KOLOSIŊ 3:11 - JAA TƏMARWAŊ

¹¹ Gud teŋa ta, hulum jəəne nuutu bə Ziwifiŋ, kumundu ba paapa bə Ziwifiŋ ba; tənturu jəəne də jamə-jeme, kumundu ba a bay jeme; wə jəəne nuutu hulum bə dəhãy, kumundu ba hulum bə seŋka də dərə də bay jeme; wə jəəne nuutu kafkam, kumundu ba paapa kafkam ba, ceme bə dər paapa a ko toŋa pəda. Kel máŋ haa Kristu ŋel məna faɗi: wə haa karman bə daŋə-deŋe kumsuŋ, wə giidə kaa gə minti doŋ guuduŋ keɗe gəm.

KOLOSIŊ 3:11 Iomraidhean Croise

Kel pəsaŋ kəmarwaŋ gə minti Zaŋ jiiriniy 14:23

Yeesu minti: «Hulum bə minti bəlan, wə humi kosoŋ yaŋ cəərə kel gə minti ten wəətəy, daana Barən bə bəlu yaŋ. Are də Barən, are bi yaŋ a isi giidə hulum toŋa.

Kel pəsaŋ kəmarwaŋ gə minti Zaŋ jiiriniy 15:5

Ten haa kəbaŋ gə atələələma, aŋ haa kaasa gəm. Hulum bə minti bə gargə-garge sarəna daana ten bə gargə-garge suru gəm, wə bə ji kar pəsaŋ ablaw gud maa mo bay ten, aŋ neke bə ji karman ba anə hasi.

Kel pəsaŋ kəmarwaŋ gə minti Zaŋ jiiriniy 17:23

Kel teŋ haa minti ten bə tapə-tepe diiri, tam bə tapə-tepe dəərən gəm. Bədoona ana tepe neeteŋ ji yaŋ wəra bə doo-de ku kir minti kaa gə cəərə seŋkaŋ asə la minti tam gaanan da daana tam bə bələya damdi tam bə bəlanaŋ ana gəm.

JOŊRE 15:17

Bədoona ana taŋ, kaa kaayaŋ gə yaakə-yaakeŋ neŋneŋ keɗe hare diri yaŋ bə golde Barkaŋa, daana gidiirə kaa gə minti ten a məntənəy minti yə kolə la kaa katən bə guldu keɗe gəm.

JOŊRE 28:2

Kaa gə minti də kuliŋ adaŋ jəŋ are pisi ba ga'i ba. Kəya yə kuŋ cəwa mooto wəra a are anə ŋiɓ, yə mantaŋ are ku da bə bi a hoole gud bə minti koŋ əsəŋ bə hage daana wə əsəŋ bə ji kosõõyeŋ gəm.

JOŊRE 28:4

Bə minti kəmnə də seŋkaŋ asaŋ hənjiŋ də gaɓə-geɓe kasi Pola bədoona gaɓi tə pə moŋ, yə əsəŋ bə waate kumsi minti: «Hulum toŋ kəla, haa hulum bə awe kaa pal-pal. Gud maa mo wə seereŋ nuutu warda dər kan da, səma kəəti bə apəya duunu, wə ji caw bə faɗi.»

ROMEŊ 1:14

Ten kir ji joŋreŋ a kaŋ keɗe: a kaa gə giidə seŋka də dərə də jamə-jemeŋ, a kaayaŋ gə giidə nayta də dərə də bay jemeŋ gəm; a kaa gə asə-ase kefter, a kaayaŋ gə minti karman paapa də diri baŋ gəm.

ROMEŊ 10:12

Bədoona ana, hulum bə Ziwifiŋ paapa dəra'i də hulum bə minti paapa bə Ziwifi baŋ pəda: yə haa gud Barkaŋ bə məna bə minti ji pisiŋ bay gədəəgi du a kaa gə minti hare mante neeteŋ suruŋ.

ROMEŊ 3:22

Pepeŋ kole kaŋ duru ɗeker haa gud de neete bə gud Yeesu Kristuŋa. Wə ji də hulum mundu mundu mo bə minti doŋ neŋ haa bədoona ana, gud maa mo wə gole kaŋ gəga'-gəga'i

ROMEŊ 3:29

Kumundu ba, Pepeŋ haa Pep kə kaanə Ziwifi təwa mo? Wə paapa Pep kə kaa gə minti paapa gə Ziwifi baŋ bə mo? Ana ɗaw, wə Pep neeteŋ gəm,

I KOREŊTƏŊ 12:13

Gud maa mo áŋ keɗe, kaanə Ziwifi, paapa gə Ziwifi ba, kafkam, paapa kafkam ba, yə jəŋ batem a áŋ haa də Tiiru Cetcetaŋ tá də mənaŋ bə kole áŋ wəra kusrə hulum bə məna gəm. Pepeŋ ayaŋ Tiiru tá də məna ku tarmə áŋa keɗe.

I KOREŊTƏŊ 14:11

Səma jəəne minti ten paapa bə iski ku hulum bə minti bə waatan kelaŋ baŋ, wə sarəna haa irku faɗi, ten suru haa bədoona ana gəm.

I KOREŊTƏŊ 7:19

Tanta də jamə-jemeŋ daana nayta də bay jemeŋ haa paapa kel kəmtəŋ ba. Kəmtəŋ də kel haa humi bə kosoŋ cəərə kel gə minti Pepeŋ wəətəy.

GALATIŊ 2:20

Səma, bə hebkənaŋ, ten kəm caw dədərgə. Bədoona ta, ten paapa cəərə kusrəna ten pəda, Kristu máŋ cəərəna haa tó. Karman bə minti ten jəw dər caw dəna hebkəna, haa bə de gud kormə Pepeŋ bə minti balnan daana bə minti ayaŋ kusru wəra a meŋ a koɗonaŋ.

GALATIŊ 5:6

Bədoona taŋ, kə áŋ kaayaŋ gə minti wəra gə tapə-tepe də Yeesu Kristuŋ, tantar áŋ jəəne nuutu wəra də camə-ceme, ɗalba a bay ceme, kel paapa ada ba. Kel kəmtəŋ haa minti áŋ jəə la gə doo-de guudu, kəya áŋ neke yaŋ bə bele kaa kaayaŋa.

EFESIŊ 1:23

Gud maa mo, Tapiŋ haa kusrə Kristu; wə doorə ku wəra haa tó, wə de ku kar gə jəə-jiŋ wəra keɗe haa tó gəm.

EFESIŊ 2:14

Gud maa mo, áyaŋ kəkaɓiŋ aduubə də áŋa haa Kristu də kusru. Wə təpaŋ kaanə Ziwifiŋ wəra də kaa gə minti teŋ paapa gə Ziwifiŋ baŋ giidə kusul bə məna. A kəkəy bə minti wə ayaŋ kusru wəra a meŋ, wə caŋ goŋ bə minti a jəmnəy diri wəraŋ, bə minti a kulnuy wəra acukur də kumsiŋ,

EFESIŊ 2:15

daana wə arsaŋ *ku gili kə *Moyisiŋ wəra də təbay duŋ daana kel du gə minti a wəra də gədəəgi di bəy-bəy. Wə jəŋ teŋ bədoona haa minti kaanə Ziwifiŋ, də kaa gə minti paapa gə Ziwifiŋ baŋ, tapə la wəra məna'i giidə kusul kimirwi bə minti təpnəy wəra duuruŋ daana bə əyəy kəkaɓiŋ aduubə diŋ.

EFESIŊ 3:17

daana minti Kristu əsə la ku tarməyaŋa gud de nəətiŋa. Dədərgə dəŋ jəə la də vaa-ve kəsar də daana də əsə-isi ŋəŋ-ŋəŋ wəra haa dər beleŋa.

EFESIŊ 3:6

Hel də metə-mete taŋ haa minti bəŋa: kaa gə minti teŋ paapa gə Ziwifi baŋ, gud tepe neeteŋa də Yeesu Kristuŋ, yə fele pisi bə minti Pepeŋ əyu a áŋ kaanə Ziwifiŋ gəm. Gud *Kel pəsaŋ kəmarwaŋa, yə təpaŋ wəra də áŋ kusrə hulum bə məna'i daana kar gə minti Pepeŋ a waataŋ wəra minti tó əyəy a kaa kə toŋ, yə fələy gəm.

EFESIŊ 6:8

Aŋ wəra gə asə-ase minti, jəəne nuutu kafkam, kumundu ba paapa kafkam ba, Barkaŋ ɗe a aye karman a mindi mindi mo cəərə pisi nuutu bə minti wə a juunuŋ kəna adawra anə derra faɗi.

KOLOSIŊ 2:10

Gud tepe nəətiŋa duuru taŋ, aŋ wəra anə kaŋkaŋ gə doo-de kuŋ, gud maa mo wə haa kumna cəərə kəkamnaŋa, cəərə kar kə səɓak-səɓakiŋa gəm.

I ZAŊ 5:20

Áŋ asaŋ wəra minti Kormə Pepeŋ a bəŋ ne wəra. Wə ayaŋ hel də əskiŋ a áŋ minti áŋ asə Pep bə gəəziŋ la. Áŋ də Pep bə gəəziŋ saksaki gud tepe náŋa də Kurmuyu Yeesu Kristuŋ. Yeesu haa Pep bə gəəziŋ, wə dədərgə də bay teweŋ gəm.

II ZAŊ 1:9

Hulum bə minti yaakaŋ kəkəy bə hate kə Kristuŋ ne wəraŋ, wə raawaŋ wəra agəjaŋa haa raawe faɗi, Pepeŋ paapa nuutu ba. Səma hulum bə minti bə ɗe saksaki gud hate kə Kristuŋaŋ, hulum toŋ ha'aŋ, Bar áŋ Pepeŋ də Kurmuyuŋ ɓasi keɗe nuutu.