KOLOSIŊ 3:8 - JAA TƏMARWAŊ

⁸ Səma bə hebkənaŋ, kolte bə wáŋ, ŋoryeŋ, jəəti bə sərkəŋ cəərə kumsəŋaŋ, kel teŋ keɗe, aŋ yəəkəy la wəra. Koo sarte bə kaŋ, kumundu ba kel kə kes-keseŋ, a kalte wəra kuŋa ba.

KOLOSIŊ 3:8 Iomraidhean Croise

MATIYE 5:22

Səma, ten waataŋ nin haa minti hulum bə minti koloŋ waŋ ne sar kumsuŋaŋ, kəəti kirka jeme cuuru. Hulum bə minti waataŋ kumsuŋ ne minti: ‹Han!›, wə kirka a ɗe tiinə *kaa kəmtəŋ gə jeme kəəti kə kaanə Ziwifiŋa. Hulum bə minti waataŋ kumsuŋ ne minti: ‹Mələr!›, wə kirka a ɗe dər cəwa də bay teweŋa.

MARKƏ 7:22

piwpiw, həryəm bə kar, jəəti bə sərkəŋ, jəəti bə tiniini də kaŋ, beye bə ku giliŋ warna keɗeŋ, saane bə kar bə wələk-wələkiŋ, sarte bə kaŋ, teke bə cə bə apəyaŋ, daana anə jəəti bə kel bənjəmbənjəmiŋ.

ROMEŊ 13:13

Ɗe náŋ jəə la pisi, bə kə kaa gə minti bə ɗe dər pəɗakiŋaŋ ana. Áŋ a isi a kəɗwəy gə minti kaŋ jəəti kel kə boŋ adaŋ ba, áŋ a markete ba, áŋ a ji kel kə əsti də kaŋ daana booboŋ ba, áŋ a jəəti gəbaŋ daana giidə áŋ a hate áŋ cəərə kaŋ bə gəm.

I KOREŊTƏŊ 3:3

gud bə minti aŋ kəm a kusukiŋa. Giidiŋ bə yaakte cəərə kumsəŋa daana aŋ a gəbaŋa də kumsəŋ. Aŋ bə ji bədoona tə gəm, aŋ haa a kusukiŋa daana aŋ ji kel haa damdi kaa kəsarkaŋ ana derra faɗi.

II KOREŊTƏŊ 12:20

Gud maa mo walkaŋ bə jəna hebkəna haa minti ten tuluŋ ne gerdeŋ naŋ, ten ɗe a fəlaŋ ɗe dəŋ hal də nayto bə minti ten də caaduŋ, daana aŋ bə ɗe a ji də waale də joŋre nin baŋ gəm. Walkaŋ bə jəna haa minti aŋ bə ji də gəbaŋ də kumsəŋ, giidiŋ bə ji bə hatəŋa cəərə kumsəŋa, aŋ də waŋ sar kumsəŋa, mindi mindi mo golde haa a kusru, aŋ bə ceme gud kumsəŋa, aŋ bə ceere sam kumsəŋa, aŋ bə teke cəərə kusrəŋa apəya daana aŋ bə ɓalkete kela.

GALATIŊ 5:15

Aŋ jəəne bə waate kela anə dus-dusi cəərə kumsəŋaŋ, aŋ haa bə bege bə waraŋ ana, gə minti hiti kumsi daana bə palwe kumsi wəra ana gəm. Aŋ ɗəkə la pisi, aŋ raawaŋ ne də kel teŋ bədoonaŋ, aŋ asə la wəra minti aŋ bə ɓalke kumsəŋa wəra haa ɓalke faɗi.

GALATIŊ 5:20

anə ke bə awalnaŋ a kar gə minti kaŋ guluy pepe neeteŋ, anə jəəti bə zogoy, anə malte bə dər kumsi wəraŋ, anə kolte bə gəbaŋ də kumsi, anə giidiŋ gə hataŋ gə cəərə kumsəŋ, anə waŋ. Mindi mindi mo golde haa a kusru gəm, yə teke wəra a diri ta'-ta'iŋ, mindi mindi mo ɗe haa gud hulum bə minti kuy də kumsiŋ,

GALATIŊ 5:26

Adəwaldə kumsə áŋa, áŋ a teke cəərə kusrə áŋ apəya ba, áŋ a waate kel kə supi talma a kumsə áŋ ba, áŋ a jəəti sərkə cəərə kumsə áŋa bə gəm.

EFESIŊ 4:22

Kel teŋ haa minti bəŋa, a kəkəy bə minti aŋ yaake ɗe dəŋ bə minti aŋ a jəŋ bə ɗe guuduŋ wəraŋ, aŋ pəə tiirəŋ də dayday də minti a bə kaŋa dər baymeleŋa la wəra. A bele naataŋ haa kel kə bayməlaŋ bə siitiŋ dərəŋ daana bə bəsaŋ wəra.

EFESIŊ 4:25

Gud teŋa ta, aŋ yaakə ŋete bə kel la wəra. Mindi mindi mo aduubə dəŋa waatə gəəziŋ la a kumsuŋ, gud maa mo, áŋ keɗe haa kar də kusrə hulum məna'i.

EFESIŊ 4:26

Aŋ koloŋ wáŋ neŋ, aŋ a yaake kusrəŋ bə ji baymele ba, wáŋ nəəti taŋ tawə la wəra ajew də minti cəwa dereŋ.

EFESIŊ 4:29

Kel kə bayməlaŋ a kalte wəra kuŋa ba anə ceki faɗi. Aŋ waatə la haa kel pəsaŋ gə keye kaŋ daana gə tiŋiy diriŋ təwa; kel teŋ aye pisi yaŋ a kaa gə minti bə jiɓriyaŋ.

EFESIŊ 5:4

Anə kel kə kes-keseŋ, kel kə gul-gulaŋ, kel kə tere cəərə kaŋ, paapa pəsaŋ a nəənəŋ gə ji bə gəm. Səma nəətiŋ ɗaw ha'aŋ, aŋ jəə la haa suuse a Pepeŋ.

KOLOSIŊ 3:5

Bədoona ana ta, ɗiki bə kar gə minti cəərə seŋkaŋa kənaŋ, aŋ əwəy kəsar di la wəra sarəŋa. Haa anə ji bə booboŋ, kel kə zeɓə-zeɓeŋ, kel kə sesewsesew, ɗiki bə ji baymeleŋ daana kel kə həryəm-həryəm (gud maa mo həryəm haa ke bə awalna a kar gə minti kaŋ guluy pepe neeteŋ toki).

KOLOSIŊ 3:9

Aŋ a ŋete kel a kumsəŋ pəda, gud maa mo kusrəŋ bə hatə-hate də baymeleŋ daana kel nuutu gə minti wə a jəŋ bə kaŋa bə jiyaŋ, aŋ yaakaŋ teŋ ne wəra.

I TIMOTE 1:13

A dayday ha'aŋ, ten a bə wəətu səmu baymele, ten a bə ləsu daana ten a bə sərtutu gəm. Ana doloy də teŋ keɗeŋ, Yeesu jəŋ giidu pəsaŋ sarəna, gud bə minti kel gə minti ten a bə jiya dayday, guudiŋ a paapa də dərən ba, gud maa mo ten a paapa bə doo-de guudu bə gəm.

I TIMOTE 1:20

Kumsə kaa teŋ kəyaŋ, anə Himene daana Aleksandərə adəwaldi. Kaa té ɓasiŋ kəya, ten əynəy wəra a *Sataŋ kir minti yə əskə la, minti yə a doge bə sarte sam Pepeŋa pəda.

HEBEREŊ 12:1

Bədoona ana, kaa teŋ gila keɗe gə minti jəŋ bərdə kəkəy cəərə de neeteŋa, yə wəra bə ɓəkə-ɓiki cəərə áŋ cẽẽ tə pə moŋ, áŋ raytə kar kə eele gə sar áŋ la wəra keɗe, bə fi taraŋ də minti áŋ kir fəərəŋ tat-tatiŋ bay dere hor. Kar kə eeleŋ daŋgeŋ haa baymele bə minti larkete sar áŋa bay gəəli anə faɗ-faɗi.

ZAKI 2:7

Kaa gə minti sarte sam tó pisi bə minti Pepeŋ aynaŋ dəŋ haa paapa té pə bə mo?

I PIYER 2:1

Gud teŋa ta, gidiirə baymeleŋ keɗe, aŋ yəəku la wəra. Anə ŋete bə kel, kel kə waate bə kuy təwa-təwa, jəəti bə sərkəŋ cəərə kumsuŋa, acakiŋ, aŋ yəəkəy la wəra keɗe.

II PIYER 2:18

Yə waate haa kel kə hage sam kusriŋ saksaki, anaaŋa guudi paapa ta'a ba. Yə ji joŋreŋ də kusri bə hatə-hate də baymeleŋ bə tope kaa gə minti a ɓətəŋ warda kəmarwaŋ ku kaa kə laŋtə-laŋte da də vew neeteŋ.

II PIYER 2:7

Səma Loti, hulum ɗekeri bə minti a gəyaŋ wəra kas dəglə kə kaa gə minti a jəŋ duru da gə bay giliŋ, Pepeŋ duunu warda aduubə də kaa teŋ da.

ZUDI 1:13

Yə haa damdi kan kəmtəŋ gə dabte də səɓakiŋ ana, səəpə di də minti malte warnaŋ gole jeeɗem damdi kel kə kes-kese gə minti yə bə jiyaŋ ana. Yə haa damdi seska də minti kəkəy lenteŋ wəra dərəŋ ana. Pepeŋ ɗəmpənəy ko neete bə minti yə ɗe a isi ada bə faɗnə-faɗnaŋ dər ko bə tilmə nilik-nilikiŋa.

ZUDI 1:8

Kaa té gə minti paapa bə iski ku Pepeŋa baŋ, bə ji kel neeteŋ haa bədoona ana gəm. Soone neeteŋ wəətəy saksaki haa minti yə ɗee la a jəəti baymele bə zeɓe kusriŋ, yə bayə abay kə Pepeŋ la wəra, yə sartə kaa kə hame məyan gə apəy naŋ la gəm.

VEƊE 16:9

Hogte də cəwaŋ də səɓakiŋ yəɗtəŋ kaŋ wəra. Kəya yə əsəŋ bə sarte sam Pep bə minti səɓaki də cəərə lasi taŋa kəəsuŋ. Yə koloŋ kirki a baymele neeteŋ ba, yə tukɗunu gud səɓaki nuutuŋa bə gəm.