KOLOSIŊ 3:3 - JAA TƏMARWAŊ

³ Gud maa mo, aŋ wəra haa damdi gə mee-me ana. Dədərgə dəŋ də gəəzə-gəəziŋ wəra də ŋoyə-ŋoye kasi Pepeŋa də kə Kristuŋ.

KOLOSIŊ 3:3 Iomraidhean Croise

MATIYE 11:25

A ko toŋa kəya, Yeesu əsəŋ bə toose, wə minti: «Ten tokɗom Abaŋ, Bərdə ko bə apəyaŋ də ko bə adawraŋ, gud bə minti tam meteŋ kel teŋ wəra dər kaa kə asə-aseŋa daana dər kaa gə minti də ciiriŋa, səma tam vəɗnəy wəra a kəmar koncoŋ.

Kel pəsaŋ kəmarwaŋ gə minti Zaŋ jiiriniy 14:19

Isi kəna sawəwaŋ, kaa gə cəərə seŋkaŋ bə asan pəda, səma aŋ teŋ ha'aŋ, aŋ bə asan yaŋ, gud bə minti aŋ bə asan caw dədərgə, aŋ bə ji yaŋ zugi gəm.

Kel pəsaŋ kəmarwaŋ gə minti Zaŋ jiiriniy 3:16

Gud maa mo Pepeŋ bəlaŋ kaa gə adawraŋ wəra kə ablaw. Gud teŋa ta, wə ayaŋ kurmuyu məna'iŋ da minti mindi mindi mo doŋ ne guuduŋ, wə a bese wəra ba, səma wə falə nuutu la haa dədərgə də bay teweŋ.

Kel pəsaŋ kəmarwaŋ gə minti Zaŋ jiiriniy 4:14

Səma hulum bə minti se kan gə minti ten bə əyu duŋ, kinkin daw hõy pəda anə ceki. Kan té gə minti ten bə əyu duŋ, yə kole giidu damdi kəsar də kan gə minti ãye warda də səɓakiŋ ana. Teŋ haa kan gə aye dədərgə də bay teweŋ.»

Kel pəsaŋ kəmarwaŋ gə minti Zaŋ jiiriniy 5:21

Damdi Barən pəəti kaa kə mee-meŋ wəra wə hərəy wəra dədərgə zugiŋ ana, ten gəm, ten aye dədərgə yaŋ a mindi mindi mo damdi giidən bəlaŋ anaŋ gəm.

Kel pəsaŋ kəmarwaŋ gə minti Zaŋ jiiriniy 5:24

Gəəzi, gəəzi, ten waataŋ, hulum bə minti iski kel gə minti ten wəətəy, wə doŋ ne gud Barən bə minti gaanan daŋ gəm, hulum toŋ fəlaŋ dədərgə də bay teweŋ ne wəra ɗaw. Kəəti daw pəda, wə cakɗaŋ da ne warda cəərə meŋ da, wə máŋ wəra a dədərgəŋa ɗaw.

Kel pəsaŋ kəmarwaŋ gə minti Zaŋ jiiriniy 5:40

Də teŋ keɗe, aŋ ɗempa a bi sarəna ba minti aŋ falə dədərgə də bay teweŋ laŋ.

ROMEŊ 5:10

A dayday bə minti áŋ a kəm acukur də Pepeŋ, wə haraŋ bə tepe áŋa duuru də me də Kurmuyuŋ. Bədoona ta minti áŋ wəra gə tapə-tepe duuruŋ, wəra cəərə áŋa faɗi minti wə ɗe a de ku seere áŋ yaŋ wəra gud bə minti Kurmuyuŋ dədərgə caw gəm.

ROMEŊ 5:21

Bədoona ana, damdi baymeleŋ a jəŋ cəərə kaŋa abay bə ɗe diiri a meŋa anaŋ, də kəkəy bə minti Pepeŋ kole kaŋ wəra duru ɗeker, pisi bə minti wə jəw ciiriŋ, ji ciiri abay bə ɗe diiri a dədərgə də bay teweŋa gud Yeesu Kristu Barkaŋ náŋa.

ROMEŊ 6:11

Bədoona ana, aŋ gəm ha'aŋ, aŋ golə kusrəŋ la damdi me dəŋ wəra bə ɓarsə-ɓarse dəərəŋ də baymeleŋ ana daana aŋ máŋ dədərgə haa a Pepeŋ gud tepe nəətiŋa də Yeesu Kristu.

ROMEŊ 6:2

Paapa anə ceki! Me bə minti áŋ miinuŋ cəmaŋ adəwaldə áŋ wəra də baymeleŋ tə bə moŋ, áŋ neke bə raawe duru naanaanə mo?

ROMEŊ 8:2

Gud maa mo Tiiru Cetcetaŋ də minti aye dədərgəŋ a kaŋ gud tepe neeteŋa də Yeesu Kristuŋ, abay cəərəna haa tá, daana doonon wəra ku abay kə baymele bə minti bə əsə-isi cəərəna bə ɗe a məlan a meŋa, haa tá gəm.

I KOREŊTƏŊ 15:45

Gud maa mo wəra bə jeerə-jeere giidə Kefter kə Pepeŋa minti: Pepeŋ jəŋ hulum bə ajew, Adam, karman bə minti caw dədərgə. Kə Adam bə adoroŋ, Kristu, wə haa karman bə minti a tiiruŋa bə aye dədərgəŋ a kaŋ.

I KOREŊTƏŊ 2:14

Hulum əsəŋ ne cəərə ase nuutuŋa təwaŋ, wə neke bə de haa də karman bə minti bəŋ sar Tiirə Pepeŋ daŋ ba. Karman toŋ gole wəra duru haa karman bə tiniini faɗi. Jəəne minti Tiirə Pepeŋ paapa duuru baŋ, wə neke bə usku guudu ba, wə neke bə ase disi duŋ bə gəm.

II KOREŊTƏŊ 5:14

Gud maa mo, bə zogte gud are ada haa bele kə Kristuŋ, gud bə minti are gə asə-ase cəərə are wəra kaŋkaŋ minti hulum məna meŋ wəra gud kaŋa keɗe. Bədoona kəya, kaŋ wəra keɗe gə mee-me haa duuru.

II KOREŊTƏŊ 5:7

Haa bə waate minti are bə ɗe paapa gud karman bə minti are bə əsuŋ ba, are bə ɗe haa gud de naareŋa.

GALATIŊ 2:20

Səma, bə hebkənaŋ, ten kəm caw dədərgə. Bədoona ta, ten paapa cəərə kusrəna ten pəda, Kristu máŋ cəərəna haa tó. Karman bə minti ten jəw dər caw dəna hebkəna, haa bə de gud kormə Pepeŋ bə minti balnan daana bə minti ayaŋ kusru wəra a meŋ a koɗonaŋ.

EFESIŊ 3:9

Hel də minti Pepeŋ doŋ ku karman bə minti wə a ɗəkəŋ bə jəw dəərəŋ, ten kir vaɗa wəra a kaŋ keɗe. Pep tó bə minti jəŋ kar keɗeŋ, wə a metna a ɗiki du da warda hãã,

FILIPIŊ 4:7

Bədoona ta, kəkaɓi nuutu də minti kel dəŋ dəŋaŋ ɗiki də áŋ wəraŋ, amaŋ ku tarməyaŋ daana ɗiki dəŋ yaŋ, gud bə minti aŋ haa kasi Yeesu Kristuŋ.

KOLOSIŊ 1:5

De toŋ daana bele toŋ bə əsə-isi haa cəərə karman bə minti Pepeŋ bə ɗokoŋ dəŋ na apəya naŋ. Haa karman bə minti aŋ wəra gə malə-mele ɗiki dəŋ cuuruŋ. Bə minti yə waatənaŋ kel kə gəəziŋ wəraŋ, *Kel pəsaŋ kəmarwaŋ, aŋ fəlaŋ ɗiki dəŋ tó bə malə-meleŋ haa də ko toŋ faɗi.

KOLOSIŊ 2:20

Aŋ wəra gə mee-me də Kristu daana aŋ wəra gə bədə-bidi ku səɓaki kə kəwal gə minti gə əsə-isi kəkamna cəərə seŋkaŋaŋ. Bədoona ana tə kəm, aŋ bə ji kusrəŋ damdi aŋ kəm kir kasi kar té gə cəərə seŋka ana, bə tope haa də sar ku gili tó kay-kayiŋ minti:

KOLOSIŊ 2:3

Hel daana ase bə kel gə kəəsuŋ keɗe, aŋ fələy gə metə-mete haa sar Kristu; yə haa hurma mooto-mooto.

KOLOSIŊ 3:4

Dədərgə dəŋ də gəəzə-gəəziŋ haa Kristu faɗi. Bə minti wə vəɗaŋ kusru ne ateŋaŋ, aŋ veɗe yaŋ wəra duuru keɗe dər məyan nuutuŋa.

HEBEREŊ 7:25

Gud teŋa ta, wə bə nakə-neke bə seere kaa gə minti gə zee-ze sar Pepeŋa maŋ kir kəəsuŋ wəra bə faɗnə-faɗna, gud bə minti wə saksaki caw dədərgə bə waate kela tiinə Pepeŋa gud kel diŋ.

I PIYER 3:4

Ana ɗaw ha'aŋ, aŋ ayə ɗiki dəŋ la minti pəsaŋ dəŋ jəə da haa ku tarməyaŋ da aker da. Aŋ jəə la bə ji kese də kaŋa daana aŋ jəə la sããya, gud bə minti teŋ haa kar gə koloŋ pəsaŋ gə minti tewe hõy ba daana gə minti de dər Pepeŋ ablaw.

I PIYER 4:2

Də ko toŋ kəya faɗiŋ, dər ko bə minti aŋ bə ji yaŋ duru lam adawra kənaŋ, aŋ raawə la máŋ bə ji na haa karman bə minti giidə Pepeŋ bəluŋ, aŋ a ji karman bə giidəŋ beleŋ pəda.

I ZAŊ 3:2

Aŋ gə minti giidən bəlaŋ ablaw, áŋ wəra hebkəna karmə Pepeŋ. Áŋ bə kole yaŋ dər hi toŋa naanaanə moŋ, gud teŋ kəm bay ge wəra. Səma áŋ asaŋ náŋ haa minti, dər hi bə minti Kristu pəŋ duru neŋ, áŋ kole yaŋ wəra damdi tó ana, gud bə minti áŋ bə əsu yaŋ wəra bədoona tó dege'-dege'i faɗi.

VEƊE 2:17

Tam hulum bə minti kosnom adaŋ, jeɓrə kel gə minti Tiiru Cetcetaŋ bə wəətiya a kaa kə Tapiŋ la pisi. Hulum bə minti pəŋ bulum neŋ, hame bə minti yə məntu «man» bə metə-meteŋ, ten əyu du yaŋ. Pərki gibirwi bə minti sam kimirwiŋ bə jeerə-jeere cuuruŋ, ten bə əyu du gəm. Sam kimirwi toŋ haa də dər hulum bə minti fəlaŋ pərki toŋ neŋ təwa.›»