KOLOSIŊ 3:5 - JAA TƏMARWAŊ

⁵ Bədoona ana ta, ɗiki bə kar gə minti cəərə seŋkaŋa kənaŋ, aŋ əwəy kəsar di la wəra sarəŋa. Haa anə ji bə booboŋ, kel kə zeɓə-zeɓeŋ, kel kə sesewsesew, ɗiki bə ji baymeleŋ daana kel kə həryəm-həryəm (gud maa mo həryəm haa ke bə awalna a kar gə minti kaŋ guluy pepe neeteŋ toki).

KOLOSIŊ 3:5 Iomraidhean Croise

MATIYE 15:19

Gud maa mo haa ku tarmə hulum da minti kar ha'iŋ feke warda də adaŋ: anə ɗiki bə baymeleŋ, awe bə titiŋ, piwpiw, jəəti bə booboŋ, dəgaayaŋ, ŋete bə kel sar kumsumaŋ, sarte bə kaŋ.

ROMEŊ 1:26

Gud teŋa ta, Pepeŋ yəəkənəy warna ku kel neete gə kes-kese gə minti yə də kinkin di bə jəy. Kəram yaakaŋ əsti də kaŋkar wəra bə əsti máŋ də kumsi ɗaw; a haa karman bə minti paapa kir ji ba.

ROMEŊ 1:29

Ku tərməyi wəra də ɗosə-ɗose də gidiirə kel kə gul-gulaŋ, də baymeleŋ, də həryəm, də sərkəŋ, də giidi gə yaakte cəərə kumsiŋ. Yə awte kumsi, yə jəəti gəbaŋ də kumsi, yə jəəti tiniini də kumsi, daana ku tərməyi saksaki bayməlaŋ cəərə kaŋa. Yə ceme gud kumsi,

ROMEŊ 6:13

Aŋ a yaake kəkəy a karman dəŋ anə məna bə ji baymele minti wə kolə la wəra karman bə joŋre bə kel kə gul-gulaŋ ba. Ana ɗaw ha'aŋ, aŋ haraŋ wəra dədərgə adordə meŋa tə kəm, aŋ ayə kusrəŋ la wəra keɗe a Pepeŋ kir minti wə jəə joŋre la dəərəŋ bə jəəti kel ɗekeriŋ.

ROMEŊ 6:6

Áŋ asə la wəra pisi minti, bə minti yə ɓəlnu wəra a kəbaŋ gə largaŋaŋ, hulum bə minti áŋ a jəŋ ajew bədoonaŋ, wə wəra bə ɓalə-ɓele duuru, kir minti kusrə áŋ bə hatə-hate də baymeleŋ a ji pəda daana minti áŋ a ji kafkam kə baymeleŋ pəda gəm.

ROMEŊ 7:23

Səma ten bə ase kel gaalaŋa bə ji joŋre gal giidəna gə minti bə duuri də kaayaŋ gə minti ten bə doo-de haa guudi də ɗiki dən. Kel gaalaŋ té gə minti ji joŋreŋ giidənaŋ, kolnon kafkam kə baymele bə minti cəərəna abay.

ROMEŊ 7:5

Bə minti áŋ a kəm bə ɗe a kusukiŋaŋ, ɗiki bə baymele bə ku tarmə áŋ a koloŋ də səɓaki haa gud ku giliŋa. Wə jəŋ joŋreŋ də áŋ daana cuuru awaŋ haa me bə kaŋ.

ROMEŊ 8:13

Jəəne minti aŋ ɗe haa guuduŋ, aŋ me yaŋ wəra. Səma aŋ awaŋ kel kə bayməlaŋ gə minti aŋ jəy a kusukiŋa ne wəra də Tiirə Pepeŋ, aŋ ji yaŋ dədərgə.

I KOREŊTƏŊ 5:1

Kaŋ bə waate wəra a koŋa keɗe minti kel kə dəglə-dəglə bə ji aduubə dəŋa. Sar dəglə taŋ kəyaŋ, koo nuutu kaa gə minti Pepeŋ paapa də diri baŋ, a wəra bayməla diri hasi ɗaw. Hulum guudəŋa haŋ mar buruŋ wəra.

I KOREŊTƏŊ 6:11

A dayday, sərdə kaa guudəŋa a bə jəəti haa kel teŋ gəm. Səma Tiirə Pepeŋ baadənaŋ baymele nəətiŋ wəra, a kolnoŋ wəra dəra'i a nuunu daana ɗeker duru, haa gud sam Barkaŋ Yeesu Kristu.

I KOREŊTƏŊ 6:13

Sərdəŋ waate pa minti kar kə hameŋ gə jəə-ji haa a giidim, daana giidim gə jəə-ji haa cəərə kar kə hameŋa gəm. Bədoona gəəzi, səma Pepeŋ ɗe a ɓalke kar té ɓasiŋ yaŋ wəra hõy. Səma kusuki də áŋ bə jəə-ji haa paapa minti áŋ jəə boobo la duuru ba. Wə haa kə Barkaŋ, kumna cuuru haa Barkaŋ gəm.

I KOREŊTƏŊ 6:18

Aŋ haa giidiŋ la wəra sar jəəti bə booboŋa! Baymele nayto bə minti hulum neke bə jəw keɗe, jəw karman dər kusuki du ba. Səma hulum bə jəəti booboŋ ɓalke kusru wəra neŋneŋ keɗe haa tó də kusru gadi faɗi.

II KOREŊTƏŊ 12:21

Gəəzi walka bə jəna minti ten bə ɗeŋ ne gerdeŋ naŋ, Pep katən ɗe a məlan cəərə kel kə kolon kese tiiniŋa ɗawmay, ten ɗe a kole bə laawe gud sərdə kaa ablaw gə minti raawaŋ də ji bə baymeleŋ, yə paapa bə kole kirki a kel neete gə zeɓə-zeɓeŋ, a anə beye bə *ku giliŋ warna keɗeŋ, a anə kel kə kes-keseŋ bə gəm.

GALATIŊ 5:24

Kaa gə minti teŋ wəra kə Yeesu Kristuŋ, yə ŋoryoŋ kusri bə hatə-hate də baymeleŋ warna haa ŋorye faɗi. Yə ŋoryoŋ wəra haa kar gə bayməlaŋ gə minti yə a bə bələya ablaw gəm. Yə ɓəlnəy wəra apəya də Yeesu a kəbaŋ gə largaŋa.

EFESIŊ 4:19

Keseŋ paapa də diri pəda gəm: yə vaŋ máŋ neete bə ji gidiirə baymeleŋa, bə ji kar kə dawə-deweŋa anə hãy faɗi.

KOLOSIŊ 2:11

Gud tepe nəətiŋa duuruŋ, aŋ koloŋ wəra kaa kə tantəraŋ gə camə-ceme. Paapa *jeme bə tanta də minti kaa kəsarkaŋ cəmaŋ ba. Taŋ haa də minti Kristu doonoŋ wəra ku səɓaki də baymele bə minti kusrəŋ a wəra bə hatə-hate duuruŋ. Kəya haa jeme bə tanta də minti wə jəmaŋ taŋ.

1 TESALONIKIŊ 4:3

Karman bə minti giidə Pepeŋ bəluŋ haa minti aŋ jəə la wəra *cetceti tiinu daana minti aŋ doo kusrəŋ la ku piwpiwa.

1 TESALONIKIŊ 4:5

Wə a yaake kusru bə he bəlam də ɗiki bə piwpiwa damdi kaa gə minti Pepeŋ paapa də diri baŋ həənu ana ba.

I TIMOTE 6:10

Gud maa mo, həryəm də soloy haa kəsar də kel kə bayməlaŋ keɗe. Sərdə kaa kəman yaŋ gud minti yə bele soloy ablaw tə bə moŋ, yə yaakaŋ kəkəy bə de bə gud Pepeŋ wəra, tərməyi koloŋ bə ɗəməya ablaw gud kel teŋa.

HEBEREŊ 12:16

Hulum a ji anə məna guudəŋa də karway ba, daana bə bay humi kosoŋ cəərə kar kə Pepeŋa damdi Ezo jəŋ ana bə gəm. Gud maa mo, cəərə hame bə kampa məna'i faɗi, wə gusuŋ boblo nuutuŋ wəra a siinu bə cuuruŋ duuru.

HEBEREŊ 13:4

Aŋ humi kosoŋ la cəərə kel gə minti Pepeŋ wəətənəy cəərə kuli bə veŋa, daana hulum koŋkor mo, həlgə mo, a kele wəra taakawa ba. Gud maa mo Pepeŋ bə ɗe a jeme kəəti də kaa kə karway, də kaa kə ji piwpiw gəm.

HEBEREŊ 13:5

Aŋ a yaake soloy bə kole cəərəŋa kumna ba. Aŋ doo haa la də karman bə minti kaasəŋa hebkənaŋ, gud bə minti Pepeŋ də kusru waataŋ wəra minti: «Ten yaakam wəra ba, ten bəyam warna bə gəm.»

ZAKI 4:1

Awəy daana gəbaŋ bə minti awte kaasəŋaŋ, kəsar di feke haa da ane də mo? Kəsar di feke da haa a ɗiki nəəti bə baymele bə minti saksaki bə duuri də kusuki dəŋ.

I PIYER 2:11

Gədaarənti, aŋ gə minti cəərə seŋkaŋa kəna bə kə irku ana, bə kaa gə minti bəŋ cəərə a gəryi ana'iŋ, ten bə waataŋa wəra anə kaŋkaŋ minti: aŋ a yaake kusrəŋ a kar gə minti giidəŋ bələy pəda, gud maa mo, kar teŋ bə golde haa minti té awe dədərgə də minti Pepeŋ aynaŋ dəŋ wəra.

VEƊE 21:8

Kə kaa gə minti gəgan-gəgani a de neeteŋaŋ, gə bay deŋ, gə jəəti kel kə zeɓə-zeɓeŋ, gə minti awtaŋ titiŋ, gə booboŋ, gə jəəti zal, gə ke awalna a kar gə minti yə guluy pepe neeteŋ, daana gə ŋete kel keɗe, yə bə vay yaŋ a daŋgaya a ko bə cəwa də sufrə hərhəraŋa, haa me bə ɓasiŋ.»

VEƊE 22:15

Səma kaa gə minti jəəti kel gə zeɓə-zeɓeŋ, zal, booboŋ, awte titiŋ, ke awalna a kar gə minti yə guluy pepe neeteŋ, hataŋ kusri wəra bə ŋete kelaŋ, kaa teŋ keɗe yə yaake wəra tiilima.