Biblia Todo Logo
Bìoball air-loidhne

- Sanasan -




JOŊRE 1:3 - JAA TƏMARWAŊ

3 Gud maa mo, adordə me duŋ, dər hiti hor-hor waaɗe, wə vaɗtaŋ kusru wəra a niini kampa ablaw. Bədoona ana, wə jəŋ gidiirə hel ablaw bə gay diri wəra kəkər minti tó haraŋ ne wəra dədərgə adordə meŋa gəəzi. Wə wəətənəy kel cəərə *Kumna kə Pepeŋa minti wə jəw yaŋ cəərə kaŋa.

Faic an caibideil Dèan lethbhreac




JOŊRE 1:3
27 Iomraidhean Croise  

Ten waataŋ, yə bə de *Kumna kə Pepeŋ yaŋ wəra kaasəŋa, yə bə əyu wəra a kaa gə seŋka daalaŋ gə minti teŋ jəŋ joŋre duŋ. [


Ɗe a goleŋa, Yeesu ŋəfaŋ ne diiri ɗaw, wə wəətənəy minti: «Aŋ suuse!» Yə zeŋ suru da, yə vaŋ də gigiiri tiinu, yə gərgutunu kəmpuru.


«Aŋ kolə kerkeŋ la a baymele nəətiŋ, gud maa mo *Kumna kə Pepeŋ wəra maŋ.»


Yeesu yaakaŋ kusru də tay, duugŋ də daaway hiti hor-hor waaɗe, kəya tay əsəŋ bə ɗəmu.


Barkaŋ Yeesu wəətənəy kel teŋ bədoona waata kəyaŋ, Pepeŋ həənu warna apəy na, wə usnu a kəəsu kemera.


Adordə hi toŋa aluma məna, kaa gə guuduŋ a gə tapə-tepe ciiri giidə kuli toŋa pa, Tomasi máŋ aduubə di. Yə a gistiŋ ku kuliŋ wəra ciiri də lakəle. Kəya Yeesu pəŋ duru aduubə di gil, wə minti: «Kəkaɓiŋ jəə la cəərəŋa!»


Adoro hiti laki, Yeesu haraŋ bə veɗe kusru wəra a *kaa gə guuduŋ ku kan kəmtəŋ gə Tiberiyadiŋa haa bə kəyaŋ ana:


Haa kəya kampa bə soope bə minti Yeesu vaɗtaŋ kusru wəra dər kaa gə guuduŋa bə minti wə a haraŋ wəra dədərgə adordə meŋaŋ.


Kəya Yeesu jəŋ hiti ablaw bə ke dər kaŋa cəərə kusru. Kaa teŋ haa kaa gə minti a pətəŋ da duuru keɗe giidə seŋka də Galileŋ da bə ɗe Zeruzalem. Koloŋ bə ji kəmnə də kəkəya cuuru a kaanə Israyel hebkəna haa kaa teŋ gəm.


Pol jəŋ kitir soope bə ɗeete giidə *kuli bə toose kə kaanə Ziwifiŋa. Wə waatətaŋ kel wəra ada anə kaŋkaŋ cəərə *Kumna bə minti Pepeŋ bə jəw yaŋ. Wə jəŋ wəra anə keɗe-keɗe kir minti kaŋ kolə ɗiki di la gud kel kə tóŋa, yə doo la guudi.


Kəya yə ŋəmaŋ hi baalaŋ duuru bə ŋefe də kumsi. Hi bə minti yə a ŋəmnu tuukuŋ kəyaŋ, yə bəŋ girdu da máŋ ablaw dəŋaŋ bə minti yə a bəŋ acekjew. Bədoona ta, də ko bə bəbəgiŋ hãã cəwa ɗeŋ a dere adawra kurmusi, Pol bə tupuy bəlam də kela cəərə *Kumna kə Pepeŋa daana cəərə Yeesu. Wə bə kay diri də *ku gili kə *Moyisiŋ daana də kel gə minti *kaa kə jogte ku mini kə Pepeŋ a jiiriniy wəraŋ, minti kel gə minti tó wəətəy cəərə Yeesu ha'aŋ, yə gəəzi.


Wə waataŋ kel wəra cəərə *Kumna kə Pepeŋa daana wə hataŋ kaŋ cəərə Barkaŋ Yeesu Kristu wəra bay walka, kaanə Rom həənu ku wəra bə gəm.


Səma, də ko bə minti kaŋ doŋ gud *Kel pəsaŋ kəmarwaŋ gə minti Filipi a bə wəətəy diŋ cəərə *Kumna kə Pepeŋa daana cəərə Yeesu Kristuŋ gəm, yə jiiniy batem wəra, kaa kaŋkar də kəram keɗe.


Gud maa mo *Kumna kə Pepeŋ waate paapa cəərə aye bə kəkəy bə kar kə hameŋ daana gə seŋa ba. Kəmtəŋ də kel haa minti áŋ jəə la gə kolə-kole dər Pepeŋa ɗeker, áŋ jəə la kəkaɓi daana dər waaleŋa. Aye kar teŋ a áŋ haa Tiiru Cetcetaŋ.


Wə ɓətəŋ áŋ warda ku səɓaki də dər tilməŋ da, wə ɗeŋ də áŋ a kumna kə Kurmuyu bə minti wə bəlu ablaw na.


Are aynaŋ səɓaki, are teŋneŋ dərəŋ, daana are jəənəŋ kamkam saksaki minti ɗe nəəti jəə la bə nakə-neke gud kə Pepeŋa, gud bə minti wə mantənaŋ bə isi duuru a kumna daana dər məyan nuutuŋa.


Are jeere a nəənəŋ haa cəərə kel gə minti are jiɓriniŋ, gə minti are gulnuy də dər areŋ, gə minti are əsnəy daana gə minti are ɗuutunuy wəra də kasi areŋ gəm. Yə a jəŋ warda hãã ajew də mele bə gud koŋ da, yə haa kel gə minti aye Dədərgəŋ a kaŋ.


Lean sinn:

Sanasan


Sanasan