KOLOSIŊ 1:4 - JAA TƏMARWAŊ

⁴ Gud maa mo, are əskəŋ sam de nəəti bə gud Yeesu Kristuŋ daana minti aŋ bele kaa kə Pepeŋ keɗe ŋaanaanə moŋ.

KOLOSIŊ 1:4 Iomraidhean Croise

II KOREŊTƏŊ 7:7

Teŋeŋ dər are haa paapa tuli du təwa ba, haa kel gə minti aŋ tiŋnu duru da diiriŋ gəm. Wə topoŋ bəlam də kel a are minti aŋ wəra də caadə ŋefe dəərən kə ablaw kə ablaw, cəərə marva də kuŋa, cəərə bande nəəti bə guudənaŋ. Ten əskəŋ kel teŋ anəkay, waaleŋ zeŋ guudu sarəna hasi.

GALATIŊ 3:26

Aŋ keɗe, aŋ koloŋ wəra karmə Pepeŋ haa gud bə minti aŋ doŋ gud Yeesu Kristuŋ. Kəya aŋ máŋ wəra tapi duuru.

GALATIŊ 3:28

Bədoona ta, hulum bə Ziwifiŋ paapa hal də hulum bə minti paapa bə Ziwifi baŋ ba. Kafkam paapa hal də hulum bə minti paapa kafkam baŋ ba. Hulum koŋkor paapa hal də həlgəŋ bə gəm. Gud maa mo aŋ təpaŋ wəra də Yeesu Kristu, kəya aŋ koloŋ wəra hulum məna'i.

GALATIŊ 5:6

Bədoona taŋ, kə áŋ kaayaŋ gə minti wəra gə tapə-tepe də Yeesu Kristuŋ, tantar áŋ jəəne nuutu wəra də camə-ceme, ɗalba a bay ceme, kel paapa ada ba. Kel kəmtəŋ haa minti áŋ jəə la gə doo-de guudu, kəya áŋ neke yaŋ bə bele kaa kaayaŋa.

EFESIŊ 1:15

Gud teŋa kəya, ten gəm ha'aŋ, bə minti ten əskəŋ sam de nəətiŋ bə gud Barkaŋ Yeesuŋ, daana minti aŋ bele kaa kə Pepeŋ keɗe naanaanə moŋ,

EFESIŊ 6:18

Dər koŋa keɗe, aŋ toosə Pepeŋ la də gidiirə tooseŋ, də manteŋ. Tiiru Cetcetaŋ kəyaŋ a tooseŋa haa tá. Aŋ əsə la wəra gə gunə-guni cəərə tooseŋa, aŋ a yəəku a kəkəya ba. Kaa kə Pepeŋ keɗe, aŋ toosə la ciiri gəm.

KOLOSIŊ 1:9

Gud teŋa ta, are saksaki bə toose cəərəŋa hãã də hi bə minti are əskənəŋ səmaŋ. Are bə waate Pepeŋa minti wə gaŋ dərəŋ la wəra kaŋkaŋ cəərə kel gə minti giidu bələy, cəərə hela daana zuuri bə kel gə minti Tiiruŋ əyəy.

1 TESALONIKIŊ 1:3

Bədoona ana, a tooseŋa tiinə Pep Bar áŋaŋ, are bə ɗiki cəərə joŋre bə minti aŋ bə jəwa gud de nəəti bə gud Yeesu Kristuŋ, cəərə bele nəəti bə minti ji joŋre, daana cəərə mele bə ɗiki bə minti aŋ məlnu wəra anə kaŋkaŋ bə mi Barkaŋ náŋ Yeesu Kristuŋ.

1 TESALONIKIŊ 3:6

Bə hebkənaŋ, Timote haraŋ da ne minti gerdeŋ. Ku mini bə minti wə hərnu a are cəərə de nəəti bə gud Yeesuŋa daana bele bə kumsəŋaŋ jəŋ haa kel pəsaŋ faɗi. Wə waataŋ are pa minti aŋ bə ɗiki cəərə are saksaki pisi daana aŋ də caadə ŋefe də are damdi are də caadə hare bə ŋefe dəərəŋ ha'aŋ ana gəm ŋaanaanə mo.

II TESALONIKIŊ 1:3

Kəsaanə areŋ, are də suuse a Pepeŋ saksaki gud kel dəŋaŋ. Suuse toŋ awaŋ a kuɗuŋa anə ɓeti, gud maa mo de nəəti bə gud Yeesuŋ bə suu-si apəya daana aŋ bə ɗe ajewa də beleŋ aduubə də kumsəŋa keɗe.

Filemoŋ 1:5

Gud maa mo, ten əskəŋ sam bele nəmti bə minti tam bə jəwa sar kaa kə Pepeŋaŋ, daana sam de nəmti bə gud Yeesu Kristuŋ.

HEBEREŊ 6:10

Gud maa mo Pepeŋ paapa gula ba. Cuuru paapa bə gaa-ge joŋre nəəti bə minti aŋ bə jəw duŋ daana minti aŋ bə bəluŋ ba. Wə bə asə-ase haa cəərə keye bə minti aŋ a kaytaŋ kaa nuutuŋ daana aŋ kəm bə kəyəya hebkəna paŋ.

I ZAŊ 3:14

Áŋ ha'aŋ, áŋ gə asə-ase minti áŋ cakɗaŋ meŋ warda, áŋ kooroŋ a dədərgəŋ. Áŋ asaŋ teŋ ha'aŋ gud bə minti áŋ bele kəsaanə áŋ. Hulum bə minti paapa bə ji beleŋa baŋ, wə kəm dər meŋa.

I ZAŊ 3:23

Ku gili bə minti wə a əynu wəra a áŋ, haa minti áŋ doo la a sam Kurmuyu Yeesu Kristuŋa, daana áŋ balə kumsə áŋ la adəwaldə kumsə áŋa damdi Kristu a waataŋ áŋ minti áŋ jəə la bədoona anaŋ.

I ZAŊ 4:16

Áŋ ha'aŋ, áŋ wəra gə asə-ase gəəzi minti Pepeŋ bele áŋ, daana áŋ doŋ gud bele nuutuŋa gəm. Pepeŋ haa beleŋ. Hulum bə minti ji beleŋ saksakiŋ, wə wəra bə tapə-tepe də Pepeŋ saksaki, Pepeŋ bə əsə-isi giidu gəm.