KOLOSIŊ 3:12 - JAA TƏMARWAŊ

¹² Pepeŋ ŋamnaŋ wəra minti aŋ jəə la kaa kə tó daana wə balnaŋ tə pə moŋ, jəə la sarəŋa haa ase bə caadə kumsəŋ, ji bə giidiŋ pəsaŋ sar kumsəŋaŋ, hare bə cəərə kusrəŋ bə adawraŋ, talma sããyaŋ, daana mi bə ku kel.

KOLOSIŊ 3:12 Iomraidhean Croise

MATIYE 24:22

Pepeŋ a ɗəkə la bə hare hiti bə ablaw toŋ wəra adoro baŋ, hulum sə a deŋe wəra anə məna ba. Səma gud kaayaŋ gə minti wə a ŋəmnəy, wə həru yaŋ wəra adoro.

MATIYE 24:24

Gud maa mo kaa gə minti ji kusri minti té kəna Kristu, Hulum bə minti Pepeŋ ŋəmnuŋ, kumundu ba kaa kə jogte ku mini kə Pepeŋ, bə pi diri yaŋ ablaw. Yə jəəti kar kəmtəŋ gə ŋili kaŋ yaŋ bə ge dər minti haa də səɓaki kə Pepeŋ, daana yə jəəti miɗi kəmtəŋ yaŋ gəm kir minti té sə a nakə laŋ, koo kaa gə minti Pepeŋ ŋəmnəy wəra a kusruŋ, té sə a ləŋəy wəra.

MATIYE 24:31

Kəya, bə minti atoltom mootoŋ hagaŋ neŋ, wə ve *kaa kə digi nuutuŋ yaŋ wəra agev də seŋkaŋa waaɗe keɗe, a ko bə minti a məlaŋ guudə hãã warna a ko bə minti a haŋ ku adaŋ, bə tepe cəərə kaa gə minti Pepeŋ a ŋəmnəy wəraŋ a ko bə məna.

MARKƏ 13:20

Barkaŋ a ɗəkə la bə hare hiti bə ablaw toŋ wəra adoro baŋ, hulum sə a deŋe wəra anə məna ba. Səma, gud kaayaŋ gə minti wə a ŋəmnəy wəra minti yə jəə la kə toŋ, wə hərnu wəra adoro.

MARKƏ 13:22

Gud maa mo, kaa gə minti bə ji kusri yaŋ minti té kəna Kristu, Hulum bə minti Pepeŋ ŋəmnuŋ, kumundu ba *kaa kə jogte ku mini kə Pepeŋ, bə pəəti diri yaŋ ablaw. Yə jəəti kar gə ŋili kaa yaŋ bə ge dər minti haa də səɓaki kə Pepeŋ, daana yə jəəti miɗi yaŋ gəm kir minti té sə a nakə laŋ, kaa gə minti Pepeŋ ŋəmnəy wəra a kusruŋ, té sə a ləŋəy wəra.

MARKƏ 13:27

Kəya wə ve *kaa kə digi kə Pepeŋ yaŋ wəra agev də seŋkaŋa waaɗe keɗe, a ko bə minti a məlaŋ guudə hãã warna a ko bə minti a haŋ ku adaŋ, bə tepe cəərə kaa gə minti Pepeŋ a ŋəmnəy wəraŋ a ko bə məna.

LIKI 1:78

Gud pisi boblo kə Pep náŋa, wə wele pəɗaki yaŋ warda apəy da cəərə áŋ da damdi minti cəwaŋ daage wardaŋ ana,

LIKI 18:7

Golə la kəm, Pepeŋ bə jeme kəəti kə kaa gə minti wə vərnəy, bə minti bə naakte kuya a nuunu daaway də duugŋ bə mo? Wə mi yaŋ bay jəməy tulul di mo?

ROMEŊ 1:7

Ten jeere kefter toŋ haa a aŋ gə giidə vil də Rom, aŋ gə minti giidə Pepeŋ bəlaŋ keɗeŋ, daana wə mantənaŋ wəra minti aŋ jəə la kaa kə toŋ. Pisiŋ, də kəkaɓiŋ kə Bar áŋ Pepeŋ daana kə Barkaŋ Yeesu Kristuŋ jəə la cəərəŋa!

ROMEŊ 13:14

Aŋ ganə la haa də Barkaŋ Yeesu Kristu. Aŋ yaakə ɗiki bə kar gə minti kusrəŋ bə hatə-hate də baymeleŋ bele minti aŋ jəy laŋ la faɗi.

ROMEŊ 9:11

Pepeŋ a waatəna wəra minti: «Kurmiyi bobloŋ ɗe a kole bə ji joŋre a nayto konceŋ.» Wə waataŋ kel teŋ ha'aŋ də bə minti yə a kəm bay weŋ ɗaw, kəya yə jəŋ karman pisi mo, baymele mo, kəm paapa. Wə jəŋ bədoona haa bə ge dər minti tó ŋəmaŋ beebe məna gud karməya té ɓasiŋa haa gud ɗiki nuutu bə minti wə a həənu wardaŋ. Bədoona ta, Pepeŋ kumna cəərə ŋeme bə kaa nuutuŋa. Wə ŋəməy paapa gud karman bə minti yə juunu ba, wə ŋəməy haa gud bə minti wə a bəlaŋ məntəy warda a kusru bədoona anəkay faɗi.

I KOREŊTƏŊ 13:4

Hulum bə minti bele kaŋ, wə mi ku kela, wə sããya, giidu hətu cəərə huluma ba, wə ufi ku ba, wə he cəərə kusru apəya bə gəm.

II KOREŊTƏŊ 6:6

Ɗe də are cetceti, ase bə kar sar are, are mi ku kela, are ji pisiŋ sar kaŋa, are də Tiiru Cetcetaŋ giidə are, are bele kaŋ tarmə are wəra soki məna.

GALATIŊ 5:6

Bədoona taŋ, kə áŋ kaayaŋ gə minti wəra gə tapə-tepe də Yeesu Kristuŋ, tantar áŋ jəəne nuutu wəra də camə-ceme, ɗalba a bay ceme, kel paapa ada ba. Kel kəmtəŋ haa minti áŋ jəə la gə doo-de guudu, kəya áŋ neke yaŋ bə bele kaa kaayaŋa.

EFESIŊ 1:4

Gud maa mo, ajew də minti Pepeŋ jəŋ seŋkaŋ, wə ŋamtaŋ áŋ minti áŋ jəə la wəra kaa kə tó gud Kristu, kir minti áŋ jəə la wəra dər tó cetceti daana bay kel sar áŋa.

EFESIŊ 4:2

Aŋ a golde he bə cə bə apəya ba, aŋ jəə la sããya sar kumsəŋa, aŋ jəə la bə mi ku kela, beleŋ jəə la ku tarməyaŋa bə hale kumsuŋa aduubə dəŋa.

EFESIŊ 4:24

Aŋ darə tiirəŋ təmarwaŋ la cəərəŋa, tiirəŋ tá də minti Pepeŋ a jəənə bə tó ana'iŋ, kir minti ɗe dəŋ tapə la də kel kə gəəzə-gəəziŋ. Kel teŋ haa minti ɗe dəŋ jəə la wəra ɗeker daana *cetceti.

EFESIŊ 4:32

Aŋ jəə la sar kumsəŋa sããya, aŋ asə caadə kumsu la, aŋ vəəgə giidiŋ la wəra cəərə kumsəŋa, damdi Pepeŋ vəəgi giidu wəra cəərəŋa gud tepe nəətiŋa də Kristuŋ ana gəm.

FILIPIŊ 1:8

Gəəzi, Pepeŋ bə asə-ase minti ten bə bəlaŋa keɗe haa də bele kə Yeesu Kristuŋ.

KOLOSIŊ 3:10

Aŋ koloŋ hebkəna damdi kaa kəmarwaŋ ana faɗi. Pep bə minti a jəənəŋ, kolnoŋ wəra kəmarwaŋ haa tó. Wə bə ji joŋre sarəŋa saksaki bə koloŋ wəra damdi tó ana kir minti aŋ nakə la bə əsu wəra kaŋkaŋ.

1 TESALONIKIŊ 5:15

Aŋ amə kusrəŋ la pisi, kir minti mindi mo guudəŋa a werke baymeleŋ də kumsu baymeleŋ ba, səma aŋ goldə la haa saksaki ji bə pisiŋ aduubə də kumsəŋa daana sar kaŋa keɗeŋ gəm.

II TIMOTE 1:9

Pepeŋ seereŋ áŋ wəra haa tó, daana wə mantaŋ áŋ wəra minti áŋ kolə la wəra kaa kə tó. Wə jəŋ teŋ gila keɗe haa paapa gud joŋre náŋ pisi bə minti áŋ a juunu ba, səma gud minti wə bəlaŋ bədoona ana daana wə jəŋ pisiŋ sar áŋa. Wə jəŋ giidu pəsaŋ wəra cəərə áŋa gud Kristu Yeesu wəra hãã ajew də mele bə gud koŋa.

II TIMOTE 2:10

Gud teŋa ta, ten de haa də lasiŋ keɗe ha'aŋ, gud kaa gə minti Pepeŋ vərnəy wəraŋ, kir minti té də kusri nakə la bə ape seere bə minti kasi Kristu Yeesuŋ, daana yə vaa la dər məyan nuutu də bay teweŋa.

TITI 1:1

Jeere kefter toŋ kəya haa ten Pol, hulum bə joŋre kə Pepeŋ, daana bə *gaa-ge kə Yeesu Kristu bə waate kela də səmuŋ. Pepeŋ əsnən minti ten ɗee la a keye kaa gə minti wə vərnəy wəraŋ, minti yə doo la guudu daana minti ten gay diri la wəra cəərə gəəzi də ɗe náŋ bə minti giidə Pepeŋ bəluŋ,

I PIYER 1:2

Aŋ haa kaa gə minti Pep Bar áŋ ŋamtənaŋ gud ɗiki nuutu bə minti wə a ɗuknu warda hãã cəərəŋ da. Wə əsnəŋ wəra dəra'i a kusru də səɓaki kə Tiiru Cetcetaŋ, kir minti aŋ doo ku Yeesu Kristu la daana minti aŋ jəə la wəra gə poorə-poore də kor duŋ. Pisiŋ daana kəkaɓi kə Pepeŋ jəə la cəərəŋa pisi jəə!

II PIYER 1:10

Gud teŋa ta kəsaananti, aŋ ayə səɓaki la a kusrəŋ ada pisi aye kir minti də joŋre nəətiŋ, aŋ əsə la ŋəŋ cəərə mante bə minti Pepeŋ mantənaŋ duuru daana minti wə varnaŋ warda minti aŋ jəə la kə toŋ. Aŋ jəəne bə jəəti bədoonaŋ, aŋ neke bə awte bə yaake de nəətiŋ wəra pəda.

I ZAŊ 4:19

Náŋ ha'aŋ, áŋ ji beleŋ gud bə minti Pepeŋ bəlaŋ áŋ ajew haa tó.

II ZAŊ 1:13

Karmə nəwri də minti Pepeŋ ŋamnaŋ bə mirkiya.

VEƊE 17:14

Bege bə waraŋ də kəkamna horiŋ duuri Kormə Taaməkaŋ yaŋ. Kormə Taaməkaŋ bə pi bulum yaŋ ciiri gud maa mo wə haa Barkaŋ kə kəmnə də kaŋ keɗe, wə haa Kumna kə kəkamnaŋ. Kaa gə minti Pepeŋ məntənəy, gə minti wə a ŋəmtənəy daana kaa ɓetiŋ bə pi bulum yaŋ duuru keɗe.»