KOLOSIŊ 2:2 - JAA TƏMARWAŊ

² Ten bə ji bədoona kir minti diri jəə la də teŋə-teŋe, yə jəə la gə tapə-tepe dər beleŋa, daana minti yə asə gəəziŋ la wəra, də fele bə guuduŋ ada keɗe, bə ase karman wəra ciiri anə kaŋkaŋ. Bədoona ana, yə neke yaŋ bə ase hel də metə-mete kə Pepeŋ, haa Kristu də kusru faɗi.

KOLOSIŊ 2:2 Iomraidhean Croise

MATIYE 11:25

A ko toŋa kəya, Yeesu əsəŋ bə toose, wə minti: «Ten tokɗom Abaŋ, Bərdə ko bə apəyaŋ də ko bə adawraŋ, gud bə minti tam meteŋ kel teŋ wəra dər kaa kə asə-aseŋa daana dər kaa gə minti də ciiriŋa, səma tam vəɗnəy wəra a kəmar koncoŋ.

MATIYE 11:27

Kəya Yeesu əsəŋ bə waate kaŋa minti: «Barən aynan kar wəra keɗe. Hulum anə məna asaŋ minti Kormə Pepeŋ haa mindi mo ba; əsnu ha'aŋ Abaŋ ɗaaməna. Hulum asaŋ minti Abaŋ haa mindi mo ba; əsnu ha'aŋ Kurmuyuŋ ɗaaməna daana hulum bə minti Kurmuyuŋ bele vəɗu du wəraŋ.

MATIYE 13:11

Wə hərnəy kel minti: «Aŋ teŋ ha'aŋ, kel gə waate sam *Kumna kə Pep gə minti a gə ŋoyə-ŋoyeŋ, wə vaɗnaŋ dəŋ wəra a nəənəŋ. Səma kə kaa kaayaŋ, wə vəɗnəy di wəra ba.

LIKI 1:1

Kaa ablaw ɗəlaŋ bə jeere daana bə tope bəlam də kel gə minti a jəətəŋ aduubə də areŋ.

Kel pəsaŋ kəmarwaŋ gə minti Zaŋ jiiriniy 10:30

Barən gəm, ten gəm, are wəra gə tapə-tepe məna'i.»

Kel pəsaŋ kəmarwaŋ gə minti Zaŋ jiiriniy 10:38

Səma ten jəəne bə ji haa joŋre bə minti Barən bəluŋ, aŋ doo la guudu, jəəne nuutu minti aŋ doŋ guudəna baŋ. Aŋ doo la gud joŋre toŋa kir minti aŋ kolə la bə ase wəra soki məna bə faɗnə-faɗna minti Barən gəm, ten gəm, are gə tapə-tepe məna də kumsi.»

Kel pəsaŋ kəmarwaŋ gə minti Zaŋ jiiriniy 16:15

Kar kə Abaŋ neŋneŋ keɗe, yə haa katən gəm. Ten a waatənaŋ minti ‹kar gə minti a bə fələy kaasənaŋ keɗe, a bə waataŋ səməy yaŋ› haa sə teŋ.»

Kel pəsaŋ kəmarwaŋ gə minti Zaŋ jiiriniy 17:3

Fele bə dədərgə də bay teweŋ, haa ase bə tam Pep bə gəəzə-gəəzi ɗaaməna'i daana ase bə ten Yeesu Kristu bə minti tam gaanan daŋ gəm.

Kel pəsaŋ kəmarwaŋ gə minti Zaŋ jiiriniy 5:17

Də teŋ keɗe, wə minti: «Barən kəm saksaki a jəəti bə joŋre toŋa, ten kir ji haa joŋre toŋ gəm.»

Kel pəsaŋ kəmarwaŋ gə minti Zaŋ jiiriniy 5:23

kir minti kaŋ keɗe han cəərən la apəya damdi yə bə haw cuuru apəyaŋ ana gəm. Hulum bə minti paapa bə han cəərəna apəya baŋ, wə he cəərə Barən bə minti gaanan daŋ bə gəm.

Kel pəsaŋ kəmarwaŋ gə minti Zaŋ jiiriniy 6:69

Are teŋ, are doŋ guuduma, are asaŋ wəra gəm minti tam haa Hulum Cetceti bə minti Pepeŋ gəənu daŋ.»

JOŊRE 4:32

Kaa kə doo-deŋ keɗe a jəŋ wəra gə doo-de ku kumsi anə kaŋkaŋ; ku tərməyi məna, ɗiki di məna gəm. Hulum anə məna guudi waataŋ hõy minti: «Karman katən kəya, wə katən bay cəərən», waataŋ hõy ba. Səma, kar gə minti aduubə diŋ, yə haa kar neete, yə ciiri tapi keɗe.

ROMEŊ 15:13

Pepeŋ, hulum bə minti mele bə ɗikiŋ bi haa kəəsu daŋ, ɗosoŋ tarməyaŋ la wəra də waaleŋ daana kəkaɓiŋ gud de nəəti bə guuduŋa. Kəya ɗiki dəŋ bə malə-meleŋ ji yaŋ wəra ablaw hasi gud səɓaki kə Tiiru Cetcetaŋa.

ROMEŊ 16:25

Aŋ tokɗə Pepeŋ la! Wə bə nakə-neke bə koloŋ də səɓaki a deŋa, damdi *Kel pəsaŋ kəmarwaŋ gə cəərə Kristu gə minti ten wəra bə wəətiya waateŋ ana, daana damdi ɗiki kə Pep bə ɗampə-ɗampe bə cəərə Kristuŋ, bə minti a bə metə-mete da anə hãã, waate anaŋ gəm.

ROMEŊ 2:4

Ɗalba pisi boblo bə minti Pepeŋ jəw, kel gə minti wə jəm daŋgay dəm hebkən-hebkəna faɗi baŋ, daana mi nuutu bə ku kel, yə gole dərəma haa kel kə bagŋ mo? Tam paapa bə asə-ase bə mo minti wə jəŋ pisi toŋ sarəma haa kir minti tam nakə la bə kolə kerkem a baymele nəmtiŋ?

I KOREŊTƏŊ 14:31

Kəkəy cəərəŋa keɗe bə joge ku Pepeŋ wəra, səma aŋ koltə la məna məna bə jəwa, kir minti mindi mindi mo hatə karman la ada daana duru jəə la də teŋə-teŋe.

I KOREŊTƏŊ 2:12

Áŋ teŋ, áŋ fəlaŋ paapa ɗiki kə kaa gə cəərə seŋkaŋ ba, áŋ fəlaŋ náŋ haa Tiiru kə Pepeŋ. Bədoona ta, áŋ gə nakə-neke bə əski gud kar gə minti Pepeŋ əynəy a áŋ gud pisi bə minti wə juunu sar kaŋa.

GALATIŊ 3:28

Bədoona ta, hulum bə Ziwifiŋ paapa hal də hulum bə minti paapa bə Ziwifi baŋ ba. Kafkam paapa hal də hulum bə minti paapa kafkam baŋ ba. Hulum koŋkor paapa hal də həlgəŋ bə gəm. Gud maa mo aŋ təpaŋ wəra də Yeesu Kristu, kəya aŋ koloŋ wəra hulum məna'i.

EFESIŊ 1:7

Gud maa mo, gud kor də Kristu bə minti a gaŋ wəra tə bə moŋ, áŋ wəra gə bədə-bidi daana áŋ fəlaŋ vəəgi bə giidu ne wəra cəərə baymele náŋa. Bədoona ana ta, Pepeŋ gaŋ gud boblo bə pisi nuutuŋ wəra, daana wə juunu sar áŋa ablaw faɗi, haa a kəkəy bə minti wə ayaŋ

EFESIŊ 3:16

Ten bə mante kəəsu minti, gud boblo bə pisi nuutuŋa, wə jeŋeŋ la də Tiiru Cetcetaŋ gal giidiŋa də səɓaki

EFESIŊ 3:3

Hel nuutu də minti a jəŋ wəra də metə-meteŋ, a wəra hebkəna də dərən gud bə minti wə vaɗənan dən wəra. Ten a jeereŋ də ne weseka ajew da kanda cəərə da.

EFESIŊ 6:22

Ten gaanaŋ dəŋ na anə derra haa minti wə ɗee la a topoŋ bəlam də kel naareŋ daana wə teŋeŋ dərəŋ la gəm.

FILIPIŊ 2:1

Jəəne doloy bədoona ana, minti tepe bə gud Kristuŋ ayaŋ səɓaki, minti beleŋ ayaŋ teŋe bə dər, minti Tiiru Cetcetaŋ koloŋ tapi də kumsəŋ, minti aŋ bə bele daana bə ase caadə kumsəŋaŋ,

FILIPIŊ 3:8

Gəəzi, ten gole kar keɗe haa bə kar kə boobo ana gud karman pisi məna bə minti dəŋaŋ kumsuŋ wəra keɗeŋ: karman toŋ haa minti Yeesu Kristu Barkaŋ nin kolə la wəra də dərən kaŋkaŋ. Gud kel du ta, ten bəyaŋ kar teŋ wəra keɗe, yə máŋ dərəna haa bə kar gə ve warna cəərə dibidi na anəkay faɗi, kir minti kətan jəə la máŋ haa Kristu,

KOLOSIŊ 1:26

haa hel nuutu də minti a jəŋ wəra də metə-mete dər kaŋ da anə hãã dayday. Səma wə gaanə guudə wəra hebkəna a kaa nuutuŋ.

KOLOSIŊ 1:27

Gud maa mo, Pepeŋ a bəlaŋ gay diri cəərə pisi də hel nuutu də metə-meteŋa də fele bə guudəŋ ada keɗe, də minti wə a ɗampəna a gidiirə kaŋ keɗeŋ. Hel tá də metə-meteŋ haa minti Kristu gal giidəŋa. Məlaŋ ɗiki dəŋ wəra kaŋkaŋ minti aŋ ɗe a fele boblo kə Pepeŋ yaŋ haa tó.

KOLOSIŊ 1:9

Gud teŋa ta, are saksaki bə toose cəərəŋa hãã də hi bə minti are əskənəŋ səmaŋ. Are bə waate Pepeŋa minti wə gaŋ dərəŋ la wəra kaŋkaŋ cəərə kel gə minti giidu bələy, cəərə hela daana zuuri bə kel gə minti Tiiruŋ əyəy.

KOLOSIŊ 2:19

Kaa teŋ kəyaŋ, yə bele isi gə gargə-garge sar Kristu ba, jəəne nuutu minti té də kusri haa kusru, tó haa ciiri taŋtaŋ. Ana haa sar Kristu da bə minti kusru toŋ fele hameŋ daana bə tapə-tepe duru wəra pisi gud kəsar gə suruŋa daana gud dər kəskəŋ du gə maltə-malteŋa. Kəya wə bə si haa damdi giidə Pepeŋ bə balə-bele ana'i.

KOLOSIŊ 3:14

Səma karman bə deŋe kel kaayaŋ gila keɗeŋ, haa minti aŋ balə kumsəŋ la aduubə də kumsəŋa. Beleŋ haa damdi saama də əntəŋ wəra sar kumsəŋa anə kaŋkaŋ ana.

KOLOSIŊ 4:3

Aŋ əsəŋ ne bə tooseŋ, aŋ toosə la cəərə are gəm kir minti Pepeŋ bəŋ kəkəy la a are bə waate kel nuutuŋ wəra. Kel teŋ haa hel nuutu də metə-mete də waate sam Kristuŋ, ten hebkəna a daŋgaya haa guudi.

KOLOSIŊ 4:8

Ten gaanaŋ dəŋ na nuutu haa anə gaa minti wə ɗee la a topoŋ bəlam də kel gə cəərən daana wə ɗee la a teŋeŋ dərəŋ gəm.

1 TESALONIKIŊ 1:5

Gud maa mo, are waatənaŋ *Kel pəsaŋ kəmarwaŋ kə Yeesu Kristu paapa də kel kə waate təwa ba, are waatənaŋ dəŋ də səɓaki daana keye kə Tiiru Cetcetaŋ. Aŋ asaŋ minti are gə doo-de guudi anə kaŋkaŋ gəm. Kel teŋ də dərəŋ gud bə minti ɗe də are jəŋ aduubə deŋa bə kəyaŋ naanaanə moŋ, aŋ wəra gə asə-ase duuru.

1 TESALONIKIŊ 3:2

Kəya are gaanaŋ Timote haa naŋ. Wə haa seenə áŋ bə minti are bə ji joŋre kə Pepeŋa bə waate *Kel pəsaŋ kəmarwaŋ cəərə Kristu də kumsə areŋ. Are gəənu səraŋ na ha'aŋ, minti wə ɗee la a ayaŋ səɓaki daana teŋe bə dər minti aŋ doo la ŋəŋ gud Pepeŋa,

1 TESALONIKIŊ 5:14

Kəsaanə areŋ, are waataŋ pa minti: aŋ kaa kosnə kaa kə koslom la, aŋ teŋə dər kaa gə walka la, aŋ kayə kaa kə nalnal la, aŋ doo giidiŋ la sar kaŋa keɗe'i.

I TIMOTE 3:16

Gəəzi kel kəmtəŋ té gə minti Pepeŋ vəɗnəy wəraŋ, haa kel gə minti ge dər áŋ a ɗe bə gud Pepeŋaŋ. Hulum neke bə malte ku cəərə kel teŋa kəya ba. Yə haa minti bəŋa: Kristu vəɗaŋ kusru wəra hulum kisirki. Tiiru Cetcetaŋ gəənu guudu wəra minti wə ɗeker. *Kaa kə digi kə Pepeŋ əsnu wəra. Gidiirə kaŋ wəətunu kel nuutuŋ wəra. Giidə koŋa wəra keɗe, kaŋ doŋ gud kel nuutuŋa. Pepeŋ həənu warna apəy na a ko bə məyan na.

HEBEREŊ 10:22

Gud teŋa ta, áŋ zee la sar Pepeŋa də ku tarməyaŋ də gəəzə-gəəziŋ, bay girmi ku ada anə weseki gəm, də talma də minti wəra də kolə-kole *cetceti sar kel kə bayməlaŋ gə minti aye ɗiki bə baymeleŋ, kusrə áŋ jəə la wəra bə baadə-baade də kan pəsaŋ gəm.

HEBEREŊ 6:11

Səma giidə are gə balə-bele haa minti, mindi mindi mo guudəŋa raawə la ajewa bə bande bədoona ana hãã warna a tewe də hiti nuutuŋ na kir minti, karman bə minti aŋ gə malə-mele ɗiki dəŋ cuuruŋ ɗee la a de ku wəra pisi kaŋkaŋ.

II PIYER 1:10

Gud teŋa ta kəsaananti, aŋ ayə səɓaki la a kusrəŋ ada pisi aye kir minti də joŋre nəətiŋ, aŋ əsə la ŋəŋ cəərə mante bə minti Pepeŋ mantənaŋ duuru daana minti wə varnaŋ warda minti aŋ jəə la kə toŋ. Aŋ jəəne bə jəəti bədoonaŋ, aŋ neke bə awte bə yaake de nəətiŋ wəra pəda.

II PIYER 1:3

Gud səɓaki kə Pepeŋa, Yeesu ayaŋ kar gə minti keye áŋ a ɗe də áŋa guuduŋ, bə kole áŋ bə aye kusrə áŋa wəra keɗe a Pepeŋ. Wə jəŋ kel teŋ haa də bə minti wə gaŋ dər áŋ wəra cəərə Pepeŋaŋ, Pep tó bə minti a mantaŋ áŋ minti áŋ tapə la bə hame boblo kə toŋa daana a joŋre pisi kə toŋaŋ.

II PIYER 3:18

Aŋ suu la pisi suu dər pisiŋa daana dər aseŋ kə Barkaŋ náŋ Yeesu Kristuŋa, Hulum bə seereŋ. Tokɗeŋ jəə la máŋ nuutu hebkəna daana bə faɗnə-faɗna gəm! *Amen.

I ZAŊ 3:19

Bədoona ana áŋ ase yaŋ minti áŋ wəra kaa kə gəəziŋ daana áŋ ji yaŋ tarmə áŋ də arsə-arse tiinə Pepeŋa.

I ZAŊ 5:7

Kəya kəmnə də kəkəy də kel teŋ yaŋ soope: