KOLOSIŊ 1:6 - JAA TƏMARWAŊ

⁶ Kel pəsaŋ kəmarwaŋ teŋ wəra bə duusi daana bə aye pisiŋa a kaŋ giidə seŋkaŋa keɗe'i. Yə jəŋ wəra adəwaldəŋa haa bədoona gəm də anə hãã bə minti aŋ əskəŋ sam pisi bə minti Pepeŋ bə jəwa sar kaŋa daana aŋ əsnəy wəra sarəŋa minti yə naanaanə gəəzə-gəəzi moŋ gəm.

KOLOSIŊ 1:6 Iomraidhean Croise

MATIYE 24:14

*Kel pəsaŋ kəmarwaŋ té gə waate sam *Kumna kə Pepeŋ kəyaŋ, yə bə wəətəy yaŋ wəra a koŋa keɗe minti kaŋ əskə bar kəkəy bə cəərə kel teŋ la. Haa kəyaŋ, tewe bə koŋ tuli yaŋ faɗi gəm.»

MATIYE 28:19

Bədoona ta, aŋ ɗee la wəra sar gidiirə kaŋa keɗe, aŋ kuluy la wəra kaa kə guudən, aŋ jəy batem la də sam Abaŋ, də sam Kurmuyuŋ, də sam Tiiru Cetcetaŋ,

MARKƏ 16:15

Kəya wə wəətənəy minti: «Aŋ ɗee la wəra a koŋa keɗe bə ɗe a waate *Kel pəsaŋ kəmarwaŋ wəra a kaŋ neŋneŋ keɗe.

MARKƏ 4:8

Surduŋ vaŋ a ko bə cimə-cimiŋa, kəya wə dəyaŋ warda, wə suŋ, wə waŋ degeɓ-geɓi. Kolɓoy bə məna, kəəsu məna waŋ pisi hor-hor soope, hor-hor kənki, kəsi mo, bədoona ana.»

Kel pəsaŋ kəmarwaŋ gə minti Zaŋ jiiriniy 15:16

Aŋ ŋamnan paapa aŋ ba, ŋamnaŋ haa ten. Ten vaanaŋ minti aŋ jəə joŋre la də səɓaki, joŋre tó suu la haa ajew na saksakiŋ. Kəya ha'aŋ, kar gə minti aŋ məntəy kasi Abaŋa də səman, wə ayaŋ dəŋ yaŋ.

Kel pəsaŋ kəmarwaŋ gə minti Zaŋ jiiriniy 17:19

Ten gaŋ kusrən wəra dəra'i a nəənəm haa guudi, kir minti té də kusri, yə jəə la wəra gə vaa-ve dəra'i a nəənəm də gəəziŋ.

Kel pəsaŋ kəmarwaŋ gə minti Zaŋ jiiriniy 4:23

Səma ko bə minti kaa kə ke awalna a Pep Abaŋ damdi giidu bele anaŋ bə neke yaŋ, wə nəkaŋ ne ɗaw. Kaa teŋ bə ke awalnaŋ haa də səɓaki kə Tiiruŋ daana də gəəzi bə minti bəŋ ku daŋ. Haa kəya gom də kaa kə ke awalna gə minti giidə Pepeŋ bələy.

JOŊRE 11:18

Bə minti kaa gə minti a ŋoryoŋ suruŋ əskəŋ kel teŋ kəyaŋ, ku tərməyi arsaŋ wəra, yə əsəŋ bə tokɗe Pepeŋa bə waate minti: «Pepeŋ jəŋ doloy haa minti kaa gə minti teŋ paapa gə Ziwifi baŋ nakə la bə kole kirki a baymele neeteŋ bə fele dədərgə də gəəzə-gəəzi gəm!»

JOŊRE 12:24

Ana də ko toŋ kəya gəm, kel kə Pepeŋ bə duusi na warna pisi duusa ɗaw.

JOŊRE 16:14

Adəwaldə kəram teŋa ha'aŋ, həlgə kəman yaŋ ada, sam minti Litiya. A haa həlgə də Tiyatir daana a bə kaate awalna a Pepeŋ pa. Joŋre naataŋ haa celeere də dəməəmə pas-pasa də minti kaa kə begeŋ gustəŋ. Bə minti Pol bə waate kelaŋ, Barkaŋ malna ɗiki də ɗeketi cəərə kel teŋa, wə bəŋnə ku tarmaya wəra bə doy.

JOŊRE 26:18

bə ɗe a piŋtiy diri wəra, bə humuy warda dər tilməŋ da bə vay dər pəɗakiŋa, daana bə humuy warda dər ko bə minti *Sataŋ bə əsə-isi kumnaŋ cuuruŋ, bə vay a ko bə minti Pepeŋ bə əsə-isi kumna cuuruŋ gəm. Bədoona ta, yə doŋ ne guudəna, Pepeŋ vəəgi giidu yaŋ wəra cəərə baymele neeteŋa daana yə ɗe yaŋ a fele ko sar kaayaŋ gə minti wə koloŋ teŋ wəra kaa nuutuŋ gəm.› »

ROMEŊ 1:13

Kəsaananti, ten bele minti aŋ asə la minti ten goldoŋ kəkəy kampa ablaw bə ɗe gerdeŋ na, səma ten jəŋ wəra bə laŋtə-laŋte hãã hebkəna. Gud maa mo ten bə balə-bele minti ten ɗee la a ji joŋreŋ aduubə dəŋa kir minti wə falə we la a tiiruŋa damdi wə jəətəŋ aduubə də gidiirə kaa kaayaŋa ana gəm.

ROMEŊ 15:19

də kar gə minti veɗe səɓaki kə Pepeŋ wəraŋ, də kar gə məɗ-miɗiŋ, daana də səɓaki kə Tiiru Pepeŋ gəm. Məlaŋ guudu Zeruzalema hãã warna giidə seŋka də Iliriŋ naŋ, a ko bə minti ten kaltaŋ adaŋ keɗe, ten waataŋ Kel pəsaŋ kəmarwaŋ gə cəərə Kristuŋ wəra ada.

ROMEŊ 15:28

Bə minti ten doŋ ku joŋre toŋ ne wəra daana minti ten ayaŋ kar gə minti yə a təərənəy da ne warda keɗe a kəmnə diŋ, ten he kəkəy bə koore Espay, ten kele kəm gerdeŋ na.

ROMEŊ 16:26

Səma bə hebkənaŋ, kel gə minti *kaa kə jogte ku mini kə Pepeŋ a jiiriniy gaŋ gud ɗiki tó bə ɗampə-ɗampeŋ wəra pəɗaki. Pep bə minti tewe baŋ waataŋ haa tó faɗi minti gidiirə kaŋ keɗe əskə gud ɗiki toŋ la wəra, kir minti yə nakə la bə de daana bə humi kosoŋa cəərə toŋ.

II KOREŊTƏŊ 10:14

Are a ɗee la gerdeŋ na baŋ, are a raawaŋ gədəəgi də joŋre bə minti Pepeŋ əynu kasi areŋ wəra haa a ko toŋa gəəzi. Səma kel jəŋ bədoona ba gud maa mo tuluŋ gerdeŋ na kəm ajew də *Kel pəsaŋ kəmarwaŋ gə cəərə Kristuŋ, haa are ɗaw.

II KOREŊTƏŊ 6:1

Are a joŋreŋa də kumsə are də Pepeŋ tə bə moŋ, are jəŋ kamkam minti pisi bə minti wə jəənəŋ dəŋ sarəŋaŋ, aŋ a boome duuru ba anə ceki.

EFESIŊ 3:2

Aŋ wəra gə əskə-əski sam joŋre bə minti Pepeŋ, gud pisi nuutuŋaŋ, wə aynan dən kaasəna minti ten jəw la gud kel dəŋa.

EFESIŊ 4:21

Bədoona ta, aŋ kaa kə doo-deŋ, aŋ wəra gə əskə-əski kel gə minti yə wəətənəy cuuruŋ gəəzi, daana yə hatnaŋ kel gə minti teŋ tepe də gəəzi kə Yeesuŋ.

EFESIŊ 4:23

Aŋ doŋ kir yaake kusrəŋ bə kole kimirwi a kəkəy bə minti aŋ kole bə ame ɗiki dəŋa.

EFESIŊ 5:9

Gud maa mo, karman bə minti hulum fəlu gud ɗe bə dər pəɗakiŋa ha'aŋ, haa bə minti wə kole wəra hulum pisi, ɗekeri, daana bə gəəzə-gəəzi.

FILIPIŊ 1:11

Kəya ɗe dəŋ ji yaŋ saksaki ɗeker gud səɓaki kə Yeesu Kristuŋa, kir minti kaŋ haa cəərə Pepeŋ la apəya, yə tukɗu la gud teŋa gəm.

FILIPIŊ 4:17

Ten waataŋ kel teŋ haa kənaŋ paapa gud bə minti ten bə golde karman bə kaasəŋaŋ ba, ten golde haa ɗaw minti Pepeŋ gaŋ pisiŋ la cəərəŋa pisi gaa gud kar nəəti gə ayə-ayeŋa.

KOLOSIŊ 1:10

Bədoona ta, aŋ ji yaŋ wəra gə nakə-neke a ɗe dəŋa damdi kə Barkaŋ ana, bə daw duru wəra cəərə kara keɗe gəm. Gud maa mo, ɗe dəŋ ɗe a awe cuuru haa cəərə gidiirə pisiŋa keɗe, aŋ zeede yaŋ pisi zeeda bə ase Pepeŋa wəra gəm.

KOLOSIŊ 1:23

Səma aŋ kir isi saksaki dər deŋa, gud maa mo, gud karman bə malə-mele bə minti aŋ gə əsə-isi cuuruŋ, haa tó. Aŋ kir isi duru ŋəŋ kir minti karman a haŋ giidəŋ wəra sar *Kel pəsaŋ kəmarwaŋ gə minti aŋ a iskiniy wəraŋ ba. Yə haa kel gə minti aŋ məlaŋ ɗiki dəŋ ciiriŋ, daana yə wəra gə waatə-waate a kaa gə minti kəna adawra neŋneŋ keɗe. Ten Pol koloŋ hulum bə joŋre diŋ.

1 TESALONIKIŊ 1:5

Gud maa mo, are waatənaŋ *Kel pəsaŋ kəmarwaŋ kə Yeesu Kristu paapa də kel kə waate təwa ba, are waatənaŋ dəŋ də səɓaki daana keye kə Tiiru Cetcetaŋ. Aŋ asaŋ minti are gə doo-de guudi anə kaŋkaŋ gəm. Kel teŋ də dərəŋ gud bə minti ɗe də are jəŋ aduubə deŋa bə kəyaŋ naanaanə moŋ, aŋ wəra gə asə-ase duuru.

1 TESALONIKIŊ 2:13

Are saksaki bə ji suuse a Pepeŋ pa gud bə minti, are waatənaŋ kel kə Pepeŋ ha'aŋ, aŋ duuniy bə kel kə hulum ana ba, aŋ duuniy damdi karman bə minti yə bədoona ana gəəzi, kel kə Pepeŋ faɗi. Yə bə ji joŋre giidiŋa, aŋ kaa kə doo-de.

II TESALONIKIŊ 2:13

Kəsaanə areŋ, aŋ gə minti Barkaŋ bəlaŋ ablaw, are də suuseŋ a Pepeŋ saksaki gud kel dəŋa gud bə minti Pepeŋ ŋamnaŋ warda hãã ajew də mele bə gud koŋ da, minti aŋ falə seereŋ la gud Tiiru də minti kole kaŋ wəra *cetcetiŋ, daana gud de dəŋ bə gud gəəziŋaŋ.

I PIYER 5:12

Kormə kefter bə minti ten jeereneŋ dəŋ kaynaŋ, jeerenen dən haa Silasi. Wə dərəna seenən bə doo-de kaŋkaŋi gud Kristu. Ten jiirunu haa bə teŋeŋ dərəŋ daana bə waataŋ wəra kaŋkaŋ minti, pisi kə Pep bə minti aŋ gə əsə-isi duruŋ, haa pisi bə gəəzə-gəəziŋ!