra a kaŋ giidə *kuli bə toose kə kaanə Ziwifiŋa. Zaŋ-Markə ateŋa ada bə kəyəya a joŋreŋa gəm.

JOŊRE 19:29

Kəya kel teŋ caŋ warna sar kaa kə ablaw na giidə vil na faɗi. Kaa kə ablaw haŋ kəkəy anə dimbil-dimbil bə ɗe a ko bə minti yə tapte ciiri adaŋ. Yə fəlaŋ anə Gayusi də Aristarkə kəyaŋ, yə humnuy kəəsi anə tor bə ɗe warna diiri ada na. Kaa té ɓasiŋ haa kaanə Masedəwan gə minti bə gəryi daana Pol keɗe.

JOŊRE 20:4

Kaa gə minti a bə gəryi duuru ha'aŋ, anə Sopater, kormə Pirusi bə Bereŋ; Aristarkə daana Sekondosi gə Tesalonikiŋ; Gayusi bə Derbeŋ; Timote; Tisiki daana Torofim gə giidə seŋka də Aziŋ ada gəm.

JOŊRE 27:2

Are luŋ giidə turti mooto kəman də minti bəŋ Adramiti daŋ. A ɗe haa giidə sərdə vil də minti agəjaŋ də kan kəmtəŋ gə seŋka də Aziŋa. Kəya are kooroŋ faɗi. Aristarkə bə Tesaloniki bə giidə seŋka də Masedəwan gud are ada gəm.

JOŊRE 4:36

Bədoona ana, hulum kəman a jəŋ ada, yə məntu minti Zosefi. Wə haa a kaasaw də *Levi, wə waŋ giidə seŋka də Sipərəŋa. Hulum toŋ, kaa kə vaa-veŋ məlnu səmu minti Barnabasi. Gud sam toŋ haa minti: «Hulum bə teŋe dər kaŋ.»

ROMEŊ 16:2

Aŋ doorə irku də la sarəŋa də sam Barkaŋ də kəkəy bə minti kaa kə Pepeŋ kir tope irku də kumsi duuruŋ ana faɗi. A ko muntu muntu mo bə minti a jəəne də caadə keyeŋ, aŋ kayə la faɗi gud maa mo a də kusrə, a kəyaŋ kaa kə Pepeŋ ablaw, ten də kusrən ada gəm.

ROMEŊ 16:7

Ten bə mirki Andoronikisi daana Zuniya gəm, kaasaw də areŋ. Yə haa kaa gə minti are hamaŋ daŋgay də kumsi. Yə ɓasi keɗe haa *kaa kə vaa-ve gə minti səməy hagaŋ ba ga'i ba, daana yə doŋ gud Kristu haa ajew dən ɗaw.

II TIMOTE 4:11

Taakaŋ sarəna kəna haa Liki bay cuuru məna faɗi. Tam ɗəlaŋ də ne bə bi daŋ, tapə Markə da guudum da gud bə minti wə bi yaŋ a kəyan a joŋre nina ablaw.

Filemoŋ 1:23

Epafrasi bə minti are a daŋgaya də kumsi gud kel də Yeesu Kristuŋ bə mirkim na pis-pisi.

Filemoŋ 1:24

Anə Markə daana Aristarkə, Demasi, də Liki gə minti are a joŋreŋa də kumsiŋ bə mirkim na gəm.

I PIYER 5:13

Kaa kə Tapi gə giidə vil də Babilon, kaa té gə minti Pepeŋ ŋəmnəy damdi wə a ŋamnaŋ ana gəm, yaŋ bə mirkiŋ na. Markə, kormon a kel kə Pepeŋaŋ, yaŋ bə mirkiŋ na gəm.