KOLOSIŊ 1:5 - JAA TƏMARWAŊ

⁵ De toŋ daana bele toŋ bə əsə-isi haa cəərə karman bə minti Pepeŋ bə ɗokoŋ dəŋ na apəya naŋ. Haa karman bə minti aŋ wəra gə malə-mele ɗiki dəŋ cuuruŋ. Bə minti yə waatənaŋ kel kə gəəziŋ wəraŋ, *Kel pəsaŋ kəmarwaŋ, aŋ fəlaŋ ɗiki dəŋ tó bə malə-meleŋ haa də ko toŋ faɗi.

KOLOSIŊ 1:5 Iomraidhean Croise

LIKI 12:33

«Aŋ gusə kar nəətiŋ la wəra, aŋ ayə soloy diŋ la a kaa kə caacaŋ. Aŋ zoorə mandəhaŋ bə bay ɓalkeŋ la. Aŋ humə bege bə apəyaŋ la, toŋ haa bege bə minti tewe wəra bə hasiŋ. A ko toŋa kaa kə dəgaayaŋ fəlu ba, googo huduru wəra bə gəm.

JOŊRE 10:36

Pepeŋ waataŋ kel nuutuŋ wəra a kaanə *Israyel, kel teŋ haa *Kel pəsaŋ kəmarwaŋ gə minti waate minti yə neke bə fele kəkaɓi gud Yeesu Kristuŋ; wə haa Barkaŋ kə kaŋ keɗe.

JOŊRE 13:26

Kəsaananti, aŋ gə minti waŋ wəra a kaasaw də *Abrahamaŋ, də kaayaŋ gə minti paapa kaanə Ziwifi baŋ, səma aŋ bə ɗe gud Pepeŋa, ku mini tó bə cəərə seere bə kaŋ, Pepeŋ əynu da a áŋ.

JOŊRE 23:6

Pol wəra bə asə-ase minti aduubə də kaa kəmtəŋ gə jeme kəəti kə kaanə Ziwifiŋa lakaŋ, kaanə *Saduseyeŋ ada, kaanə *Farisiyeŋ ada gəm. Gud teŋa ta, wə naakaŋ ku koloŋ a niini minti: «Kəsaananti, ten bə Farisiyeŋ, ten haa kormə gə Farisiyeŋ gəm. Yə mantənan ku kəətiŋa haa gud bə minti ɗiki dən bə malə-mele cəərə hare bə dədərgə də kaŋa wəra adordə meŋa.»

JOŊRE 24:15

Ɗiki dən bə malə-mele cəərə Pepeŋa damdi ɗiki di bə malə-mele cuuru ana gəm minti: kaa ɗekeriŋ də kaa kə bayməlaŋ meŋ neŋ, yə hare yaŋ wəra dədərgə adordə meŋa keɗe'i.

ROMEŊ 10:8

Kefter kə Pepeŋ waate ɗaw haa minti: «Kel nuutuŋ sarəma maŋŋa ɗaw, yə wəra kuma daana ku tarməyama gəm.» Haa kel gə minti waate cəərə deŋa daana áŋ bə waate wəra a kaŋ haa té gəm.

I KOREŊTƏŊ 13:13

Hebkəna ha'aŋ, kar soope té kayiŋ ji yaŋ saksaki: deŋ, ɗiki bə malə-mele bə cəərə Pepeŋ daana beleŋ. Səma guudiya keɗe, dəŋnəy haa beleŋ.

I KOREŊTƏŊ 15:19

Jəəne minti ɗiki bə minti áŋ məlnu cəərə Kristuŋ keye áŋ haa cəərə ji də áŋa hebkəna lam kəna təwaŋ, áŋ haa bə kaa gə minti kaŋ kir laawe guudi dəŋaŋ kumsiŋ neŋneŋ keɗe ana ɗaw.

II KOREŊTƏŊ 5:19

Gud maa mo Pepeŋ haraŋ bə tepe aduubə di də kaa kəsarkaŋ haa də Kristu, wə əŋkənəy baymele neeteŋ ciiri ba. Wə ayaŋ joŋre toŋ a are bə wəətəy cəərə tepe bə aduubə diŋa duuruŋ.

II KOREŊTƏŊ 6:7

Are də kel kə gəəzə-gəəziŋ ku are, də səɓaki kə Pepeŋ. Are bə ji karman ɗekeriŋa dər Pepeŋa bə he ku kaa gə duuri areŋ wəra.

GALATIŊ 2:14

Bə minti ten ɗeŋ a ase kay minti yə paapa bə ɗe ɗeker a kəkəy bə gəəzi bə *Kel pəsaŋ kəmarwaŋ kə Pepeŋa baŋ, ten waataŋ Piyer wəra anə pəɗaki tiinə kaŋa faɗi minti: «Tam də kusrum, tam hulum bə Ziwifi, səma tam paapa bə ji kusruma bə hulum bə Ziwifi ana pəda tə kəm, tam bə he gud kaa gə minti teŋ paapa gə Ziwifi baŋ bə ji kusri bə kaanə Ziwifiŋ ana bə maa mo?»

GALATIŊ 2:5

Səma are yaakaŋ kusrə are bə reeme a ko kəmana anə weseka a niini ba. Are jəŋ teŋ haa minti yə a ɓalke gəəzi də Kel pəsaŋ kəmarwaŋ wəra ba, kir minti aŋ ɗee la a iskiy a kuɗiŋa.

GALATIŊ 5:5

Kə are kaa kə Kristuŋ, are wəra gə malə-mele ɗiki də are minti Pepeŋ bə kole are yaŋ wəra ɗeker duru. Wə bə kole are haa gud səɓaki kə Tiiru Cetcetaŋa gud bə minti are doŋ gud joŋre kə Kristu.

EFESIŊ 1:13

Aŋ gə minti əskəŋ kel kə gəəziŋ, *Kel pəsaŋ kəmarwaŋ gə minti aŋ fele seereŋ guudiŋ, aŋ wəra gə tapə-tepe də Kristu. Bədoona ana, aŋ doŋ gud Kristu gəm, kəya Pepeŋ aynaŋ Tiiru Cetcetaŋ də minti wə a waatənaŋ sam wəra a nəənəŋ. A gaŋ dərəŋ haa minti aŋ wəra kaa kə tó.

EFESIŊ 4:21

Bədoona ta, aŋ kaa kə doo-deŋ, aŋ wəra gə əskə-əski kel gə minti yə wəətənəy cuuruŋ gəəzi, daana yə hatnaŋ kel gə minti teŋ tepe də gəəzi kə Yeesuŋ.

KOLOSIŊ 1:23

Səma aŋ kir isi saksaki dər deŋa, gud maa mo, gud karman bə malə-mele bə minti aŋ gə əsə-isi cuuruŋ, haa tó. Aŋ kir isi duru ŋəŋ kir minti karman a haŋ giidəŋ wəra sar *Kel pəsaŋ kəmarwaŋ gə minti aŋ a iskiniy wəraŋ ba. Yə haa kel gə minti aŋ məlaŋ ɗiki dəŋ ciiriŋ, daana yə wəra gə waatə-waate a kaa gə minti kəna adawra neŋneŋ keɗe. Ten Pol koloŋ hulum bə joŋre diŋ.

KOLOSIŊ 1:27

Gud maa mo, Pepeŋ a bəlaŋ gay diri cəərə pisi də hel nuutu də metə-meteŋa də fele bə guudəŋ ada keɗe, də minti wə a ɗampəna a gidiirə kaŋ keɗeŋ. Hel tá də metə-meteŋ haa minti Kristu gal giidəŋa. Məlaŋ ɗiki dəŋ wəra kaŋkaŋ minti aŋ ɗe a fele boblo kə Pepeŋ yaŋ haa tó.

KOLOSIŊ 3:16

Kel kə Kristuŋ, də fele bə guudi ada anə keɗe, jəə la aduubə dəŋa. Aŋ hatə kumsəŋ la, aŋ kaa dər kumsəŋ la cəərə kəkəy pisiŋa də ase bə minti wəra kaŋkaŋ. Aŋ gaa gudul la a Pepeŋ də ku tarməyaŋ keɗe daana də ji bə suuseŋ ada gəm. Aŋ gaa la haa gudul bə tokɗe Pepeŋ, gudul bə waate sam Kel kə Pepeŋ, gudul bə minti aŋ cəmnu də səɓaki kə Tiiru Cetcetaŋ gəm.

1 TESALONIKIŊ 2:13

Are saksaki bə ji suuse a Pepeŋ pa gud bə minti, are waatənaŋ kel kə Pepeŋ ha'aŋ, aŋ duuniy bə kel kə hulum ana ba, aŋ duuniy damdi karman bə minti yə bədoona ana gəəzi, kel kə Pepeŋ faɗi. Yə bə ji joŋre giidiŋa, aŋ kaa kə doo-de.

II TESALONIKIŊ 2:16

Barkaŋ náŋ Yeesu Kristu də kusru daana Bar áŋ Pepeŋ bəlaŋ áŋ ablaw daana gud pisi bə minti yə jəw sar kaŋaŋ, yə ayaŋ teŋe bə dər daana ɗiki bə malə-mele pisi gə minti tewe baŋ a áŋ.

I TIMOTE 1:15

Kel gə minti ten wəətəy haa kəna yə kel kə gəəzə-gəəzi. Yə pəsaŋ kir minti kaŋ keɗe jiɓriy la daana yə doo la guudi də ku tərməyi keɗe'i. Kel teŋ haa minti bəŋa: Kristu Yeesu bəŋ cəərə seŋkaŋa kəna ha'aŋ, bə bi a seere kaa kə bayməlaŋ wəra. Adəwaldə kaa teŋa ha'aŋ, ten haa hulum bə minti baymele nin dəŋaŋ cəərə neeteŋ keɗeŋ.

II TIMOTE 4:8

Bə hebkənaŋ ha'aŋ, werke bə bulum bə kel ɗekeriŋ bə mən na apəy na. Werke toŋ, Barkaŋ hulum bə jeme kəəti ɗekeriŋ bə ayan dən yaŋ dər hi bə jeme kəətiŋa. Wə bə əyu paapa a nəənən təwa ba, səma a kaa gə minti bə mi hi bə hare nuutuŋa də beleŋ ku tərməyiŋ.

TITI 1:2

minti yə jəə la gə malə-mele ɗiki di wəra cəərə dədərgə də bay teweŋa. Hãã wəra ajew də mele bə gud koŋaŋ, Pep bə minti wə ceme tete baŋ waataŋ wəra kaŋkaŋ minti tó aye dədərgə táŋ a áŋ.

HEBEREŊ 7:19

Gud maa mo ku gili kə Moyisiŋ doŋ ku karman anə məna wəra kaŋkaŋ ba. Bə hebkənaŋ, karman baalaŋ bə minti áŋ gə malə-mele ɗiki də áŋ cuuruŋ yaŋ bə minti dəŋaŋ ku giliŋ. Áŋ gə nakə-neke bə ze sar Pepeŋa haa guudu.

I PIYER 2:2

Aŋ jəə la bə bele kel cetceti kə Pepeŋa damdi beebe konce bə kasi nuru bele kaw də nuruŋ ana gəm, kir minti aŋ say la bə si hãã a ko bə minti Pepeŋ ɗe a de ku seereŋ wəra a nəənəŋ.

I PIYER 3:15

Səma, aŋ haa cəərə Kristu Barkaŋ nəətiŋ la apəya ku tarməyaŋa. Hulum mundu mundu mo laanaŋ kuŋ ne cəərə karman bə minti aŋ məlaŋ ɗiki dəŋ cuuruŋ, aŋ jəə la saksaki wəra gə ɗampə-ɗampe bə daw guudu a nuunu.

II PIYER 1:12

Gud teŋa ta, jəəne nuutu minti kar teŋ wəra də dərəŋ, daana aŋ gə əsə-isi ŋəŋ də kel gə gəəzə-gəəzi gə minti aŋ a duuniy, ten ɗəktəŋ cəərəŋ yaŋ saksaki ciiri.

I ZAŊ 3:3

Mindi mo bə minti məlaŋ ɗiki du ne cuuru bədoona anaŋ, wə ame kusru ku baymeleŋa saksaki minti tó jəə la *cetceti, damdi Kristu də kusru wəra cetcetiŋ ana.