KOLOSIŊ 3:16 - JAA TƏMARWAŊ

¹⁶ Kel kə Kristuŋ, də fele bə guudi ada anə keɗe, jəə la aduubə dəŋa. Aŋ hatə kumsəŋ la, aŋ kaa dər kumsəŋ la cəərə kəkəy pisiŋa də ase bə minti wəra kaŋkaŋ. Aŋ gaa gudul la a Pepeŋ də ku tarməyaŋ keɗe daana də ji bə suuseŋ ada gəm. Aŋ gaa la haa gudul bə tokɗe Pepeŋ, gudul bə waate sam Kel kə Pepeŋ, gudul bə minti aŋ cəmnu də səɓaki kə Tiiru Cetcetaŋ gəm.

KOLOSIŊ 3:16 Iomraidhean Croise

MATIYE 26:30

Yə gaŋ gudul bə Pakiŋ gaa kəyaŋ, yə vaŋ warda bə koore cəərə *pərki bə minti yə məntu Oliviyeŋ.

LIKI 2:51

A ko toŋa kəya, Yeesu kooroŋ guudi Nazareti; wə bə doy kuya saksaki. Nuru doŋ kel teŋ keɗe ku tarməya.

Kel pəsaŋ kəmarwaŋ gə minti Zaŋ jiiriniy 15:7

Aŋ jəəne gə gargə-garge sarəna daana kel katən jəəne sarəŋa garge gəm, karman bə minti aŋ də caaduŋ keɗe, aŋ məntu la, aŋ fəlu yaŋ.

ROMEŊ 10:17

Aŋ asaŋ ne, aŋ fele deŋ haa gud əski bə kel kə waatə-waateŋa wəra, kel té gə minti waate wəra cəərə Kristuŋ faɗi.

ROMEŊ 15:14

Kəsaananti, ten toŋ wəra bə asə-ase cəərəna kaŋkaŋ minti aŋ haa kaa kə ji pisi ablaw faɗi daana minti ase bə kar keɗe bə minti aŋ kir əsuŋ, aŋ gə asə-ase duuru. Aŋ gə nakə-neke bə keye kumsəŋ də kel kə waate gəm.

I KOREŊTƏŊ 14:15

Bədoona ana, ten kir ji naanaanə mo? Ten toose yaŋ də ku karman bə minti kaŋ uskunu hõy baŋ, ten toose yaŋ də ku karman bə minti kaŋ uskuŋ gəm. Ten ge gudul yaŋ də ku karman bə minti kaŋ uskunu hõy baŋ, ten ge gudul yaŋ də ku karman bə minti kaŋ uskuŋ gəm.

I KOREŊTƏŊ 14:26

Kəsaananti, kel waate haa minti harmə mo? Bə minti aŋ təpaŋ neŋ, ɗalba hulum yaŋ də gudul ku, naytoŋ də kel kə Pepeŋ bə hətəy, baalaŋ də karman bə minti Pepeŋ a vəɗnu wəra, baalaŋ pa waate nuutu haa kel də ku karman bə minti kaŋ uskunu hõy baŋ, naayaw toŋ ada joge ku karman toŋ wəra də ku kaŋ gəm. Kel gə minti aŋ jəy keɗe, yə jəə la haa bə si kaa kə Tapiŋ a deŋa.

EFESIŊ 1:17

Ten bə mante kasi Pep kə Barkaŋ náŋ Yeesu Kristuŋa, Aba bə minti bobloŋ nuutuŋ, minti də Tiiru Cetcetaŋ nuutuŋ, wə ayaŋ né bə minti vəɗu wəra a nəənəŋ la daana bə minti gaŋ dərəŋ la wəra cuuru kaŋkaŋ.

EFESIŊ 5:17

Gud teŋa ta, aŋ a ji damdi kaa kə bay ɗikiŋ ana ba. Ana ɗaw ha'aŋ, aŋ bandə la bande bə əski gud kel gə minti giidə Pepeŋ bele minti aŋ jəy la.

EFESIŊ 5:19

Aŋ teŋə dər kumsəŋ la də gudul bə tokɗe Pepeŋ, də gudul bə waate sam kel kə Pepeŋ, daana də gudul bə minti aŋ cəmnu də səɓaki kə Tiiru Cetcetaŋ. Aŋ gaa gudul la ta, aŋ tokɗə Barkaŋ la wəra də ku tarməyaŋ soki məna.

EFESIŊ 5:26

kir minti tó kuluy wəra *cetceti də kan daana də kel kə Pepeŋ, minti yə nakə la bə kole wəra kə tó.

KOLOSIŊ 1:28

Bədoona ana, are bə waate wəra a kaŋ keɗe haa sam Kristu toŋ də gidiirə hel də minti are gə nakə-neke bə jəərəŋ. Are bə ge kosnə mindi mindi mo daana bə hətu kir minti wə kolə la wəra bə doo-de ku a tiiruŋa gud tepe nuutuŋa də Kristu.

KOLOSIŊ 1:9

Gud teŋa ta, are saksaki bə toose cəərəŋa hãã də hi bə minti are əskənəŋ səmaŋ. Are bə waate Pepeŋa minti wə gaŋ dərəŋ la wəra kaŋkaŋ cəərə kel gə minti giidu bələy, cəərə hela daana zuuri bə kel gə minti Tiiruŋ əyəy.

KOLOSIŊ 4:6

Kel nəətiŋ jəə la saksaki haa də anul guudi, yə jəə la dəsəŋ daana aŋ asə hare bə kel la a mindi mindi mo haa də hel pəsaŋ.

1 TESALONIKIŊ 1:8

Kel kə Barkaŋ gə minti duusuŋ warda gerdeŋ daŋ bəsaŋ haa paapa giidə seŋka də Masedəwana daana Akay təwa ba. Kel gə cəərə de nəəti bə gud Pepeŋ duusuŋ warna giidə koŋ na lam naŋ keɗe, paapa kir minti are wəətu səmu la me'i pəda.

1 TESALONIKIŊ 4:18

Kəya aŋ teŋə dər kumsəŋ la aduubə də kumsəŋa də kel teŋ.

II TESALONIKIŊ 3:15

Səma aŋ a jəw damdi wə acukur dəŋ ana ba, aŋ kaw kusnu la bə seeneŋ ana.

I TIMOTE 6:17

Kaa gə minti də hurma kəna cəərə seŋkaŋa, wəətəy la minti yə a teke cəərə kusri apəya gud hurma neeteŋa ba, daana minti yə a mele ɗiki di cəərə hurma də bay bəlam dəŋa ba. Yə malə ɗiki di la ɗaw haa cəərə Pepeŋa bə minti aye kar wəra keɗe ablaw a áŋ minti áŋ waalə la diiri.

II TIMOTE 3:15

Bədoona ana, a konce dəm də hãã faɗiŋ, kefter kə Pepeŋ də dərəm. Wə bə nakə-neke kirka ayam hel də minti ɗe a məlam a fele seereŋ gud de nəmti bə gud Yeesu Kristuŋa.

TITI 3:6

Tiiru taŋ ha'aŋ, Pepeŋ duusənə wəra cəərə áŋa ablaw də Yeesu Kristu Hulum bə seere áŋ,

ZAKI 1:5

Jəəne minti hulum kəman yaŋ adəwaldəŋa minti hel də zuuri kel kirpunuŋ, wə mantəta la kasi Pep bə minti aya wəra anə hóy a kaŋ keɗe bay gəbaŋ adaŋ.

ZAKI 3:17

Səma ase bə zuuri kel bə minti bəŋ sar Pepeŋ daŋ, wə paapa bədoona ba. Hulum bə minti də ase tóŋ, ajew faɗi, wə hulum *cetceti, wə hulum bə arse ku kel, wə hulum sããyi daana paapa də tete ba. Wə ji giidu pəsaŋ sar kaa ablaw daana wə ji haa kel pəsaŋ saksaki. Wə ceme dər kaa ba, wə waate kel paapa ku kəna təwa bə gəm.

ZAKI 5:13

Hulum kəman jəəne adəwaldəŋa bə leseŋ, wə toosə Pepeŋ la. Kumundu jəəne ada dər waaleŋ, wə gaa gudul la bə tokɗe Pepeŋ.

I ZAŊ 2:14

Kəmar koncoŋ, ten jeere a nəənəŋ gud bə minti Bar áŋ Pepeŋ də dərəŋ. Kaa kəmtəŋ, ten jeere a nəənəŋ gud bə minti aŋ asaŋ hulum bə minti a jəŋ warda hãã a mele bə gud koŋ daŋ. Kəmar kaalay, ten jeere a nəənəŋ gud bə minti aŋ də səɓaki. Kel kə Pepeŋ gə əsə-isi giidəŋa saksaki daana aŋ pəŋ bulum wəra cəərə Nər Sərkəŋaŋ.

I ZAŊ 2:24

Gud teŋa ta, kel gə minti aŋ a iskini warda hãã a de dəŋ bə gud Pepeŋ daŋ, yə əsə la giidiŋa saksaki. Kel té gə minti aŋ a iskini wardaŋ jəəne gə əsə-isi giidiŋa saksakiŋ, aŋ ji yaŋ gə tapə-tepe də Kormə Pepeŋ, də Bar áŋ Pepeŋ saksaki gəm.

I ZAŊ 2:27

Səma nəətiŋ, aŋ paapa də taynə hulum baalaŋ bə hataŋ ba, gud bə minti ku tarməyaŋ wəra də doo-de də Tiiru də minti Kristu a aynaŋ dəŋ, a giidəŋa. A bə hataŋa cəərə kara keɗe. Kel gə minti a bə hataŋ dəŋa ha'aŋ, yə gəəzi, ceme bə tete paapa ada ba. Gud teŋa ta, aŋ jəə la gə tapə-tepe də Yeesu Kristu, damdi Tiiruŋ a hatnaŋ ana.

II ZAŊ 1:2

Are bəlaŋ gud bə minti gəəziŋ bə əsə-isi ku tarmə áŋa, wə isi yaŋ ada saksaki.

VEƊE 14:3

Kaa 144.000 gə əsə-isi tiinə jaaŋa də kumnaŋa, tiinə kar waaɗe'iŋ gə dədərgəŋa, tiinə kaa kəmtəŋ gə tiinə kaŋa gəm. Yə gaŋ gudul kimirwi bə minti hulum baalaŋ nəkaŋ bə hətu ba, hətnu haa kaa té gə minti wə miɗniy ciiri warda adawra daŋ təwa.

VEƊE 15:3

Yə bə ge gudul kə *Moyisiŋa, hulum bə joŋre kə Pepeŋ, daana gudul kə Kormə Taaməkaŋ gəm minti: «Barkaŋ Pepeŋ, Bar Səɓakiŋ, joŋre nəmtiŋ boblo, wə bə ŋili kaa kas pisi duŋ. Kumna kə gidiirə kaŋ, gədəəgi də kel nəmtiŋ wəra ɗeker, yə gə tapə-tepe də gəəziŋ.

VEƊE 19:10

Kəya ten vaŋ də gəgəərən tiinə hulum bə digiŋa bə kaw awalna, səma wə waatənan minti: «A ji teŋ ba! Ten haa hulum bə joŋreŋ damdi tam daana kəsaanam ana toki gə minti doŋ gud kel gə minti Yeesu a jəŋ bar kəkəy diŋ. Kaa awalna la haa a Pepeŋ!» Gud maa mo kel gə minti Yeesu jəŋ bar kəkəy ciiriŋ, haa kel gə minti Pepeŋ kəltənəy warda ku *kaa kə jogte ku mini nuutu daŋ.

VEƊE 5:9

Yə bə ge gudul kimirwi bə tokɗe Kormə Taaməkaŋa minti: «Tam bə nakə-neke bə he kefter, daana bə poke kaknay gə kuŋ wəra. Gud maa mo yə awnam wəra bə ji keereŋ, tam məɗəŋ cəərə kaŋ a Pepeŋ də kor dəm gə aduubə də kaasaw də kaŋ keɗe, ku kaŋ keɗe, gidiirə kaŋ keɗe, gə giidə seŋkaŋ keɗe gəm.