KOLOSIŊ 2:1 - JAA TƏMARWAŊ

¹ Bədoona ana, kuuri bə minti ten bə kuuru guudəŋaŋ, gud kəsaanan gə Lawdiseŋa daana kaayaŋ gə ablaw gə minti asnan hõy də diri baŋ, gəəliŋ naanaanə me'i moŋ, aŋ asə la wəra.

KOLOSIŊ 2:1 Iomraidhean Croise

LIKI 22:44

A ko toŋa kəya, tarmə Yeesu cəmaŋ wəra ablaw. Wə haraŋ bə toose də səɓaki pisi toosa pa. Həɓi du koloŋ wəra akas kora ana bə tuuti adawra.]

JOŊRE 20:25

Bə hebkənaŋ, aŋ asə la wəra minti: hulum anə məna guudəŋa fele duru hõy bə ŋefe dəərən pəda, aŋ neŋneŋ keɗe laka gə minti ten a jəŋ adəwaldəŋa bə waataŋ sam *Kumna kə Pepeŋa wəraŋ.

JOŊRE 20:38

Laaweŋ duuniy daŋgeŋ haa gud kel nuutu gə minti wə wəətənəy minti dər té bə ŋefe hõy pədaŋ. Kəya yə kooroŋ bə ɗe a məlu ku turtiŋ faɗi.

GALATIŊ 4:19

Gəəzi karmanti, ten haraŋ bə se lasi kəm kampa məna guudəŋa pa. Lasi taŋ kəyaŋ, haa damdi kə həlgə də doo-de weŋ ana'i. Ten ji yaŋ dərə saksaki hãã bə minti aŋ haŋ sar kel kə Kristu ne wəra kəm dege'-dege'i gəm.

FILIPIŊ 1:30

Hebkəna ha'aŋ, aŋ bə duuri kumsə duuri bə minti aŋ a astənan bə duuru dayday. Wəra də dərəŋ minti hãã dayna ten kəm bə duuru gəm.

KOLOSIŊ 1:24

Bə hebkənaŋ, ten də waale ku lasi də minti ten bə saara guudəŋaŋ. Gud maa mo, də lasi də minti dər kusuki dəna tə pə moŋ, ten bə keye bə de ku lasi kə Kristu də minti a yaaktaŋ bay tope ku wəraŋ, də minti hulum saara a kəkəy bə joŋre nuutuŋaŋ. Ten saara ha'aŋ gud kusrə Kristuŋ; kusru haa kaa kə Tapiŋ faɗi.

KOLOSIŊ 1:29

Haa gud teŋa ta minti ten a joŋreŋa daana bə bandə-bande wəra anə keɗe-keɗe də səɓaki kə Kristu də minti bə ji joŋreŋa də səɓaki giidən daŋ.

KOLOSIŊ 2:5

Ten jəəne nuutu paapa səraŋ na də kusrən gil bə ɗawmay, ten yaŋ nuutu sarəŋa dər ɗikiŋa. Bədoona ana, ten də waale bə asaŋ gə əsə-isi ŋəŋ daana wəra gə tapə-tepe anə tamcak-tamcaki dər de nəəti bə gud Kristuŋaŋ.

1 TESALONIKIŊ 2:2

Aŋ wəra gə asə-ase pa minti, bə minti are a jəŋ giidə vil də Filipi daŋ, yə ləsaŋ daana sartaŋ are. Səma, Pepeŋ coŋoŋ gud are bə waataŋ *Kel pəsaŋ kəmarwaŋ nuutuŋa wəra, koo kaŋ jəəne nuutu gə jamə-jeme acukur də are naanaanə moŋ.

HEBEREŊ 5:7

Bə minti Yeesu a jəŋ kəm caw cəərə seŋkaŋaŋ, wə wəra bə asə-ase minti Pepeŋ bə nakə-neke bə de tó wəra ku meŋa tə kəm, wə tuusunu də kamkam guudu ada, bə naakte ku wəra anə koloŋ-koloŋ, bə hage də kan kə duru gəm. Kəya Pepeŋ uskunu ku gud humi bə kosoŋ nuutu bə cuuruŋa.

I PIYER 1:8

Aŋ asaŋ Yeesu Kristu kəm hõy də dərəŋ ba, də teŋ keɗe aŋ bə bəlu. Hebkəna aŋ əsnu kəm bə pa, də teŋ keɗe aŋ gə doo-de guudu. Bədoona ana, waale boblo bə minti hulum neke bə wəətu səmu də ku baŋ, ɗosnoŋ ku tarməyaŋ ne wəra

VEƊE 1:11

minti: «Karman bə minti tam bə əsuŋ, jiiru la, kaa kefter toŋ la a kaa kə Tapi gə giidə vil seeɗa'aŋ haa kənaŋ: Efesi, Simirnə, Pergam, Tiyatir, Sardə, Filadelfi, Lawdise.»