KOLOSIŊ 1:10 - JAA TƏMARWAŊ

¹⁰ Bədoona ta, aŋ ji yaŋ wəra gə nakə-neke a ɗe dəŋa damdi kə Barkaŋ ana, bə daw duru wəra cəərə kara keɗe gəm. Gud maa mo, ɗe dəŋ ɗe a awe cuuru haa cəərə gidiirə pisiŋa keɗe, aŋ zeede yaŋ pisi zeeda bə ase Pepeŋa wəra gəm.

KOLOSIŊ 1:10 Iomraidhean Croise

Kel pəsaŋ kəmarwaŋ gə minti Zaŋ jiiriniy 15:16

Aŋ ŋamnan paapa aŋ ba, ŋamnaŋ haa ten. Ten vaanaŋ minti aŋ jəə joŋre la də səɓaki, joŋre tó suu la haa ajew na saksakiŋ. Kəya ha'aŋ, kar gə minti aŋ məntəy kasi Abaŋa də səman, wə ayaŋ dəŋ yaŋ.

Kel pəsaŋ kəmarwaŋ gə minti Zaŋ jiiriniy 15:8

Karman bə minti veɗe boblo kə Barən wəraŋ, haa bə minti aŋ bə jəəti kar pəsaŋa ablaw gə minti veɗe wəra minti aŋ *kaa gə guudən.

Kel pəsaŋ kəmarwaŋ gə minti Zaŋ jiiriniy 17:3

Fele bə dədərgə də bay teweŋ, haa ase bə tam Pep bə gəəzə-gəəzi ɗaaməna'i daana ase bə ten Yeesu Kristu bə minti tam gaanan daŋ gəm.

ROMEŊ 1:13

Kəsaananti, ten bele minti aŋ asə la minti ten goldoŋ kəkəy kampa ablaw bə ɗe gerdeŋ na, səma ten jəŋ wəra bə laŋtə-laŋte hãã hebkəna. Gud maa mo ten bə balə-bele minti ten ɗee la a ji joŋreŋ aduubə dəŋa kir minti wə falə we la a tiiruŋa damdi wə jəətəŋ aduubə də gidiirə kaa kaayaŋa ana gəm.

ROMEŊ 4:12

Wə haa bar kaa gə təntəri gə camə-ceme wəraŋ gəm. Ten waataŋ bədoona paapa gud təntəri də camə-cemeŋa təwa ba, səma gud bə minti yə bə ɗe a bəlam də bar áŋ Abrahama bə minti a bə doo-de gud Pepeŋa ajew də jeme bə tənturuŋ.

ROMEŊ 6:4

Bə minti yə jəŋ batem a áŋ, áŋ meŋ wəra haa duuru faɗi, yə vaŋ áŋ a tələŋkə wəra haa duuru gəm kir minti Pep Abaŋ harə áŋ la wəra dədərgə adordə meŋa damdi wə a haraŋ Kristu wəra dədərgə də səɓaki nuutu də daŋə-deŋeŋ ana gəm. Wə haraŋ áŋ wəra dədərgə haa minti ɗe də áŋ jəə la kimirwi.

II KOREŊTƏŊ 2:14

Are tokɗe Pepeŋ, gud maa mo wə keye are bə pi buluma cəərə gəəliŋa gud bə minti are gə tapə-tepe də Kristu, wə bə ɗe tiinə are gəm. Wə jəŋ kir minti kaŋ asə Kristu la wəra a koŋa keɗe damdi siisi də urde bə minti duusi warna a koŋ na keɗeŋ ana gəm, haa də are.

II KOREŊTƏŊ 4:6

Pepeŋ a waataŋ warda minti: «Pəɗakiŋ walə ko bə tilməŋ la wəra.» Wəlaŋ koŋ wəra ku tarmə áŋa haa tó də kusru bə ge áŋ bə ase boblo nuutu bə minti bə welɗe wəra dər Kristu anəkayyaŋ.

II KOREŊTƏŊ 5:9

Jəəne nuutu minti are kəm zugi də kusrə are bə adawraŋ, ɗawba are yəəkunu ne wəraŋ, are golde ajew anə faɗi haa minti are doo dər Barkaŋ la.

II KOREŊTƏŊ 9:8

Pepeŋ bə nakə-neke bə ayaŋ gidiirə kar pəsaŋ məntəŋ məntəŋ mo keɗe kir minti, karman bə minti aŋ kir fəluŋ a kerpe kaasəŋa ba, yə raawə la wəra kaasəŋa pisi raawa ɗaw kir minti aŋ kayə la diiri ku joŋre pisiŋaŋ.

EFESIŊ 1:17

Ten bə mante kasi Pep kə Barkaŋ náŋ Yeesu Kristuŋa, Aba bə minti bobloŋ nuutuŋ, minti də Tiiru Cetcetaŋ nuutuŋ, wə ayaŋ né bə minti vəɗu wəra a nəənəŋ la daana bə minti gaŋ dərəŋ la wəra cuuru kaŋkaŋ.

EFESIŊ 2:10

Gud maa mo, hel də minti Pepeŋ jəənə gilaŋ keɗeŋ, cəərə awaŋ haa áŋ: gud tepe náŋa də Yeesu Kristu, wə jəŋ áŋ kir minti áŋ jəə la haa joŋre pisi bə minti wə a ɗəmpunu warda hãã ajew da minti áŋ daw ku la wəraŋ.

EFESIŊ 4:1

Bədoona ta, ten bə minti a daŋgaya gud joŋre kə Barkaŋaŋ, ten bə jəŋ kamkama minti: ɗe dəŋ jəə la bə tapə-tepe də mante bə minti Pepeŋ mantənaŋ da duuruŋ ha'aŋ ana gəm.

EFESIŊ 4:13

Bədoona ana ta, áŋ neke yaŋ keɗe bə ji tapi dər de náŋa daana dər ase náŋa cəərə Kormə Pepeŋa. Áŋ kole yaŋ wəra kaa kə jeŋə-jeŋe daana kaa gə minti si yaŋ hãã bə ɗe a de ku áŋ wəra, damdi ku Kristu wəra bə doo-de ana gəm.

EFESIŊ 5:10

Aŋ ayə kusrəŋ la bə vere dər kela bə ase kaayaŋ gə minti de dər Barkaŋ.

EFESIŊ 5:15

Bədoona ta, aŋ amə ɗe dəŋ la pisi. Aŋ a ji kusrəŋ damdi kaa gənam-gənami ana ba, səma aŋ jəə la haa kaa kə zuuri kel.

EFESIŊ 5:2

Ɗe dəŋ haa la gud beleŋa tew-tew, damdi ɗe də Kristu a haŋ guuduŋ ana gəm. Gud maa mo, wə bəlaŋ áŋ ablaw daana wə ayaŋ kusru wəra a Pepeŋ gud áŋa damdi karman bə ayə-aye daana keere bə minti siisi duŋ siisunu warna fərəy-fərəy ana.

FILIPIŊ 1:11

Kəya ɗe dəŋ ji yaŋ saksaki ɗeker gud səɓaki kə Yeesu Kristuŋa, kir minti kaŋ haa cəərə Pepeŋ la apəya, yə tukɗu la gud teŋa gəm.

FILIPIŊ 1:27

Səma, ɗe dəŋ jəə la bə tapə-tepe haa də *Kel pəsaŋ kəmarwaŋ kə Kristuŋ. Bədoona ta, jəəne minti ten bə ɗe yaŋ na a goloŋ, kumundu ten ɗe na baŋ, ten əskəŋ səmaŋ la haa minti aŋ yaŋ gə əsə-isi saksaki ŋəŋ də ɗiki dəŋ məna'i, daana aŋ bə duuri haa də ku tarməyaŋ tapi gud de bə minti fəlaŋ kəsar du a Kel pəsaŋ kəmarwaŋ daŋ.

FILIPIŊ 4:18

Kar gə minti aŋ aynan dən daŋ, ten fəlnəy wəra keɗe, yə dəŋaŋ cəərə kar gə minti ten a jeŋ də caadiŋ ɗaw. Bə minti Epafroditi bəənən də keye nəəti toŋ kəyaŋ, caadə karman yaakaŋ sarəna pəda anə hasi faɗi. Keye toŋ kəya wə damdi keere bə minti siisi Pepeŋ warna fərəy-fərəy ana, bə minti daw duru gəm.

KOLOSIŊ 2:19

Kaa teŋ kəyaŋ, yə bele isi gə gargə-garge sar Kristu ba, jəəne nuutu minti té də kusri haa kusru, tó haa ciiri taŋtaŋ. Ana haa sar Kristu da bə minti kusru toŋ fele hameŋ daana bə tapə-tepe duru wəra pisi gud kəsar gə suruŋa daana gud dər kəskəŋ du gə maltə-malteŋa. Kəya wə bə si haa damdi giidə Pepeŋ bə balə-bele ana'i.

KOLOSIŊ 2:6

Bədoona ana, aŋ doŋ haa də Kristu Yeesu minti wə Barkaŋ nəətiŋ, ɗe dəŋ jəə la bə kə kaa gə minti gə tapə-tepe duuruŋ ana.

KOLOSIŊ 3:20

Aŋ kəmar koncoŋ, aŋ doo ku kamnaŋ la cəərə kara keɗe'i, haa karman bə minti giidə Barkaŋ bəluŋ.

KOLOSIŊ 4:5

Aŋ jəə la də hel sar kaa gə minti kəm paapa gə doo-de gud Kristu baŋ. Də ko bə minti dərəŋ fəlaŋ neŋ keɗe, aŋ gay diri la wəra cəərə kusrəŋa minti aŋ haa kaa kə doo-deŋ.

1 TESALONIKIŊ 2:12

Are aynaŋ səɓaki, are teŋneŋ dərəŋ, daana are jəənəŋ kamkam saksaki minti ɗe nəəti jəə la bə nakə-neke gud kə Pepeŋa, gud bə minti wə mantənaŋ bə isi duuru a kumna daana dər məyan nuutuŋa.

1 TESALONIKIŊ 4:1

Kəsaanə areŋ, aŋ kir ɗe naanə mo minti aŋ doo dər Pepeŋ laŋ, are hatnaŋ ne wəra cuuru. Áŋ goloŋ neŋ, aŋ bə ji bədoona ana ɗaw. Bə hebkənaŋ are bə waataŋa daana bə jəŋ kamkama minti gud tepe nəətiŋa də Barkaŋ Yeesuŋ, aŋ harə la bə ze guudəŋa bə ji bədoona ana ada kəm pisi ze pə ɗaw.

II TIMOTE 2:4

Sooto bə minti bə əsə-isi ku joŋre nuutuŋaŋ, wə waataŋ ne minti tó jəə la dihi ku kumna kə toŋaŋ, wə tapte kusru a joŋre kə kaa gə minti teŋ paapa sooto baŋ ba.

TITI 3:1

Bədoona ana, ɗəkə cəərə kaa kə Pepeŋ la keɗe minti yə əskə la gud kəkamnaŋa daana kaa gə abay-abay, yə tupuy kuy la daana yə ɗampə kusri la wəra bə ji joŋre pisiŋ keɗe faɗi.

TITI 3:14

Kaa náŋ gəm, yə hatə ayə bə kusri la bə ji joŋre pisiŋa, bə keye kaa gə minti dər gəəliŋaŋ kirka keyeŋ. Yə jəəne bə ji bədoonaŋ, de neeteŋ bese wəra siri boobo ba, wə kole bə keye kaa.

HEBEREŊ 11:5

Gud de kə Enokiŋaŋ, Pepeŋ həənu warna suru na dədərgə, wə asaŋ meŋ ba. Kəya hulum haraŋ bə əsu hõy pəda gud bə minti wə həənu warnaŋ. Kefter kə Pepeŋ wəra bə waatə-waate cuuru gəm minti, ajew də minti wə həənuŋ, wə a duunu duru faɗi.

HEBEREŊ 13:16

Aŋ jəə la wəra anə kaŋkaŋ bə ji pisiŋa daana bə keye kumsəŋa aduubə də kumsəŋa. Haa kəya gom də keere bə minti bə doo-de dər Pepeŋ faɗi.

HEBEREŊ 13:21

Pep toŋ koloŋ la gə nakə-neke bə ji gidiirə pisiŋ wəra keɗe, kir minti aŋ jəə la haa karman bə minti giidu bəluŋ. Də Yeesu Kristu, wə jəə joŋre nuutu la cəərə áŋa bə kole áŋ wəra bə ji karman bə minti daw duruŋ. Aŋkeŋ jəə la kə Yeesu Kristu bə faɗnə-faɗna! *Amen.

II PIYER 1:8

Kumsə kel teŋ kəya jəəne sarəŋaŋ pisi jəə, yə gunuŋ yaŋ wəra a joŋreŋa, aŋ si yaŋ bə ase Barkaŋ náŋ Yeesu Kristu wəra pisi asi.

II PIYER 3:18

Aŋ suu la pisi suu dər pisiŋa daana dər aseŋ kə Barkaŋ náŋ Yeesu Kristuŋa, Hulum bə seereŋ. Tokɗeŋ jəə la máŋ nuutu hebkəna daana bə faɗnə-faɗna gəm! *Amen.

I ZAŊ 3:22

Kar gə minti áŋ məntəy kəəsu keɗeŋ, wə əyəy a áŋ, gud bə minti áŋ bə ɗe gud ku gili nuutuŋa daana áŋ bə jəəti kar gə daw duruŋa gəm.

I ZAŊ 5:20

Áŋ asaŋ wəra minti Kormə Pepeŋ a bəŋ ne wəra. Wə ayaŋ hel də əskiŋ a áŋ minti áŋ asə Pep bə gəəziŋ la. Áŋ də Pep bə gəəziŋ saksaki gud tepe náŋa də Kurmuyu Yeesu Kristuŋ. Yeesu haa Pep bə gəəziŋ, wə dədərgə də bay teweŋ gəm.

III ZAŊ 1:6

Kaa teŋ bəŋ a waate sam bele nəmtiŋ wəra tiinə kaa kə Tapiŋa keɗe. Bədoona ana, ten bele waatam minti tam kayə gom də kaa teŋ la a gəryi neeteŋa damdi Pepeŋ bəlaŋ ana.