Kel pəsaŋ kəmarwaŋ gə minti Zaŋ jiiriniy 3:2 - JAA TƏMARWAŊ

² Ɗeŋ a deye hõy, wə kooroŋ sar Yeesu duugŋ, wə wəətunu minti: «Hulum bə hateŋ, wəra də dər are minti Pepeŋ gaanam da bə bi a hate are. Gud maa mo, Pepeŋ sə a jəə la duuru bə əyu səɓakiŋa baŋ, hulum anə məna sə a neke bə ji kar gə məɗ-miɗi gə minti tam a jiitiniy ba.»

Kel pəsaŋ kəmarwaŋ gə minti Zaŋ jiiriniy 3:2 Iomraidhean Croise

MATIYE 22:16

Yə vəənu sərdə kaa gə guudi hiw, də *kaa gə gud *Erodiŋ suru. Yə əsəŋ bə wəətu minti: «Hulum bə hateŋ, are gə asə-ase minti tam waate kel wəra bay kan dərəma. Pepeŋ bele minti áŋ ɗee la haa naanaanə moŋ, tam hate anə ɗeker ciiri faɗi. Jəəne nuutu hulum mundu mundu mo, tam kole kel nəmtiŋ kəəsu ba, gud maa mo tam paapa bə gole agal də minti kəna mindi moŋ ba.

MATIYE 23:7

Yə golde haa minti kaŋ mirkə té la wəra anə pasyak-pasyaki a ko bə anə alumaŋa. Yə bele minti kaŋ mantə té la minti té kəna ‹kaa kə hateŋ› pa.

MATIYE 23:8

Səma nəətiŋ ha'aŋ, aŋ a yaake hulum bə mantəŋa minti ‹hulum bə hateŋ› ba. Gud maa mo, hulum bə hataŋ wə haa ɗaaməna faɗi, aŋ kaa kaayaŋ teŋ keɗe kəsaanə kumsuŋ.

MARKƏ 12:14

Yə wəətunu minti: «Hulum bə hateŋ, are gə asə-ase minti tam waate kel wəra bay kan dərəma. Jəəne nuutu hulum mundu mundu mo, tam kole kel nəmtiŋ kəəsu ba, gud maa mo tam paapa bə gole agal də minti kəna mindi moŋ ba. Pepeŋ bele minti áŋ ɗee la haa naanaanə moŋ, tam hate anə ɗeker ciiri faɗi. Are bele lam kum: áŋ ayaŋ lambaŋ ne a kumna boblo Sezar, haa akəsa mo? Áŋ kirka aya mo, paapa mo?»

Kel pəsaŋ kəmarwaŋ gə minti Zaŋ jiiriniy 1:38

Yeesu haraŋ duru adoro kəyaŋ, wə əsnəy zugi guudu da. Wə ləənəy kuy minti: «Aŋ golde haa maa mo?» Yə minti: «Rabi, tam bə əsə-isi haa ane mo?» (Rabiŋ haa minti «Hulum bə hateŋ»).

Kel pəsaŋ kəmarwaŋ gə minti Zaŋ jiiriniy 10:38

Səma ten jəəne bə ji haa joŋre bə minti Barən bəluŋ, aŋ doo la guudu, jəəne nuutu minti aŋ doŋ guudəna baŋ. Aŋ doo la gud joŋre toŋa kir minti aŋ kolə la bə ase wəra soki məna bə faɗnə-faɗna minti Barən gəm, ten gəm, are gə tapə-tepe məna də kumsi.»

Kel pəsaŋ kəmarwaŋ gə minti Zaŋ jiiriniy 12:37

Də miɗi bə minti wə juutunu aduubə di gila keɗeŋ, yə ɗempa a de guudu ba.

Kel pəsaŋ kəmarwaŋ gə minti Zaŋ jiiriniy 14:10

Tam paapa bə doo-de gud kel teŋa ba minti ten bə tapə-tepe də Abaŋ daana wə bə tapə-tepe dəərən? Kel gə minti ten waataŋ dəŋ, yə bəŋ paapa dər ɗiki dən da ba. Aba bə minti giidənaŋ bə ji haa joŋre bə minti wə a ɗəkəŋ bə jəw faɗi.

Kel pəsaŋ kəmarwaŋ gə minti Zaŋ jiiriniy 15:24

Gidiirə kar gə minti hulum jəŋ teŋ hõy baŋ, ten jiitini wəra aduubə di. Ten a jəə kar teŋ la baŋ, kəətiŋ sə a doy gud baymele neeteŋa ba. Hebkəna ha'aŋ, yə asaŋ kar gə minti ten jiitiniy, yə kəm nuutu bə məlan dərəna wəra, yə bə mele dər Barəna wəra gəm.

Kel pəsaŋ kəmarwaŋ gə minti Zaŋ jiiriniy 2:11

Haa kəya miɗi bə minti wə juunu giidə vil də Kaanaŋa, seŋka də Galileŋ. Wə haa miɗi bə ge dər bə cəərə abay nuutuŋ minti Yeesu məlaŋ guudu bə jəwa ajew aduubə də kumsuŋaŋ. Wə vəɗaŋ boblo nuutuŋ wəra haa bədoona ana, kaa gə guuduŋ koloŋ bə de guudu haa sə teŋ.

Kel pəsaŋ kəmarwaŋ gə minti Zaŋ jiiriniy 20:16

Yeesu minti: «Mari!» Kəya a perteŋ dərə cuuru faɗi, a wəətunu də ku Hebere minti: «Raboni!», haa minti: «Hulum bə hateŋ».

Kel pəsaŋ kəmarwaŋ gə minti Zaŋ jiiriniy 3:26

Yə kooroŋ sar Zaŋ bə ɗe a wəətu minti: «Hulum bə hateŋ, tam asaŋ ne hulum bə minti a jəŋ səram da ku vor bə Zurdeŋ da agal naaya taŋ daŋ, hulum tó bə minti tam a jəŋ bərdə kəkəy cuuruŋ, əsəŋ hebkəna bə jəəti batema a kaŋ gəm. Kaŋ keɗe gaŋ kuy máŋ haa suru na anəkay ɗaw.»

Kel pəsaŋ kəmarwaŋ gə minti Zaŋ jiiriniy 4:31

Də ko toŋ ha'aŋ, kaa gə gud Yeesuŋ a bə luɓu minti: «Hulum bə hateŋ, hamə la tə gəm mo.»

Kel pəsaŋ kəmarwaŋ gə minti Zaŋ jiiriniy 5:36

Səma kar gaalaŋ yaŋ bə ji bar kəkəya wəra cəərəna dəŋaŋ kə Zaŋ. Kar teŋ haa joŋre bə minti Barən aynan dən minti ten təwu laŋ. Joŋre toŋ waatan səman daana wə ge dər kaŋ minti Barən gaanan da.

Kel pəsaŋ kəmarwaŋ gə minti Zaŋ jiiriniy 6:2

Kaŋ taptaŋ guudu ablaw gud bə minti yə astaŋ kar gə məɗ-miɗi gə minti wə jiini bə seerte kaa kə ɗemeŋaŋ wəra də diri.

Kel pəsaŋ kəmarwaŋ gə minti Zaŋ jiiriniy 7:31

Anaaŋa aduubə də kaa kə ablawaŋ, kaa ablaw doŋ guudu. Yə minti: «Hulum bə minti Pepeŋ ŋəmnu bəŋ ne akaceŋaŋ, wə jəəti miɗi bə deŋe kə hulum toŋ gilaŋ yaŋ nuutu mo?»

Kel pəsaŋ kəmarwaŋ gə minti Zaŋ jiiriniy 9:16

Kəya sərdə kaanə Farisiyeŋ minti: «Hulum bə minti jəŋ kel teŋ neke bə bi sar Pepeŋ da ba, gud maa mo wə paapa bə humi kosoŋa cəərə *ku gili bə minti waate sam hi bə faakeŋ ba.» Sirdi kəman pa minti: «Hulum bə baymeleŋ neke haa naanaanə neke bə ji gom də miɗi toŋ kəyaŋ mo?» Kəya kuy ɓarsaŋ aduubə də kumsi faɗi.

JOŊRE 10:38

Aŋ wəra gə asə-ase pa minti Pepeŋ a ŋəmaŋ Yeesu bə Nazaretiŋ wəra, wə ɗusnu wəra də səɓaki kə Tiiru Cetcetaŋ gəm. Bədoona ta, Yeesu toŋ gəryəŋ giidə seŋkaŋ lama keɗe'i ha'aŋ, bə ji pisiŋa sar kaŋa daana bə pi kəwal gə minti cəərə kaŋa bə ləsəya wəraŋ, gud bə minti Pepeŋ duuru saksaki.

JOŊRE 2:22

Kəya Piyer haraŋ bə waate kaŋa minti: «Aŋ kaanə *Israyel, aŋ əskə kel gə minti ten bə waataŋ dəŋa la pisi: aŋ wəra gə asə-ase gəm minti Yeesu bə Nazaretiŋ jəŋ kar gə məɗ-miɗi, kar kə ŋili kaŋ daana kar gə ke dər kaŋ minti kel bə ɗe a ji yaŋ na. Wə jiiniy haa adəwaldəŋa kəna də səɓaki kə Pepeŋ. Aŋ asaŋ a ko toŋa minti usnu a joŋre toŋa haa Pepeŋ.

FILIPIŊ 1:14

Ana paŋ, bə minti kaa kə doo-deŋ asaŋ minti ten a daŋgayaŋ, daŋge diŋ fəlaŋ teŋe bə dər bə mele ɗiki di hebkəna máŋ pisi malə cəərə Barkaŋa. Bədoona ana ta, yə əntəŋ giidi bə waate kel kə Pepeŋa wəra pisi waata bay walka.