KOLOSIŊ 2:11 - JAA TƏMARWAŊ

¹¹ Gud tepe nəətiŋa duuruŋ, aŋ koloŋ wəra kaa kə tantəraŋ gə camə-ceme. Paapa *jeme bə tanta də minti kaa kəsarkaŋ cəmaŋ ba. Taŋ haa də minti Kristu doonoŋ wəra ku səɓaki də baymele bə minti kusrəŋ a wəra bə hatə-hate duuruŋ. Kəya haa jeme bə tanta də minti wə jəmaŋ taŋ.

KOLOSIŊ 2:11 Iomraidhean Croise

MARKƏ 14:58

«Are əskəŋ ku minti: *Kuli kə Pepeŋ bə minti kaŋ a hursunu gilaŋ, tó puktu wəra. Dər hiti soope tó hərsi baalaŋ, hərsi toŋ paapa kaa kəsarkaŋ ba.»

LIKI 2:21

Bə minti hi bə azəgən nəkaŋ ha'aŋ hi bə jeme tantar beebe nəkaŋ. Kəya yə məlnu səmu minti Yeesu, damdi *hulum bə digi kə Pepeŋ a waataŋ wəra ajew də minti nuru kəm bay haw məənə duŋ ana.

JOŊRE 17:24

Pep bə minti jəŋ seŋkaŋ də kar gə giidə neŋneŋ keɗeŋ, wə haa Bərdə ko bə apəyaŋ də ko bə adawraŋ keɗe. Wə neke bə hi giidə kuli bə minti hulum hursunu ba.

JOŊRE 7:48

Ana Pep bə Daŋə-Deŋeŋ neke bə hi giidə kuli bə minti hulum hursunu də kəəsu toki bə pa. Haa kəya sar kel gə minti Ezay, hulum bə jogte ku mini kə Pepeŋ, a wəətənəy warda minti:

ROMEŊ 2:29

Səma ji hulum hulum bə Ziwifi bə gəəzə-gəəziŋ haa karman bə minti gal giidu daŋ. Tanta də jamə-jeme də gəəzə-gəəziŋ haa nayta də minti Tiirə Pepeŋ jəərə də ku tarmə hulum; joŋre kə ku gili bə jeerə-jeereŋ paapa ada ba. Hulum toŋ fele tokɗe nuutuŋ haa kasi Pepeŋa, paapa kasi kaa kəsarkaŋa ba.

ROMEŊ 6:6

Áŋ asə la wəra pisi minti, bə minti yə ɓəlnu wəra a kəbaŋ gə largaŋaŋ, hulum bə minti áŋ a jəŋ ajew bədoonaŋ, wə wəra bə ɓalə-ɓele duuru, kir minti kusrə áŋ bə hatə-hate də baymeleŋ a ji pəda daana minti áŋ a ji kafkam kə baymeleŋ pəda gəm.

ROMEŊ 7:24

Tarman wəra də jamə-jeme ba ga'i ba! Bədoona ana ten haa bə kəyaŋ ana: dər ɗiki dəna, ten ɗe haa gud ku gili kə Pepeŋa. Səma a kusukiŋa, ten ɗe haa gud baymele bə minti cəərəna abay. Don wəra kasi kusrən tó bə minti bə ɗe dəərən a meŋaŋ haa mindi pə mo? Suuseŋ a Pep bə minti bə ji teŋa də Yeesu Kristu, Barkaŋ náŋ!

II KOREŊTƏŊ 5:1

Kusrə are haa damdi muryukiŋ ana. Wəra də dər are minti muryuki tá də adawraŋ ɓalkaŋ ne wəraŋ, Pepeŋ ɗe a aye kuli baalaŋ a are apəy na, haa kusrə are kimirwiŋ. Jəŋ kuli toŋ paapa kaa kəsarkaŋ ba, wə haa kuli bə bay tewe bə minti Pepeŋ juunuŋ.

II KOREŊTƏŊ 5:17

Bədoona ta, hulum bə minti wəra bə tapə-tepe də Kristuŋ, wə máŋ hulum kimirwi. Kəya kar gə dayday gə minti wə a bə ɗe guudiŋ pa pəda, wə bə ɗe máŋ haa gud kaayaŋ kəmarwaŋa.

GALATIŊ 2:20

Səma, bə hebkənaŋ, ten kəm caw dədərgə. Bədoona ta, ten paapa cəərə kusrəna ten pəda, Kristu máŋ cəərəna haa tó. Karman bə minti ten jəw dər caw dəna hebkəna, haa bə de gud kormə Pepeŋ bə minti balnan daana bə minti ayaŋ kusru wəra a meŋ a koɗonaŋ.

GALATIŊ 5:24

Kaa gə minti teŋ wəra kə Yeesu Kristuŋ, yə ŋoryoŋ kusri bə hatə-hate də baymeleŋ warna haa ŋorye faɗi. Yə ŋoryoŋ wəra haa kar gə bayməlaŋ gə minti yə a bə bələya ablaw gəm. Yə ɓəlnəy wəra apəya də Yeesu a kəbaŋ gə largaŋa.

EFESIŊ 4:22

Kel teŋ haa minti bəŋa, a kəkəy bə minti aŋ yaake ɗe dəŋ bə minti aŋ a jəŋ bə ɗe guuduŋ wəraŋ, aŋ pəə tiirəŋ də dayday də minti a bə kaŋa dər baymeleŋa la wəra. A bele naataŋ haa kel kə bayməlaŋ bə siitiŋ dərəŋ daana bə bəsaŋ wəra.

FILIPIŊ 3:3

Kaa gə camə-ceme tantaŋ gəəziŋ haa áŋ, gud bə minti áŋ ke awalnaŋ a Pepeŋ haa də Tiiru faɗi daana cəərə áŋ gə haa-he apəya haa gud tepe náŋa də Yeesu Kristuŋ. Áŋ paapa gə malə-mele ɗiki də áŋ cəərə to'osi kə kaa kəsarkaŋa bə gəm.

KOLOSIŊ 3:5

Bədoona ana ta, ɗiki bə kar gə minti cəərə seŋkaŋa kənaŋ, aŋ əwəy kəsar di la wəra sarəŋa. Haa anə ji bə booboŋ, kel kə zeɓə-zeɓeŋ, kel kə sesewsesew, ɗiki bə ji baymeleŋ daana kel kə həryəm-həryəm (gud maa mo həryəm haa ke bə awalna a kar gə minti kaŋ guluy pepe neeteŋ toki).

HEBEREŊ 9:11

Bə hebkənaŋ, Kristu bə bəə-bi damdi *kumna boblo bə keere Pepeŋ ana, haa də kar pəsaŋ gə minti wə fəlnəy da bə aye a áŋ. *Muryuki də minti wə bə kalə-kele giidə bə ji joŋreŋaŋ, a mooto faɗi daana a wəra də doo-de ku dəŋaŋ nayta də ajew. Jəŋ muryuki taŋ paapa kaa kəsarkaŋ ba, a paapa də tapə-tepe də kar kaayaŋ gə minti Pepeŋ jiiniy cəərə seŋkaŋa ji bə gəm.

HEBEREŊ 9:24

Bədoona ana, Kristu kəlaŋ haa paapa giidə *ko cetceti bə minti kaa kəsarkaŋ kəman a ɗəmpunu, bə minti tiirə ko bə gəəzə-gəəziŋ təwa'i ba. Wə kəlaŋ haa giidə ko bə apəya bə minti Pepeŋ bə əsə-isi adaŋ gadi faɗi, wə ada na tiinu na gud kel də áŋ na.