Kel pəsaŋ kəmarwaŋ gə minti Zaŋ jiiriniy 5:3 - JAA TƏMARWAŊ

³ Gud gadlay toŋa ha'aŋ, gidiirə kaa kə ɗemeŋ ablaw ada anə lam-lam: kaa kə bəwə-bəwiŋ, kaa kə dəlay, kaa kə hurufiŋ. [Yə bə mi ɗoote bə kana.

Kel pəsaŋ kəmarwaŋ gə minti Zaŋ jiiriniy 5:3 Iomraidhean Croise

MATIYE 15:30

Kəya kaa ablaw kooroŋ suru da də kaa kə dəlay, kaa kə bəwə-bəwiŋ, kaa gə minti kar di wəra gə meetə-meeteŋ, kaa gə minti kisilɗi paapa bə wal'e kela wəra baŋ, gidiirə ɗeme baalaŋ-baalaŋ ada pa. Yə ɗeŋ a vay tiinə Yeesu, kəya wə siirtiniy wəra faɗi gəm.

MATIYE 4:24

Kəya kaŋ uskunu səmu wəra giidə seŋka də Siriŋa keɗe. Yə pəətəŋ wəra suru də kaa gə minti gidiirə ɗemeŋ siri də kaayaŋ gə minti gidiirə kar bə ləsəyaŋ: kaa gə minti kəwal ciiriŋ, kaa gə meete zəlaŋ, də kaa gə hurufiŋ gəm. Kəya wə siirtiniy wəra.

LIKI 7:22

Kəya wə haraŋ kel a kaa gə minti Zaŋ vəənəy daŋ minti: «Aŋ ɗee la a waate Zaŋ cəərə kel gə minti aŋ əsnəy daana iskiniŋ: kaa kə bəwə-bəwiŋ bə ase, kaa kə dəlay bə ɗe, kaa kə fə̃yaŋ seereŋ wəra, kaa kə nəŋkaŋ bə iski, kaa kə mee-meŋ haraŋ wəra dədərgə, kaa kə caacaŋ bə iski *Kel Pəsaŋ kəmarwaŋ kə Pepeŋa.

Kel pəsaŋ kəmarwaŋ gə minti Zaŋ jiiriniy 5:2

Giidə vil taŋa ha'aŋ, goloŋ bə hərsə-hərsi yaŋ ada sar ku kuli bə minti yə məntu Ku Kuli kə Kaamaŋ. Gadlay gə karə-kere ku goloŋ toŋa wiiɗiw. Yə mante goloŋ toŋ də ku Hebereŋ minti Betsata.

Kel pəsaŋ kəmarwaŋ gə minti Zaŋ jiiriniy 5:4

Gud maa mo hulum bə digi kə Barkaŋ kalte dər kana hõy-hõy bə ɗuutitiya. Hulum bə ɗeme bə minti ɗeŋ ne a kele dər goloŋa ajew də kumsuŋ, ɗeme nuutuŋ jəə la nuutu kəna naanaanə ɗaw, toŋ seere wəra.]

ROMEŊ 8:25

Səma jəəne minti áŋ gə malə-mele ɗiki də áŋ cəərə karman bə minti áŋ əsnu kəm wəra də dər áŋ baŋ, áŋ isi haa ŋəŋ bə məwa faɗi.

ZAKI 5:7

Bədoona ana ta kəsaananti, aŋ əsə la dərəŋ ɗəl bə mi hãã bə minti Barkaŋ hare daŋ. Aŋ gosə gole la kəm cəərə hulum bə keɗeŋa mo: bə minti koŋ hagaŋ ne, wə jo'e kaasaw nuutuŋ. Adoro wə isi duru anə ɗəlla bə mi tewe bə cəərə ko bə hageŋa bə ɗe a ceme kaasaw nuutuŋ.